Wikhikən 7
7
1Akimte kiskalcihe nihtəl kekwseyal, Sesohs yaloksi Koliletk, ipəcəl skat, olitahatəmowən otahlihan Leswihsowahkik, ipəcəl Leswihsək okweci nepahawal.
2Nit Leswihsək wikowamwe owiko palimkewehtəmowah kəti ikehe.
3Nit tehc Sesohs wici kimacili skitapiyək otcawal: Ocimacəhə yot, Leswihsokik əlih: welaman tanik ekehkimcik onəmitoniya ktəlokwehkənəl tanil kisehtonəl.
4Ipəcəl skat wen kikimiw kekwse kisehto tan toci kilowatakw ohək iyo mesowiw. Lokiyən yohtəl, əlimisoweləs skitkəmikw.
5Ipəcəl cel mehc wici kimacili skat olamsətəmotiwiyək ohəkek.
6Nit tehc Sesohs 'tiya: Ntepənaskowihakeweyem skat meciy ikehehw. Kilowaw ktepənaskowi hakeweyəmowah mecimiw kisacowin.
7Oskitkəmikw skat kisiyakwi təhamkoniya kilowaw; kenok nil ntakwitəhamkon. Ipəcəl ntetlinspiw olamatəmənəl otəlohkewakənəl məcikənol.
8Kilowaw litkwakwi apasikw yot wikhəpaltimək. Nil skat ntəlitkwa kwəhawən yot wikhəpaltimək, ipəcəl ntepəmaskowi hakeweyem meskw kisacowiw.
9Nit kisiyahat nihtəl kekwsal mehc cəneso Koliletk.
10Kenokəlo kis wicikimamacihi kisi litkwakwiyapasilit, Sesohs na otəlitkwakwəhən: kenok skat mesowiw, kenokal kikimiw.
11Nit tehc Leswihsəik kilowahatit Sesohsəl wikhəpaltimək, iləmotowək: Tama iya iyo?
12Nəkəmkihkon mamselewestowakən ikəhak ktanakwsowək pəmawsowinowək mawihacik ohəkewihowak oci nekəm. Ankoc itəmotowək: Nekəm wəliwskitapemiw. Ankoc itəmotowək: Kətama, kenok wekinpakətowa pəmawsowino.
13Kenok skat wen omiso wiwskowimawiyəl, ipəcəl onəkalawa Leswihs.
14Nit tamahal apasi wikhəpaltimək Sesohs litkwakwehe kci himiyewikwamək kehkikemo.
15Leswihsək asəkitəhasoltowək itəmotowək: Tan wət skitap otəlinənəmən wikhikən tan meskw ekehkimamokopən?
16Nit tehc Sesohs otəliyasitema: Ntətehkimsot, skat nit nil: kenok nit Nekəm tan petəkimitpən.
17Tan wen wəlitəhatək otələkkan Kelowəsit oli təhatəmowahkən, nekəm okəcicitonc kehkitowakən ocihe Kelowəsitow ikək, kesəna nocikəlosin nhəkek.
18Tan wen weci kəlosit ohəkek, nekəm okici təmitəhamkosowakən kilowahtakw: kenok tan wət nekəm kilowahtakw okici təmitəhamkosowakən tanil petəkimihil nekəm olemewakəniw npakətasot kətama iyew ohəkek.
19Skat iya Mowis kəmikoniyawihpən ətplotəmowakən? Kilowaw maci kətama wen osaktəmowən ətplotəmowakən. Kekwse weci kwecinepahiyekw?
20Mawihamək 'tasitemawal, 'tiyawal: Məcəhant ktiwa. Wen ekweci napohosk?
21Sesohs 'tiya: Peskon lohkewakən nkisehtoneyepən, msiw tan kesiyekw ktasəki təhasoltipa.
22Nit tehc Mowis kmilkoniyapən wiwnəsasimkewe. Skat ipəcəl ocew Mowisk, kenok ocihe kəmosomsənok, kilowaw atəlahsimowikiskwək kəhwiwnəsawah skitap.
23Oskitap wiwnəsotəp atəlahsimowikiskwək welaman Mowis otəplotəmowiyakən skat skwoskehtasiw, kilowaw kokeyitowipa nil, ipəcəl nil nəkahkikəhahpən skitap atəlahsimowikiskwək.
24Mosahk oci tplotəmokekw tan kekw elinakwak; kenok kiyahkwit pəlotamotikw.
25Toci ankwoc Selosalemkewiyək itəmotowək: Skat iya wət notekweci nepahaticik?
26Sakihok, citəmi kəloso, meskw wen kekw iyalhakw. Okəcicihawal ətplotəmowinowək nekəm co Kilowəsit 'Kwəssəl?
27Kenok kəcicihan nət skitap tan etleyawit; kenok tan toci Niweskowit pəkəciyat, skatəc wen okəcicihawiyəlc tan tet etleyawilit.
