Genesis 12
12
Mulluku anamwiithana Abramu
1 #
Mit 7.2,3; Ahe 11.8 Vano Apwiya yaamwiithana Abramu wi, “Hiya ellapwaawo ni abalaawo ni nibanja na attiittho nave oye o ellapo eyo kinuutthoonyihelleemi. 2Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.
3 #
Aga 3.8
Kineerewaadalisa attheene enuudalisa weyaano,
koma kineeromutembelela arive muthu anuutembelela weyaano.
Oweella mwa weyaano mitundu ddittheddene
dda va ellapo yavatthi ddineerodalisiwa.”#12.3 Oyeella…ddineerodalisiwa: apaalle Mitundu ddittheddene ddineerekokiveka miyaano wi kiddidalise moollikana ni mmo kuudaliselleemi.
4Abramu aari ni miyakha 75 enthawi eyo atthaameeye o Harani moollikana ni mmo Apwiya yamulamulelliiwa nave Loti aathaanana nimodda. 5Abramu aamukusa mwaariye Sarai, Loti mwaana a mung'onong'onwaaye ni eyuumaaye ettheene ni akaporo aariiyena o Harani. Sika ahaamba olendo wooya o Kanani.
Ephiyalle o Kanani, 6Abramu aheetella ellapo ettheeneeyo ophiyera o Shekemu, o muteekho wa muthundu wa o More. Va enthawi yeeyo tti vawi Akanani eri mwiillaponimmo. 7#Mit 7.5; Aga 3.16Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle. 8Vatulli viwa aasusella o miyaango dda wookhuma nndduwa wa Betele nave aatthipella musasaaye variyari va Betele woovollowa nndduwa ni Ai wookhuma nndduwa. Wenkottho aamakawo nikuwa nave ahaallapella Apwiya. 9Nave aakhwaranya ni olendwaaye vang'ono vang'ono, ovollweella o echigawo yoomwera ya Kanani.
Abramu o Iguputo
10Koma mwiillaponimmo mwaakhalla ettalla. Ekaamba yawi ettalleeyo yahunnuwa wunchichi, Abramu aakhwaranyella omwera, aaphiya o Iguputo wi akhallewo enthawi yooyeva. 11Eri vakhuviru ollapuwa malire a ellapo ya Iguputo, aamulleella mwaariye Sarai wi, “Kinnadduwella wi weyaano ori mutthiyana ooreera. 12Vano Aiguputo yawoona weyaano nave yadduwella wi weyaano tti mwaaraka, sika voopaallani wi yuutthelle weyaano eneerokiipha miyaano. 13#Gen 20.2; 26.7Pepaani, waalleelleke wi ori murokoraka wi vaweerani ddiiddo ddeko ddikeetelle phaama ekaamba ya weyaano nave kineerovulluwa.” 14Abramu allapuwalle malire ovollowa mu Iguputo, Aiguputo yahoona wi mutthiyanooyo tti ooreera wunchichi. 15Enduna dda mwene ddimoonille mutthiyanooyo, ddaamulleella Farao dda oreera waye. Vaavo enduna ddaamukusa ddaamuhiya o enyumba yoomwene. 16Ekaamba ya Sarai, Farao aamweerella ddaphaama Abramu voomuvahani enkhosa, epuri, eng'ombe, abulu, ekamira* vamoddattho ni akaporo aallopwana ni aatthiyana.
17Koma Apwiya yaarumiha ereta ddawoopiha va Farao ni va athu attheene a mpa mwaye, ekaamba ya Sarai mwaara Abramu. 18Sika Farao aamwiithana Abramu amukoha wi, “Ethiyo weyaano, okeerille tini? Kaambiiwa tini wahikilleelleewe wi olla tti mwaariyo? 19Kaambiiwa tini walloteewe wi tti murokoriyo ni okaakhullella wi kimutthelle? Mwaariyo olla, mukuse nave ovenyevo!” 20Farao ahaalamula athwaaye nave alliwaayo yaamukhumiha Abramu ni mwaariye mwiillaponimmo ni ddittheddene aariiyena.
Trenutno odabrano:
Genesis 12: MW2019
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
The Bible in Elhomwe © The Bible Society of Malawi, 2019.