Nai Vakatekivu 12
12
Sa kacivi Eparama na Kalou, a sa vosavakalougalataki koya, 1-5. Sa lako voli mai Kenani, 6-9. Sa lako ki Ijipita e na ruku ni dausiga, 10-13. Sa oakitaki watina, 14-20.
1IA sa kaya oti eliu vei Eparama ko Jiova, Mo lako tani e na nomu vanua, ka biuti ira na wekamu, kei na vale i tamamu, ka lako ki na vanua kaʼu na vakatakila vei iko: 2ia kaʼu na cakavi iko me matanitu levu, ia kaʼu na vakalougatataki iko, ka vakalevu-levuya na yacamu; ia ko na vu ni veiva-kalougatataki: 3ia kaʼu na vakalougatataki ira era vosavakalougatataki iko, ka cudruvi koya sa rukaki iko; ena kalougata talega e na vukumu na veimataqali kecega e vuravura.
4A sa lako tani ko Eparama, me vaka, ka vosa vua ko Jiova; a sa lako kaya ko Loti: a sa vitusagavulu ka lima na yabaki i Eparama, ni sa lako tani mai Karana. 5A sa kauti Serei na watina ko Eparama, kei Loti na luve i tuakana, kei na yau kecega eratou sa rawata, kei na tamata eratou sa rawata mai Karana: a ra sa lako tani me laʼki tiko e na vanua ko Kenani; a ra sa lako dina mai ki na vanua ko Kenani.
6A sa lako basika na vanua ko Eparama, ka yaco ki na yasana mai Sikemi, ki na kau mai More. A ra sa tiko e na vanua na kai Kenani e na gauna ko ya. 7A sa rairai vei Eparama ko Jiova, a sa kaya, Au na solia na vanua o qo vei ira na nomu kawa: a sa cakava maikea ko koya e dua nai cabocabo-ni-soro vei Jiova, o koya ka rairai vua.
8A sa lako tani maikea ko koya ki na ulu-ni-vanua kivaka ki cake mai Peceli, a sa birika na nona vale gatu, a sa koto vaka ki ra ko Peceli, ka vaka ki cake ko Ai; a sa cakava maikea e dua nai cabocabo-ni-soro vei Jiova, a sa masuta na yaca i Jiova. 9A sa lako tikani ko Eparama, ka lako vaka ki na ceva.
10A sa dausiga na vanua: a sa lako sobu ki Ijipita ko Eparama me laʼki tiko vulagi maikina; ni sa levu na dausiga e na vanua. 11A sa yaco, ni sa laʼki voleka me curu ki Ijipita, sa qai kaya vei Serei na watina, Raica, kaʼu sa kila ni ko sa alewa mata-vinaka ni raici: 12ia ena yaco ni na raici iko ko ira na kai Ijipita, era na qai kaya, O qo na watina: era na qai vakamatei au, ka vakabulai iko: 13mo kaya mada ko sa ganequ: mo ko ya kaʼu na vinaka kina, ia kaʼu na bula talega e na vukumu.
14A sa yaco, ni ka yaco ki Ijipita ko Eparama, era sa raici koya na alewa ko ira na kai Ijipita ni sa mata-vinaka sara ko koya. 15Sa ra raici koya talega na turaga kei Fero, ka vosavakavinavinakataki koya vei Fero; a sa kauti ki na vale i Fero na alewa. 16A sa caka vinaka vei Eparama ko koya e na vukuna: a sa rawata ko koya na sipi, kei na karavau, kei na asa tagane, kei nai talatala, kei na vada, kei na asa alewa, kei na kameli. 17A sa yaviti Fero kei ira e nona vale ko Jiova e na mate levu, e na vuku i Serei na wati i Eparama. 18A sa kacivi Eparama ko Fero, a sa kaya, A cava na ka o qo ko sa mai cakava vei au? a cava ko a tawa tukuna kina, vei au ni sa watimu ko koya? 19a cava ko a kaya kina, A ganequ ko koya? a sa rawarawa kina meʼu taura me watiqu: ia o qo, mo raica mada na watimu, mo kauta, ka lako. 20A sa vakarota e so na tamata ko Fero e na vukuna: a ra sa laʼki talatala vua, kei na watina, kei na nona ka kecega.
Trenutno odabrano:
Nai Vakatekivu 12: FIJ1864
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
First full Bible in the Fijian language © British and Foreign Bible Society, 1864.