Ioane 21
21
O Fetalaiga a Iesu i ona So‘o
1‘Ua mavae ia mea, ‘ona toe fa‘aali lea o Iesu i le ‘au so‘o i le vai o Tiperia; ‘ua fa‘apea ‘ona fa‘aali o ia. 2Sa fa‘atasi Simona Peteru, ma Toma ‘ua igoa ‘iā Titumo, ma Natanielu o le Kana i Kalilaia, ma atali‘i o Sepetaio, ma nisi o ona so‘o e to‘alua.#Ioane 1.45 3‘Ua fai atu Simona Peteru ‘iā te i latou, “‘Ou te alu, ‘ou te fagota.”#Luka 5.5
‘Ua fai mai i latou ‘iā te ia, “Tatou te ō fo‘i ma oe.” ‘Ua latou ō atu, ‘ona latou ō a‘e loa lea i le va‘a; ‘ae le‘i maua se i‘a e tasi i lea po. 4‘Ua o‘o i le taeao, ‘ua tu Iesu i le ‘auvai, ‘ae le‘i iloa e le ‘au so‘o o Iesu lea.#Ioane 20.14; Luka 24.16 5‘Ona fetalai atu lea o Iesu ‘iā te i latou, “Le fānau e, pe i ai ‘ea ni a ‘outou mea e ‘ai?”#Luka 24.41
‘Ua latou tali mai ‘iā te ia, “E leai.”
6‘Ua fetalai atu o ia ‘iā te i latou, “‘Inā lafo ia le ‘upega i le itū taumatau o le va‘a, ‘ona ‘outou maua ai lea.” ‘Ona latou lafo lea; a ‘ua lē toe mafai e i latou ‘ona toso a‘e, ‘ona ‘ua tumu#21.6 tumu i i‘a: O nisi fa‘aliliuga; tāumafa i i‘a. i i‘a.#Luka 5.6
7‘Ona fai atu lea o le so‘o ‘ua alofaina e Iesu ‘iā Peteru, “O le Ali‘i.” ‘Ua fa‘alogo Simona Peteru, o le Ali‘i o ia, ‘ona ‘ofu lea o ia i lona ‘ofu, auā na fa‘asau o ia; i le ‘ua oso i le vai.#Ioane 13.23 8A ‘ua ō mai isi so‘o i le va‘a itiiti; auā e lē vāvā mamao ma uta, pe lima sefulu gafa.#21.8 lima sefulu gafa: po o le selau mita po o le lua selau kupita. 9‘Ua latou tuta, ‘ona iloa lea o le afi malala, o le i‘a fo‘i ‘ua tunu ai, ma le areto. 10‘Ua fetalai atu o Iesu ‘iā te i latou, “‘Aumai ia nisi i‘a ‘ua ‘outou maua nei.”
11‘Ona alu ane lea o Simona Peteru, ma toso mai le ‘upega i uta, ‘ua tumu i i‘a tetele; e selau ma le lima sefulu ma le tolu; e ui lava ‘ina tele o i‘a, ‘ae le‘i māsae lava le ‘upega. 12‘Ua fetalai atu Iesu ‘iā te i latou, “Ō mai ia, ‘inā ‘a‘ai.” ‘Ae le‘i fa‘amalosi se tasi o le ‘au so‘o e fesili atu ‘iā te ia, “O ai ‘ea oe?” Auā ‘ua latou iloa, o le Ali‘i lava ia. 13‘Ona maliu ane lea o Iesu, ‘ua tago i le areto, ma avatu ‘iā te i latou; ‘ua fa‘apea fo‘i ma le i‘a.#Ioane 6.11
14O lona fa‘aali fa‘atolu mai lea o Iesu i ona so‘o, talu ‘ona toetū mai o ia nai ē ‘ua oti.#Ioane 20.19, 26
O Iesu ma Peteru
15‘Ua uma ‘ona latou ‘a‘ai, ‘ona fetalai atu lea o Iesu ‘iā Simona Peteru, “Simona e, le atali‘i o Ioane, pe sili mai lou alofa ‘iā te a‘u, i o latou nei?”#Ioane 20.19, 26
‘Ua fai mai o ia#21.15 ia: po o Simona Peteru. ‘iā te ia, “Ioe, le Ali‘i e, ‘ua e silafia, ‘ou te alofa ‘iā te oe.”
