Jovane 18
18
E Isuse izdajin thaj phanden
1Kana o Isus završisada i molitva, nakhlo pe sikadencar ki dujto rig tari Kedronesi dolina.#18,1 Dolina ano Jerusalim savi odvojil o hramsko brego taro Maslinsko brego. Gothe sasa vrt thaj đele ane leste. 2Al kava than džanglja i o Juda leso izdajniko, golese kaj o Isus but droma ćidija pe gothe pe sikadencar. 3Tegani o Juda lija e rimskone četa thaj e hramese stražaren save sesa bičhalde tare šorutne sveštenikura thaj tare fariseja thaj avile ano vrt. Pesa ande svetiljke, baklje thaj oružje.
4O Isus, golese kaj džanglja sa so ka avol lesa, iklilo thaj vaćarda lenđe: “Kas roden?”
5Vaćarde lese: “E Isuse taro Nazaret.”
O Isus vaćarda lenđe: “Me sem!” Ačhilo gothe lencar o Juda leso izdajniko. 6Kana o Isus phenda: “Me sem!”, crdije pe palal thaj pele ki phuv.
7Tegani o Isus pučlja len palem: “Kas roden?”
Von vaćarde lese: “E Isuse taro Nazaret.”
8O Isus phenda lenđe: “Phendem tumenđe: Me sem. Te rodijen man, mučhen kala avera nek džan!” 9Kava vaćarda te pherdol gova so angleder vaćarda: “Dade, ni hasardem nijekhe kolendar so dijan man.”
10Tegani o Simon Petar savo sasa le čhuri, ikalda la thaj čalada e kandine e bare sveštenikose thaj čhinda leso desno kan. E kandineso alav sasa Malho.
11O Isus vaćarda e Petrese: “Iri i čhuri palal! O tahtaj e patimaso savo dija man mingro Dad te ma li pijav?”
E Isuse ande anglo Ana
12Tegani i rimsko četa, lengo šorutno thaj e hramese stražara dolde e Isuse thaj phanglje le 13thaj inđarde le ko Ana, o sastro e Kajifaso savo sasa baro svešteniko gova berš. 14O Kajafa sasa kova savo angleder sikada e Jevrejskone šorutnenđe kaj si pošukar jekh manuš te merol paše sa o narodo.
O Petar odreknil pe taro Isus
15Palo Isus đele o Simon Petar thaj jekh aver sikado. Gova o dujto sikado džanglja pe e bare sveštenikosa, golese šajine te džal ani avlin katane e Isusesa. 16Al gothar o Petar ačhilo avral angli kapija. Tegani iklilo kova dujto sikado kas o baro svešteniko džanglja thaj vaćarda kole kandinaće te mučhol andre e Petre.
17Tegani pučlja i kandini e Petre: “Naj li san tu jekh tare sikade kole manušese?”
O Petar vaćarda: “Naj sem!”
18A e kandine thaj e stražara phabarde jag taro angar thaj ačhile gothe te taton, golese kaj sasa šul. Thaj o Petar ačhilo lencar te tatol.
O baro svešteniko pučol e Isuse
19O baro svešteniko pučlja e Isuse paše lese sikade thaj tare leso sikajipe. 20O Isus vaćarda lese: “Me vaćardem putarde sa e manušenđe. Uvek sikadem ane sinagoge thaj ano Hram, kaj ćiden pe sa e Jevreja thaj khanči ni vaćardem garandoj. 21Sose puče man? Puč kolen save šunde so vaćardem lenđe. Von džanen so vaćardem!”
22Kana o Isus kava vaćarda, jekh tare stražara savo gothe ačhilo, čalada le ki čham thaj vaćarda: “Gija li vaćarol pe e bare sveštenikosa?”
23O Isus irisada lese vaćarindoj: “Te vaćardem khanči bilačhe, dokaži manđe so si gova! Al te vaćardem čačipe, sose čalave man?”
24Tegani o Ana bičhalda e phangle Isuse ko Kajafa, savo sasa baro svešteniko.
O Petar dujto thaj trito drom odreknil pe taro Isus
25O Simon Petar ačhilo gothe thaj tatilo. Avera pučlje le: “Naj li san i tu jekh tare lese sikade?”
Vov xoxada thaj vaćarda: “Naj sem!”
26Jekh kandino taro baro svešteniko savo sasa familija kolese kaso kan o Petar čhinda, vaćarda: “Ni li dikhljem tut lesa ano vrt?”
27A o Petar palem xoxada thaj sigate o bašno đilabija.
E Isuse anen anglo Pilat
28Tegani e Isuse inđarde tare Kajafeso čher ani palata e rimskone upraviteljesi. Sasa rano sabalje. Al von ni đele ani palata e rimskone upraviteljesi te ma bi meljarena pe palo adeti a te bi šajine te xan i pashalno večera. 29O Pilat tegani iklilo angle lende thaj pučlja: “Za ke so optužin kale manuše?”
30Phende e Pilatese: “Kana ne bi ćerola bilačhipe, ne bi anasa le tute.”
31O Pilat vaćarda lenđe: “Len le tumen thaj sudin le pale tumaro zakon.”
E Jevreja vaćarde lese: “Amen našti khanika te mudara!” 32Kava sasa te bi pherdona e Isusese lafura, save vaćarda angleder, save merimasa ka merol.
33Tegani irisajlo o Pilat andre ani pi palata, akharda e Isuse andre thaj pučlja le: “Tu li san o caro e Jevrejengo?”
34O Isus vaćarda lenđe: “Vaćare li gova korkoro tutar, il avera gova vaćarde tuće mandar?”
35O Pilat palem pučlja le: “Me li sem Jevrejo? Ćiro narodo thaj e šorutne sveštenikura dije tut mande. So ćerdan?”
36O Isus vaćarda: “Mingro Carstvo naj tare kava sveto. Te bi mingro Carstvo avola tare kava sveto, tegani bi mingre kandine branina man te ma dolen man e Jevrejska šorutne. Al mingro Carstvo naj katar.”
37Pe gova vaćarda lese o Pilat: “Znači gija, tu san caro?”
O Isus vaćarda lese: “Tu vaćare kaj me sem caro. Me golese bijandiljem thaj aviljem ko sveto te svedočiv taro čačipe. Dži jekh savo si taro čačipe šunol mingro glaso.”
38O Pilat vaćarda lese: “So si čačipe?”
Kana vaćarda kava o Pilat, iklilo palem ke Jevrejska šorutne thaj vaćarda lenđe: “Me ni arakhav khanči sose bi optuživa le. 39Al tumende si adeti te mukhav tumenđe jekhe phangle ki Pasha. Manđen li te mukhav tumenđe e caro e Jevrejengo?”
40Al von pe gova dije vika: “Na le! Mukh e Varava!” Al o Varava sasa razbojniko.
Trenutno odabrano:
Jovane 18: GSP
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
