Luk Akereki Kuna
Akereki Kuna
Sini Lukue xayawotai asinaku kuna xosa xekeukiriaia Yesusue Israil apimi xiyeri tinikina Yentail xeteneai apimi rania tiniketai. Yesusue ximuximu saina sarepure xinapa xuiapu ipaki kanikina, “Xoiteupo asinaku kuna xauna teu yei tinikepineure Xoiteupo Supo Youyae saiyeretai,” xetai (4.18 xekoa). Paiya xiri suwauni kutu. Pa nakau xosa Lukue xekepu kunawotaia, xuiapue xokupa xu teri Yesusue xousua wati tianiketaire kunawotai. Yesusue xokupa saina tetai paire nukou xuiapue xiri nimaririwoteneai.
Mariae Yesusu iyaretai yause xosa paiya, xuiapue nimaririwoteneai (Luku 1.42-48 xeika 2.10 xeika xekeunari), nakau xuwe xetai xosa Yesusue mena xouro xowati, pani xiri nimaririwoteneai xeika xekoa (24.52).
Yesusupo xokupa puropi suirepa Luku nu kirenie kunawotai. Paire kuna paiya kireu nakau xosa purati xana xuwe. Yesusue mua ouro putawati xokupa kapia nu xosa yarexetairepa Luku kirenie kunawotai. Kire apu imero kawaxetai, Samariapu apue tianuwotai xeika nonoe omo wetina sokasoka texetai xeikaure Yesusue xonu kuna kunawotai rania Lukue xayawotai. Yesusupo kireu xonu kuna rania Lukueni xayawotai. Apu Sakiusi nu xe titi, nu xosa kapia akipa xetaire rania Lukue xayawotai.
Lukue kireu kapiaure xekepu kunawotaia, kunikuni wopi kapiaure sokisoki kunauna, Xoiteupo Supo Youyaure sokisoki kunauna, Xoiteue xuiapu xunu weterinikepi kapiaure kunawoto wotai. Xuimie kaketeneai kapiaure rania Lukue xekepu kunawotai.
Lukupo kuna mua nakau xosa xuwe xetaxe. Xuwe. Sini nakau wenumu tinuku Tianitianiwopi nikau Saina nakau xikiriaia, Lukueni xayawotai, pa nakauwa, Yesusue mena xouro xouratia, tianitianiwopie saina teteneaire kunawotai.
Trenutno odabrano:
Luk Akereki Kuna: XK
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2024 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/