‘Ona fetalai atu lea o Iesu#21.15 Iesu: O le fa‘aliliuga tuai; ia. ‘iā te ia, “‘Ia e fafaga i a‘u tama‘i mamoe.” 16‘Ua toe fetalai atu fa‘alua Iesu ‘iā te ia, “Simona e, le atali‘i o Ioane, pe ‘e te alofa mai ‘iā te a‘u?”
‘Ua fai mai o ia#21.16 ia: po o Simona Peteru. ‘iā te ia, “Ioe, le Ali‘i e, ‘ua e silafia, ‘ou te alofa ‘iā te oe.”#1 Pete 5.2, 4
‘Ona fetalai atu lea o Iesu#21.16 Iesu: O le fa‘aliliuga tuai; ia. ‘iā te ia, “‘Ia e leoleo i a‘u mamoe.” 17‘Ua fetalai fa‘atolu atu Iesu#21.17 Iesu: O le fa‘aliliuga tuai; ia. ‘iā te ia, “Simona e, le atali‘i o Ioane, pe ‘e te alofa mai ‘iā te a‘u?”
‘Ua tigā Peteru, auā ‘ua ia fetalai fa‘atolu ‘iā te ia, “Pe ‘e te alofa mai ‘iā te a‘u?”#Ioane 13.38; 16.30
‘Ua fai mai ‘iā te ia, “Le Ali‘i e, ‘ua e silafia mea uma lava, ‘ua e silafia, ‘ua ‘ou alofa lava ‘iā te oe.”
‘Ona fetalai atu lea o Iesu ‘iā te ia, “‘Ia e fafaga i a‘u mamoe. 18E moni, e moni, ‘ou te fai atu ‘iā te oe, ‘ua e fusi oe ‘ina o e taule‘ale‘a, ma e fealua‘i i mea na e loto i ai; ‘ae pe a e toeaina, e fa‘aloaloa ou lima, e fusifusi fo‘i ‘iā te oe e se tasi, e ‘ave fo‘i oe i le mea ‘e te lē loto i ai.”#Mata 16.22; 26.39 19‘Ua ia fetalai atu lea ‘upu e fa‘ailoa atu ai le uiga o lona oti e vivi‘i atu ai o ia i le Atua. ‘Ua fetalai atu lea mea, ‘ona fa‘apea atu lea o Iesu#21.19 Iesu: O le fa‘aliliuga tuai; ia. ‘iā te ia, “‘Ia e mulimuli mai ‘iā te a‘u.”#Ioane 13.36
O Iesu ma le so‘o Pele
20‘Ua fāliu Peteru, ‘ona va‘ai atu lea o ia i le so‘o ‘ua alofaina e Iesu, o lo‘o mulimuli mai, o ia fo‘i na fa‘alagolago i le fatafata o Iesu ‘ina o fai le talisuaga, ‘ua fai atu fo‘i o ia, “Le Ali‘i e, o ai ‘ea e fa‘alataina oe?”#Ioane 13.25 21‘Ua iloa atu o ia e Peteru, ‘ona fai mai lea o ia ‘iā Iesu, “Le Ali‘i e, pe fa‘apefea o ia nei?”
22‘Ua fetalai atu Iesu ‘iā te ia, “‘Āfai ‘ou te loto ‘ina ‘ia tumau pea o ia se‘ia ‘ou sau, pe se a lea mea ‘iā te oe? ‘Ia e mulimuli mai oe ‘iā te a‘u.”
23‘Ona salalau ai lea o lenei tala i le ‘au uso, e lē oti lava lea so‘o; ‘ae le‘i fa‘apea atu Iesu ‘iā te ia, e lē oti ia; ‘ae fa‘apea, “‘Āfai ‘ou te loto ‘ina ‘ia tumau pea o ia se‘ia ‘ou sau, pe se a lea mea ‘iā te oe?”
24O le so‘o lenā o lē molimau i ia mea ma na tusia ia mea; ‘ua tatou iloa fo‘i e moni lava lana mau.#Ioane 15.27
O le ‘Upu Mulimuli
25O isi mea fo‘i e tele na faia e Iesu, ‘āfai e tusia uma lava, o la‘u tāofi e lē mafai ‘ona ofi i le lalolagi ‘ia tusi pe a tusia.#Ioane 20.30
Trenutno odabrano:
Ioane 21: RSCB
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Revised Samoan Catholic Bible © Bible Society of the South Pacific, 2010.
