Ioane 3
3
O Iesu ma Nikotemo
1O le tasi tagata o lo le ‘au faresaio, o Nikotemo lona igoa, o le tasi lea faipule o Iutaia; 2‘ua alu ane o ia ‘iā Iesu i le pō, ‘ua fai mai ‘iā te ia, “Rapi ‘ua matou iloa o oe o le a‘oa‘o ‘ua maliu mai mai le Atua; auā e lē mafai e se tasi ‘ona fai o ia fa‘ailoga ‘e te faia, pe ‘āfai e lē ‘iā te ia le Atua.”
3‘Ua tali atu Iesu, ‘ua fa‘apea atu ‘iā te ia, “E moni, e moni, ‘ou te fai atu ‘iā te oe, a lē toe fānau le tagata, e lē mafai ‘ona iloa e ia le mālō o le Atua.”
4‘Ua fai mai Nikotemo ‘iā te ia, “E mafai ‘ea fa‘apefea ‘ona fānau o le tagata ‘ua toeaina? E mafai ‘ea ‘ona toe ofi i le manava o lona tinā, ma toe fānau mai ai?”
5‘Ua tali atu Iesu, “E moni, e moni, ‘ou te fai atu ‘iā te oe, ‘āfai e lē fānau se tasi i le vai ma le Agaga, e lē mafai ‘ona sao o ia i le mālō o le Atua.#Eseki 36.25-27; Efe 5.26; Tito 3.5 6O lē ‘ua fānau mai i la le tino, o le tino lea; o lē ‘ua fānau mai fo‘i i la le Agaga, o le agaga lea.#1 Kori 15.50 7‘Aua ‘e te ofo auā ‘ua ‘ou fai atu ‘iā te oe, ‘E ao ‘ina toe fānau mai ‘outou.’ 8E agi le matagi#3.8 le matagi: po o le agaga. i le mea e loto i ai o ia, ‘e te fa‘alogo fo‘i i lona agi, a ‘e te lē iloa le mea na sau ai, ma le mea e alu atu i ai; e fa‘apea i latou uma o ē ‘ua fānau mai i le Agaga.”#Eseki 37.9
9‘Ua tali mai Nikotemo, ‘ua fa‘apea mai ‘iā te ia, “E mafai fa‘apefea o ia mea ‘ona fai?”
10‘Ona tali atu lea o Iesu, ‘ua fa‘apea atu ‘iā te ia, “O oe o le a‘oa‘o o Isaraelu, a ‘e te le‘i iloa ‘ea nei mea?
11“E moni, e moni ‘ou te fai atu ‘iā te oe, matou te tautala i mea ‘ua matou iloa, matou te molimau fo‘i i mea ‘ua matou va‘ava‘ai i ai; ‘ae lē talia mai e ‘outou la matou mau.#Ioane 7.16; 8.26, 28; 12.49 12‘Āfai ‘ua ‘ou fai atu ‘iā te ‘outou i mea o i le lalolagi, ‘ae lē talitonu mai ‘outou, pe fa‘apefea ‘ona ‘outou talitonu pe a a‘u fai atu ‘iā te ‘outou i mea o i le lagi? 13E leai fo‘i se tasi na alu a‘e i le lagi, nā o ia na alu ifo mai le lagi, o le Atali‘i lea o le tagata o lo‘o i le lagi. 14E pei ‘ona si‘itia i luga e Mose o le gata i le vao, e ao ‘ina fa‘apea ‘ona si‘itia i luga o le Atali‘i o le tagata;#Nume 21.9 15‘ina ‘ia maua le ola e fa‘avavau e i latou uma o ē fa‘atuatua ‘iā te ia.