28Nit tehc Sesohs etlikehkihkemit ksikawewesto, itəm: Kilowaw kəcicihipa, naka kəcicitoniya tan tet etleyawi; skat nocipəkəcihaw nil nhəkek. Kenok Nekəm tan petəkimitpən welamewakənit, tan kilowaw skat kəcicihawiwa.
29Nil nkəciciha, ipəcəl noci nil ohəkek, Nekəm petəkimitpən.
30Nit tehc otəkwecipkikalawal; kenok skat wen oponehtonəl opitinəl ohəkek, ipəcəl otepənaskowihakeweyam meskw mehc ikehew.
31Kenok ktanakwsowək mawihewakənək wəlamsətəmotowək ohəkek, itəmotowək: Niweskw tan toci pəkəciyat, acinəkəmkikwənol kinowaskoltikənəl kisehtakwilc, skatək yohtəl tanil wət skitap kisehtakwpənil?
32Palosiyək onotəmaniya mawihewkənək otəlimamselewestotiniya oci Sesohsəl, toci Palosiyək naka kcipahtəliyasək otəlkimawah nocitkwənkatilicihi otakwonaniya.
33Toci Sesohs iyalhat: Mcəsəl kekesk kowiciyeyolpa, toci ntəltihan tan petəkimitpən eyit.
34Kilowaw kilowihipac, skatəc kəməskowipah; tan eyi skatəc kisi petapasipa.
35Nit tehc Leswihsək iyalotoltowək: Tama tet kətilihe wət skitap? Tan tet kilon skat itlimskowawəkwc? Otəlihanəcal yəhoht tanik itlisiselocik kətəkik kis sokəmiksihtit wawiyəkiyək, otəkehkimac kətəkik kisokəmiksihtit?
36Kekwse yot kəlosowakən iyalholakw? Kilowipac skatəc kəməskowipah. Tan tet eyi skatəc kisi petapasihpa.
37Nit kiskət mcəsəlewe kci kiskət wikwhəpaltimək Sesohs sehke ksikawewesto, itəm: Wen kətowəssəmit, ckowihac nil, kətəhsəmic!
38Tan wen nət tan welamsətək nhəkek tahalo Kelowəsitwe Wikhikən itənnowik, sipowəl pemawsowikil samakwanəl oci notecwonolc otlamhəkik.
39Akənimacil Kehci-niweskwilicil tanil nekəmaw tanik welamsətəmoticik ohəkek okətimsənawal. Ipəcəl Kehci-niweskwit mehc meskw milowawən; ipəcəl Sesohs mehc meskw kci təmitəhamkwəsiw.
40Nit tehc ktanakwsowək tanik mawihacik notəmotit yot kəlosowakən, ankwoc itəmotowək: Cotehlo wət nit nikanikcici takewin nət.
41Kətəkik itəmotowək: Wət, Niweskw nət, tan Mimkwenot. Kətəkik itəmotowək: Niweskw ocihe Koliletk?
42Skat iya Kelowəsitwe Wikhikən itəmowiwopən: Niweskw ocihehc Tapitk wetapeksit? Petlemk, Tapit ototenek, tan eyitpən Tapit?
43Cəcepehlətowakən ikehe pəmawsowino ikək oci nekəm.
44Ankwoc nekəmaw kətitkwonawal; kenok skat wen oponehtonəl opitinəl ohəkek.
45Nit tehc nocitkwonkaticik apatapasowək tan tet kcipahtəliyasək naka Palosiyək ewoltilit. Nekəmaw otcawa: Kekwse weci skat peciphawekw?
46Nocitkwonkaticik itəmotowək: Meskw pəmawsowin otəlewestowən tahalo wət pəmawsowin.
47Palosiyək 'tasitemawa, Kilowaw on kisinpakətakepa təhalo kətəkik?
48Mehc wenik nocitplotəmowinowək, kesəna Palosiyək kisi olamsətəməniya ohəkek?
49Kenokəlo nit pəmawsowinowək tanik skat kecicitokwik tpaskowakən, wənmacitplomak.
50Nikotem 'tiya, nekəm tan pekəcihatpən Sesohsəl eyilit nipayiw, peskowək nit nit nət nekəm,
51Ktpaskowakənən onmacitplomal iya wenil meskw notowakw tan elehtakelit?
52'Tiyawal: Kil iya ktətleyaw Koliletk? Kilowaht, sakiht, ipəcəl skat nikanik cicitakewin ocihewi Koliletk.
53Toci msiw wen əlmihi wikək.
Trenutno odabrano:
Wikhikən 7: PQM2014
Istaknuto
Podijeli
Kopiraj
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fhr.png&w=128&q=75)
Želiš li svoje istaknute stihove spremiti na sve svoje uređaje? Prijavi se ili registriraj
Maliseet Gospel of John © Canadian Bible Society, 2014