Luke 12
12
Na Veivunauci me Baleta na Veivakaisini
(Maciu 10.26-27)
1 #
Maciu 16.6; Mari 8.15 E na gauna ko ya, ni ra sa udolu vakavuqa na tamata sa soqoni vata mai, a ra sa veibutuqaqi ga, sa qai kaya mada eliu vei ira na nona tisaipeli ko koya, “Dou qarauni kemudou mai na nodra leveni na Farisi, oqori na dauveivakaisini. 2#Mari 4.22; Luke 8.17Ia sa sega na ka sa vuni, me kakua ni vakarairaitaki; se tabogo, me kakua ni kilai. 3Ia na ka dou sa tukuna e na butobuto ena rogo votu; ia na ka dou sa tukuna e daligadra e na veitikina vuni, ena kacivaki mai na dela ni vale.
Ko Koya me da Rerevaka
(Maciu 10.28-31)
4 “Ia ka’u sa kaya vei kemudou, na wekaqu, dou kakua ni rerevaki ira era sa vakamatea na yago ga, ia e muri sa sega tale na ka era cakava rawa. 5Ia ka’u sa tukuna vei kemudou se ko cei mo dou rerevaka: dou rerevaki koya sa rawata me vakamatea, ka oti sa rawata talega me biuta ki eli. Io, au sa kaya vei kemudou, dou rerevaki koya. 6Sa sega li ni volitaki na separo e lima e na facigi e rua? Ia ka sega e dua vei iratou sa guileca e na mata ni Kalou. 7Ia sa wili kecega na drau ni ulumudou. O koya oqo mo dou kakua ni rere; dou sa uasivi cake vei ira na separo e vuqa.
Vakatusa i Karisito e Matadra na Tamata
(Maciu 10.32-33; 12.32; 10.19-20)
8 “Au sa kaya talega vei kemudou, o koya yadua ena vakatusai au e na matadra na tamata, ena vakatusai koya talega na Luve ni Tamata e na matadra na agilosi ni Kalou; 9ia ko koya ena cakitaki au e na matadra na tamata, ena cakitaki e na matadra na agilosi ni Kalou. 10#Maciu 12.32; Mari 3.29Ia ko koya yadua ena vosavakacacataka na Luve ni Tamata, ena rawa me vosoti kina; ia ko koya ena vosavakacacataka na Yalo Tabu, ena sega sara ni vosoti. 11#Maciu 10.19,20; Mari 13.11; Luke 21.14,15Ia ni dou sa kau ki na veivalenilotu, vei ira na dauveilewai kei ira na turaga, dou kakua ni lomaocaoca, se vakaevei mo dou kaya, se cava mo dou tukuna; 12ni na vakavulici kemudou na Yalo Tabu e na tiki-ni-siga ko ya e na ka e dodonu mo dou kaya.”
Na Vosa Vakatautauvata ni Tamata Vutuniyau Yalowai
13A sa dua vei ira na lewe vuqa sa vosa mai vei koya, “Vakavuvuli, kaya mada vua na tuakaqu me solia vei au na noqu i votavota e nai yau nei koya na tama i keirau.” 14A sa kaya vua ko koya, “Ko iko, ko cei sa lesi au me’u turaganilewa se dauveivota vei kemudrau?” 15Sa kaya talega vei ira ko koya, “Dou raici kemudou vinaka, ka tarovi kemudou mai na daukocokoco; ni sa sega ni kalougata na tamata e na vuku ni sa levu na ka sa tu vua.” 16A sa tukuna ko koya e dua na vosa vakatautauvata vei ira, ka kaya, “Sa dua na tamata vutuniyau sa vakalewe vinaka sara na nona vanua. 17A sa qai vakananuma e lomana, ka kaya, ‘A cava me’u kitaka, ni sa sega na noqu lololo me’u binia kina na noqu lewe ni veiwere?’ 18Sa qai kaya, ‘Oqo ga ka’u na kitaka: au na basuka na noqu lololo, ka tara tale eso e lelevu, ka'u na qai binia kecega kina na noqu lewe ni veiwere kei na noqu i yau. 19Au na qai kaya ki na yaloqu, “Yaloqu, sa levu na nomu i yau sa bini tu ena rauta na yabaki e vuqa; mo vakacegu mada, mo kana, mo gunu, mo marau tiko.” ’ 20Ia sa kaya vei koya na Kalou, ‘Ko iko na lialia! E na bogi ga oqo ena tarogi tale vei iko na yalomu. Ena qai nei cei na veika ko sa vakarautaka?’ 21Sa vakakina ko koya sa daubinia nai yau me nona, ka sa sega ni vutuniyau e na ka ni Kalou.”
