Joni 15
15
Ko Jisu na Vaini Dina
1 “Koi au na vaini dina, ka sai vakatau-ni-were ko Tamaqu. 2A tabaqu kecega sa sega ni vua, sa kauta laivi yani ko koya, ia na tabaqu kecega sa vua, sa samaka ko koya, me vua vakalevu sara. 3Dou sa qai samaki e na vuku ni vosa ka'u a vosataka vei kemudou. 4Dou tu vei au, ka'u na tu vei kemudou. Me vaka sa sega ni vua rawa na tabana vakai koya kevaka sa sega ni tu vata kei na vaini, ena vaka talega kina koi kemudou kevaka dou sa sega ni tu vei au. 5Oi au na vaini, koi kemudou na tabaqu. Ko koya sa tu vei au, koi au talega vei koya, sa vua vakalevu, ke dou sa tawase tani vei au, dou sa sega ni rawata e dua na ka. 6Kevaka sa sega ni tu vei au e dua, sa biu laivi me vaka na taba ni vaini, a sa malai, a ra sa tomika, ka biuta ki na bukawaqa, ka visa. 7Kevaka dou sa tu vei au, ka sa tu vei kemudou na noqu vosa, dou na kerea na ka dou sa vinakata, ia ena yaco vei kemudou. 8A ka oqo sa vakarokorokotaki kina ko Tamaqu, ni dou sa vua vakalevu ka dou na qai noqu tisaipeli. 9Me vaka sa lomani au ko Tamaqu, au sa lomani kemudou vaka talega kina, dou tiko ga e na noqu loloma. 10Kevaka dou sa talairawarawa ki na noqu vunau, dou na tiko ga e na noqu loloma, me vaka ka'u sa talairawarawa ki na vunau nei Tamaqu, ka tiko ga e na nona loloma. 11Au sa vosataka na veika oqo vei kemudou, me'u sa marau tikoga e na vukumudou; ka me sinai na nomudou marau.
12 #
Joni 13.34; 15.17; 1Joni 3.23; 2Joni 1.5 “Sa noqu vunau oqo, mo dou veilomani me vaka ka'u sa lomani kemudou. 13Sa sega na nona loloma e dua na tamata me uasivi cake e na ka oqo, me solia na nona bula e na vukudra na wekana. 14Dou sa wekaqu, kevaka dou sa kitaka na ka kecega ka'u sa vakarota vei kemudou. 15Au sa sega ni vakatokai kemudou tale me noqu tamata dauveiqaravi, ni sa sega ni kila na tamata dauveiqaravi na ka sa kitaka na nona turaga; ia ka'u sa vakatokai kemudou mo dou noqu i tokani, ni'u sa vakatakila vei kemudou na ka kecega ka'u a rogoca mai vei Tamaqu. 16Dou sa sega ni digitaki au, ia ka'u sa digitaki kemudou, ka lesi kemudou, mo dou lako ka vua, ka me tiko talega na vuamudou, me solia kina vei kemudou ko Tamaqu na ka kecega dou na kerea vua e na yacaqu. 17A veika oqo ka'u sa vakarota vei kemudou, mo dou veilomani.
Cati e Vuravura
18 “Kevaka sa cati kemudou ko vuravura, dou sa kila ni ra sa cati au eliu, era sa cati kemudou e muri. 19Kevaka dou sa vakavuravura, ena lomana na kai nona ko vuravura. Ia ni dou sa sega ni vakavuravura, ka ni'u sa digitaki kemudou mai vuravura—o koya oqo sa cati kemudou kina ko vuravura. 20#Maciu 10.24; Luke 6.40; Joni 13.16Dou nanuma na vosa ka'u a vosataka vei kemudou, ‘Sa sega ni levu na tamata dauveiqaravi ka lailai na nona turaga.’ Kevaka era a vakacacani au, era na vakacacani kemudou talega. Kevaka era sa talairawarawa ki na noqu vosa, era na talairawarawa talega ki na nomudou vosa. 21Ia na ka kecega oqo era na kitaka vei kemudou e na vuku ni yacaqu, ni ra sa sega ni kilai koya ka talai au mai. 22Kevaka ka'u a sega ni lako mai ka vosa vei ira, sa qai sega na nodra i valavala ca, ia sa qai sega na nodra ulubale e na nodra i valavala ca. 23O koya sa cati au, sa cati Tamaqu talega. 24Kevaka ka'u a sega ni kitaka vei ira na cakacaka sa sega ni kitaka e dua na tamata tani, sa sega na nodra i valavala ca, ia era sa qai raica, ka cati au kei Tamaqu talega. 25#Same 35.19; 69.4Oqo me vakayacori kina na vosa ka volai e na nodra vunau, ‘Era sa cati au walega.’
26 “Ia ni sa lako mai na Dauveivakacegui, ko koya ka'u na tala vei kemudou mai vei Tamaqu, a Yalo Tabu sa vu ni ka dina, ko koya sa lako mai vei Tamaqu, ena tukuni au ko koya. 27Ia dou na dautukutuku talega koi kemudou, ni dou sa tiko vata kei au mai nai vakatekivu.
Trenutno odabrano:
Joni 15: FRV21
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