16“Auā ‘ua fa‘apea lava ‘ona alofa mai o le Atua i le lalolagi ‘ua ia ‘aumai ai lona Atali‘i e to‘atasi, ‘ina ‘ia lē fano se tasi o ē fa‘atuatua ‘iā te ia, a ‘ia maua e ia le ola e fa‘avavau.#Roma 5.8; 8.32; 1 Ioane 4.9
17“Auā e le‘i ‘auina mai e le Atua lona Atali‘i i le lalolagi ‘ina ‘ia fa‘asala i le lalolagi, a ‘ia fa‘aolaina le lalolagi ‘iā te ia.#Ioane 5.22; 12.47; Luka 19.10; Galu 17.31 18O lē fa‘atuatua ‘iā te ia, e lē fa‘asalaina o ia; a o lē lē fa‘atuatua, ‘ua uma ‘ona fa‘amasinoina nei lava o ia, auā e le‘i fa‘atuatua lava o ia i le igoa o le Atali‘i e to‘atasi o le Atua. 19O le fa‘amasinoga fo‘i lenei, ‘ina ‘ua o‘o mai le malamalama i le lalolagi a o tagata, e sili lo latou mana‘o i le pouliuli i lo latou mana‘o i le malamalama; auā e leaga a latou amio.#Ioane 1.4; 8.12; Efe 5.11, 13 20Auā o i latou uma o ē fai mea leaga e ‘ino‘ino i latou i le malamalama, e lē ō mai fo‘i i le malamalama, ne‘i fa‘ailoa a latou amio.#Efe 5.13 21A o lē ‘ua fa‘amaoni i ana mea e fai, e sau lava o ia i le malamalama, ‘ia fa‘aalia ana amio ‘ina ‘ua tatau i le Atua.”
O Iesu ma Ioane
22Mulimuli ane, ‘ua maliu atu Iesu ma ona so‘o i le nu‘u o Iutaia; ‘ua nofo ai ma i latou, ma papatiso ai.#Ioane 4.1, 2 23Sa papatiso fo‘i Ioane i Ainona, e lata ane i Salima, auā e tele ai vai; na ō mai fo‘i tagata, ‘ua papatisoina ai. 24Auā o ona po ia e le‘i tu‘uina lava Ioane i le fale puipui.#Mata 14.3; Mare 6.17; Luka 3.19-20
25‘Ona fefinaua‘i lea o isi so‘o o Ioane ma Iutaia i le fa‘amamāina. 26‘Ua latou ō mai ‘iā Ioane, ma fai mai ‘iā te ia, “Rapi e, o lē sa ‘oulua i ai ma ia i tala atu o Ioritana, na e molimau i ai, fa‘auta, o lo‘o papatiso o ia, ‘ua ō atu fo‘i ‘iā te ia tagata uma lava.”
27‘Ona tali atu lea o Ioane, ‘ua fa‘apea atu, “E lē mafai ‘ona maua e se tagata se mea pe ‘āfai e lē foa‘iina mai ‘iā te ia mai le lagi. 28O ‘outou lava o a‘u molimau na ‘ou fai atu, ‘E lē o a‘u o le Keriso, a ‘ua ‘auina mai lava a‘u e muamua ‘iā te ia.’#Ioane 1.20; Mare 1.2; Mata 11.10 29O le tagata e ana le fa‘ato‘ānofotane, o le fa‘ato‘āfaiavā lea; a o le uō a le fa‘ato‘āfaiavā, e tu mai ma fa‘alogo ‘iā te ia, e tele lona ‘oli‘oli i le leo o le fa‘ato‘āfaiavā; o lea fo‘i ‘ua ‘ato‘atoa ai lo‘u nei ‘oli‘oli.#Mata 9.15; 22.2 30E ao ‘ina tupu pea o ia; peita‘i a‘u nei, e tauāu ‘ina itiiti o a‘u.”#2 Samu 3.1
O lē e Maliu mai mai le Lagi
31O lē maliu mai mai lugā, e sili o ia i mea uma. O lē mai le lalolagi, o lo le lalolagi lava o ia, e tautala fo‘i o ia i la le lalolagi; a o lē maliu mai mai le lagi, e sili o ia i mea uma lava.#Ioane 8.23 32O mea fo‘i ‘ua na silafia ma fa‘afofoga i ai, o lo‘o molimau o ia i ia lava mea; e leai fo‘i se tasi e talia lana mau. 33O lē talia lana mau ‘ua nā fa‘ailoa lana tāofi, e fa‘amaoni lava le Atua. 34Auā o lē ‘ua ‘auina mai e le Atua, ‘ua fetalai lava o ia i le afioga a le Atua; auā e lē foa‘i fa‘atatauina le Agaga e le Atua. 35E alofa le Tamā i le Alo, ‘ua tu‘u mai fo‘i mea uma i lona ‘a‘ao.#Mata 11.27; Luka 10.22 36O lē fa‘atuatua i le Alo, ‘ua ‘iā te ia le ola e fa‘avavau; a o lē lē fa‘atuatua i le Alo e lē iloa e ia le ola, a o le to‘asā o le Atua o lo‘o tumau lava i ona luga.
Trenutno odabrano:
Ioane 3: RSCB
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Revised Samoan Catholic Bible © Bible Society of the South Pacific, 2010.
