Kenese 12
12
O le Vala‘auga o Aperamo
1‘Ua fetalai mai le ALI‘I ‘iā Aperamo:
“‘Ia tu‘ua e oe o lou nu‘u, ma tagata o lou nu‘u, ma le ‘āiga o lou tamā a e alu atu i se nu‘u ‘ou te fa‘asino atu ai ‘iā te oe.#Galu 7.2-3; Epe 11.8 2‘Ou te faia oe ma nu‘u tele, ‘ou te fa‘amanuia fo‘i ‘iā te oe, ‘ou te matuā fa‘amamaluina lou igoa; e manuia fo‘i oe.
3‘Ou te fa‘amanuia atu ‘iā te i latou o ē fa‘amanuia ‘iā te oe,
‘ou te fa‘amalaia atu fo‘i ‘iā te i latou o ē fetu‘u ‘iā te oe;
e manuia fo‘i ‘iā te oe o ‘āiga uma o le lalolagi.”#Kala 3.8; Galu 3.25; Sala 72.17; Nume 24.9; Eso 23.22
4‘Ona alu ai lea o Aperamo e fa‘apei ‘ona fetalai mai o le ALI‘I ‘iā te ia; na la ō fo‘i ma Lota, na alu atu Aperamo nai Karana i lona tausaga e fitugafulu ma le lima. 5‘Ua ‘ave fo‘i e Aperamo lana avā o Sarai, ma Lota le atali‘i o lona uso, ma o latou ‘oloa uma lava na latou maua, ma tagata na latou maua i Karana, ‘ona latou ō atu lea o le a ō i le nu‘u o Kanana; ‘ua o‘o fo‘i i latou i le nu‘u o Kanana.
6‘Ua ui atu fo‘i Aperamo i lea nu‘u ‘ua o‘o i le mea e i ai Sekema, i le aluna o Morē. Sa i ai sa Kananā i lea nu‘u i ia ona po. 7‘Ua fa‘aali mai le ALI‘I ‘iā Aperamo, ma ‘ua fa‘apea mai, “‘Ou te foa‘iina atu lenei lava nu‘u mo lau fānau.” ‘Ona faia lea e ia i lea mea o le fatafaitaulaga i le ALI‘I, sa fa‘aali mai o ia ‘iā te ia.#Galu 7.5; Kala 3.16 8‘Ua tu‘ua fo‘i e ia lea mea, ‘ae alu atu i le mauga i le itū i sasa‘e o Peteli, ma fa‘atū ai lona fale ‘ie, e i lona itū i sisifo o Peteli, ‘ae i lona itū i sasa‘e o Ai, na ia faia fo‘i le fatafaitaulaga i le ALI‘I i lea mea, ma ‘ua vala‘au atu i le suafa o le ALI‘I. 9‘Ua aga atu Aperamo, ma alu atu pea i le itū i saute.#12.9 itū i saute: O le fa‘aliliuga tuai; itū i toga.
O Aperamo i Aikupito
10Sa i ai fo‘i le oge i lea nu‘u; ‘ona alu ifo lea o Aperamo i Aikupito e āumau ai; auā sa vale le oge#12.10 sa vale le oge: po o sa mata‘utia le oge. i le nu‘u. 11‘Ua latalata ‘ina o‘o i Aikupito, ‘ona fai atu lea o ia i lana avā o Sarai, “Fa‘auta mai ‘ea, ‘ua ‘ou iloa o oe o le fafine lālelei; 12a va‘ai ‘iā te oe tagata Aikupito, ‘ona latou fa‘apea ane lea, ‘O lana avā lenā,’ ‘ona latou fasioti lea ‘iā te a‘u, ‘ae fa‘aolaina oe. 13Se‘i e fai atu o lo‘u tuafafine oe, ‘ina ‘ia ‘ou saogalemū ai ‘ona o oe, e ola ai fo‘i a‘u ‘ona o oe.”#Kene 20.2; 26.7 14‘Ua o‘o fo‘i Aperamo i Aikupito, ‘ona va‘aia mai lea e tagata Aikupito o le fafine ‘ua lālelei tasi lava ia. 15‘Ua iloa atu fo‘i o ia e ali‘i sa ‘iā Farao, ma ‘ua vivi‘i ‘iā te ia ‘iā Farao; ‘ona avane ai lea o le fafine i le fale o Farao. 16‘Ona agalelei atu lea o ia ‘iā Aperamo ‘ona o ia; sa ‘iā te ia fo‘i o mamoe, ma povi, ma asini po‘a, ma ‘au‘auna tane, ma ‘au‘auna fafine, ma asini fafine, ma kamela.
17A ‘ua fa‘atigāina e le ALI‘I o Farao ma lona ‘āiga i mala tetele ‘ona o Sarai le avā a Aperamo.#Sala 105.14 18‘Ona vala‘au ai lea o Farao ‘iā Aperamo, ‘ua fa‘apea atu, “Se a lenei mea ‘ua e faia ‘iā te a‘u? Pe se a le mea ‘ua e le ta‘u mai ai ‘iā te a‘u o lau avā o ia? 19O le a le mea na e fa‘apea mai ai, ‘O lo‘u tuafafine ia’? Na fai a‘u mao ‘avea o ia o fai ma a‘u avā; o lenei fo‘i, fa‘auta, o lau avā lea, ‘inā ‘ave ia, ma lua ō.” 20‘Ona poloa‘i atu lea o Farao i ona tagata ‘iā te ia; ‘ona latou tu‘uina atu ai lea o ia la te ō ma lana avā, ‘atoa ma ana mea uma.
Trenutno odabrano:
Kenese 12: RSCB
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Revised Samoan Catholic Bible © Bible Society of the South Pacific, 2010.