Nai Vakatekivu 20
20
Sa cakitaki watina ko Eparaama, 1, 2. Sa tukuna vei Apimeleki na Kalou, ka vakarerea, ni ka kauti Sera ko koya, 3-7. Sa vunauci Eparaama ko Apimeleki, ka vakasukai Sera, ka solia na yau, 8-16. Sa bula e na masu i Eparaama, 17, 18.
1A SA lako tani maikea ko Eparaama ki na vanua ceva, a sa laʼki tiko e na maliwa kei Ketesa kei Suri, a sa tiko vakavulagi mai Kirari. 2A sa kaya ko Eparaama e na vuku i Sera na watina, Sa ganequ: a sa talaki ko Apimeleki na tui Kirari, ka kauti Sera.
3A sa lako mai kivei Apimeleki na Kalou e na tadra e na bogi, a sa kaya vua, Raica, ko sa vaka na tamata sa mate, e na vukuna na alewa ko sa kauta; ni sa watina e dua na tamata ko koya. 4A sa sega ni veiyacovi kaya ko Apimeleki: a sa kaya ko koya, Noqu Turaga, o na vakamatea tale beka e dua na matanitu tawa cala? 5sa sega beka ni kaya vei au na tagane, Sa ganequ ko koya? a sa kaya na alewa talega. Sa ganequ ko koya: sa dodonu na yaloqu, ka tawa cala na ligaqu, niʼu sa cakava na ka o qo. 6A sa kaya vua e na tadra na Kalou, Io, au sa kila dina koi au ni ko a kitaka na ka o qori ni sa dodonu tiko na yalomu; au a tarovi iko talega koi au mo kakua ni valavala ca vei au: o koya kaʼu tawa laivi iko kina mo tarai koya: 7ia o qo, mo vakasuka na watina na tamata; ni sa parofita ko koya, ka na masulaki iko, ia ko na bula: ia kevaka, ko sa sega ni vakasuka, mo kila ni ko na mate vakaidina, o iko kei ira kece na nomu.
8A sa sou e na sabogibogi ko Apimeleki, a sa kacivi ira na nona tamata kecega, ka tukuna na ka kecega o qo e daligadra: a ra sa rere vakalevu na tamata. 9A sa kacivi Eparaama ko Apimeleki, ka kaya vua, A cava na ka ko sa kitaka vei keimami? ia a cava na noqui valavala ca vei iko, ko sa vakayacora kina vei au kei na noqu matanitu nai valavala ca levu? o sa cakava vei au na cakacaka sa tawa dodonu ni caka. 10Sa kaya talega vei Eparaama ko Apimeleki, A cava ko a kunea, ko sa cakava kina na ka o qo? 11A sa kaya ko Eparaama, E na vuku niʼu a kaya, E dina beka era tawa rerevaka na Kalou e na yasana o qo; a ra na vakamatei au e na vuku ni watiqu: 12ia ka sa dina ga ni ganequ ko koya; sa luve i tamaqu, ka sega ni luve i tinaqu; a sa yaco me watiqu: 13a sa yaco ni sa vakasesei au na Kalou mai na vale i tamaqu, au a qai kaya vua, O qo na nomui loloma mo cakava vei au; a veiyasana kecega edaru yaco kina mo kaya e na vukuqu, A ganequ ko koya. 14A sa kauta ko Apimeleki e so na sipi, kei na karavau, kei nai talatala, kei na vada, ka solia vei Eparaama, a sa vakasuka vua na watina ko Sera. 15A sa kaya ko Apimeleki, Raica, na noqu vanua sa koto e matamu: a yasana ko vinakata, mo tiko kina. 16A sa kaya vei Sera, Raica, kaʼu sa solia vua na ganemu e dua na udolu na tiki ni siliva: raica, ena nomu ka me tabonaki kina na matamu, vei ira kecega era tiko kei iko, kei ira kece na tani: ia sa vunauci ko koya. 17A sa masuta na Kalou ko Eparaama: a sa vakabulai Apimeleki na Kalou, kei na watina, kei iratou na nona vada; a ra sa vakasucu. 18Ni ka sogota sara ko Jiova na ketedra kecega na lewe-ni-vale i Apimeleki, e na vuku i Sera, na wati i Eparaama.
Trenutno odabrano:
Nai Vakatekivu 20: FIJ1864
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
First full Bible in the Fijian language © British and Foreign Bible Society, 1864.