Kakua ni Lomaocaoca
(Maciu 6.25-34)
22Sa qai kaya ko koya vei ira na nona tisaipeli, “O koya oqo ka’u sa kaya kina vei kemudou, Mo dou kakua ni lomaocaoca e na vuku ni nomudou bula, e na ka mo dou kania, se na vuku ni yagomudou, e na ka mo dou vakaisulu kina. 23Sa ka levu na bula, a ka lailai na kakana; ka sa ka levu na yago, a ka lailai nai sulu. 24Dou vakananuma na reveni: era sa sega ni kabukaburaki, se tatamusuki; sa sega na nodra valeniyau se nodra lololo; ia sa vakani ira na Kalou. Sa dina dou sa yaga vakalevu cake vei ira na manumanu! 25Ia ko cei vei kemudou kevaka sa lomaocaoca sa rawata me vakuria vakalailai ga na siga ni nona bula? 26Ia kevaka dou sa sega ni cakava rawa na ka lailai walega oqo, dou sa lomaocaoca e na ka sa vo e na vuku ni cava? 27#1Tui 10.4-7; 2Vei 9.3-6Dou vakananuma na viavia, era sa tubu vakaevei: era sa sega ni daucakacaka, se dautalitali; ia ka’u sa kaya vei kemudou, ko Solomoni e na nona i ukuuku kecega sa sega ni vakaisulu me vaka e dua vei ira oqo. 28Ia kevaka sa vakasuluma vakaoqo na Kalou na co sa tu edaidai e na veiwere, ka sa biu ki na lovo e na siga ni mataka, ena sega li ni vinakata vakalevu cake me vakasulumi kemudou—koi kemudou sa lailai na nomudou vakabauta! 29Ka dou kakua ni dauvakasaqara na ka mo dou kania, se na ka mo dou gunuva, ka kakua ni lomaleqa. 30Ni ra sa dauvakasaqara na ka kecega oqo ko ira na lewe ni veivanua kecega e vuravura, ka sa kila na Tamamudou ni sa yaga vei kemudou na veika oqo. 31Ia mo dou dauvakasaqara ga na nona matanitu, ka na soli me kenai kuri vei kemudou na ka kecega oqo.
Nai Yau mai Lomalagi
(Maciu 6.19-21)
32 “Ni kakua ni rere, na qele-ni-sipi lailai; ni sa vinakata sara na Tamamudou me solia vei kemudou na matanitu. 33Dou volitaka na ka sa tu vei kemudou, ka solia nai loloma; vakarautaka vei kemudou na taga-ni-lavo ena sega ni madra, ai yau mai lomalagi ena sega ni oti rawa, sa sega na daubutako sa torova, se na sarasara sa kania. 34Ni na tiko na yalomudou e na yasana sa tiko kina na nomudou i yau.
Na Dauveiqaravi me Vakatawa Tiko
35 #
Maciu 25.1-13
“Me vauci tikoga na tolomudou; me caudre talega na nomudou cina; 36#Mari 13.34-36ia mo dou vaka na tamata era waraka na nodra turaga, me na lako tale mai na magiti ni vakawati; me ra dolavi koya vakatotolo sara, ni sa lako mai ka tukituki ko koya. 37Sa kalougata ko ira na tamata oqori, ena kunei ira na turaga ni ra sa vakatawa tiko, ni sa lako mai ko koya. Au sa kaya vakaidina vei kemudou, ena vauca na nona i sulu, ka kaya me ra tiko sobu, ka na lako mai ko koya ka qaravi ira. 38Ia kevaka ena lako mai ko koya e nai karua ni wase-ni-bogi, se na lako mai e nai katolu, ka kunei ira ni ra sa yadra tiko, era sa kalougata na tamata oqori.
39 #
Maciu 24.43,44 “Ia dou kila ga oqo, kevaka e kila nai taukei ni vale na tiki-ni-bogi e lako mai kina na daubutako, sa vakatawa ga, ka sega ni laiva na nona vale me ravabasuki. 40Ia dou vakarau tu vakakina koi kemudou talega, ni sa lako mai na Luve ni Tamata e na tiki-ni-siga dou sa sega ni namaka.”
Na Dauveiqaravi Yalo Dina se Tawa Yalo Dina
(Maciu 24.45-51)
41Sa qai kaya vua ko Pita, “Kemuni na Turaga, ko ni sa tukuna beka na vosa vakatautauvata oqo vei keitou ga, se vei ira kecega?” 42Sa kaya na Turaga, “Ko cei beka na tamata yalododonu ka vuku, ena lesia na turaga me lewai ira na nona lewe-ni-vuvale, me solia na kedrai votavota e na gauna dodonu? 43Sa kalougata na tamata ko ya, ko koya ena kunea na nona turaga ni sa kitaka vakakina, ni sa lako mai ko koya. 44Au sa kaya vakaidina vei kemudou, ena lesi koya me lewa na nona ka kecega. 45Ia kevaka ena kaya e lomana na tamata ko ya, ‘Sa vakaberaberataka na nona lako tale mai na noqu turaga,’ a sa vakatekivu kina me yaviti ira na lewe-ni-vuvale na tagane kei na vada, me daukana talega ka daugunu, ka daumateni, 46ena lako mai na turaga ni tamata ko ya e na siga sa sega ni namaka, kei na tiki-ni-siga e sega ni kila, ka na qai varomusuka rua, ka lesi koya me votai vata kei ira sa sega ni vakabauta. 47Ia na tamata ko ya, sa kila na loma ni nona turaga, ka sega ni vakarau kina, se cakava me vaka na lomana, ena yaviti vakalevu. 48Ia ko koya sa sega ni kila, ka kitaka na ka e dodonu me yaviti kina; ena yaviti vakalailai ga. Ni na tarogi vakalevu mai vua sa soli vakalevu vua; ia ena taroga vakalevu ko ira na tamata mai vua era sa solia vakalevu vua.
Ko Jisu na Vu ni Veitawasei
(Maciu 10.34-36)
49 “Au sa lako mai me’u biuta na bukawaqa ki vuravura; ia ka cava tale me’u gadreva, kevaka sa waqa tu? 50#Mari 10.38Ia sa dua na noqu papitaiso me’u papitaisotaki kina; a sa rarawa vakalevu na lomaqu me oti mada oqo! 51Dou sa vakasama beka ni’u sa lako mai me’u vakayacora na veivinakati ki vuravura? Au sa kaya vei kemudou, E segai, a veisei ga! 52Ni sa tekivu ena gauna oqo me lewe lima e na dua na vale eratou na veisei, na lewe tolu kei rau na lewe rua, na lewe rua talega kei iratou na lewe tolu; 53#Maika 7.6Era na veisei na veitamani-tagane, kei na veitinani-yalewa, kei na veivugoni yalewa.”
Na Kena Kilai Rawa na Gauna
(Maciu 16.2-3)
54Sa kaya talega vei ira na lewe vuqa, “Ni dou sa raica sa tubu mai na ra na o, dou sa kaya sara, ‘Sa dua na uca sa lako mai’; a sa vakakina. 55Ia ni sa liwa na ceva, dou sa kaya, ‘Ena dua na katakata levu’, ka sa yaco. 56Dou tamata dauveivakaisini! Dou sa kila rawa nai rairai ni vuravura kei lomalagi, ia ka vakaevei ni dou sa sega ni kila rawa na gauna oqo?
Veivinakati kei na Nomu Meca
(Maciu 5.25-26)
57 “Ia ka vakaevei ni dou sa sega ni lewa vakai kemudou na ka e dodonu? 58Ni drau sa lako vata kaya sa beitaki iko ki na turaga-ni-lewa, mo gumatua e gaunisala me oti mada na nona beitaki iko, de kauti iko vua na turaga-ni-lewa, ka soli iko na turaga-ni-lewa vua na ovisa, ka biuti iko na ovisa ki na valeniveivesu. 59Au sa kaya vei iko, ko na sega sara ni sereki mai kina, ko na sauma kece mada nai lavo.”
Trenutno odabrano:
Luke 12: FRV21
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
