MATIUS 1
1
Yesus Kristus umbui inendaga mbililik yi o
(Luk. 3:23-38)
1Ar Yesus Kristus umbui, Abraham inom, Daud inom, endaktarir wagugwa inendaga mbililik yio:
2-6aAr Abraham nen Isak endarkige,
Isak nen Yakub endarkige,
Yakub nen,
Yehuda ogariyak inom endarinakige,
Yehuda nen, Peres o, Zerah o endarinakige (inagwiya endaga kwe Tamar),
Peres nen Hezron endarkige,
Hezron nen Ram endarkige,
Ram nen Aminadab endarkige,
Aminadab nen Nahason endarkige,
Nahason nen Salmon endarkige,
Salmon nen Boas endarkige (agwiya endaga Rahab),
Boas nen Obed endarkige (agwiya endaga Rut),
Obed nen Isai endarkige,
Isai nen Raja #1:2-6a: Raja eti, akuni negara ambila mende inewe nggain endaga mbogor. Il walkamo, presiden ndak-ndak. Ogwe raja eti, akdipmo ugunar bartagodek. Ar kangga kalok, ar akbur akdipmo bugu lagugwa. Nen presiden kalok, lima tahun ekbiluk akdimo akuni ugunar, ta nen kwak wadok mende meninabi tagwi. Daud endarkige.
6b-11 #
2Raj. 24:14-15; 2Taw. 36:10; Yer. 27:20 Daud endartagage kudi nen, ir Israel mende o Babel mbo wuldarugwa kudi paga inendaga diru mbalek yi o:
Ar Daud nen Salomo endarkige (agwiya ap Uria agwe mendek enogo),
Salomo nen Rehabeam endarkige,
Rehabeam nen Abia endarkige,
Abia nen Asa endarkige,
Asa nen Yosafat endarkige,
Yosafat nen Yoram endarkige,
Yoram nen Uzia endarkige,
Uzia nen Yotam endarkige,
Yotam nen Ahas endarkige,
Ahas nen Hizkia endarkige,
Hizkia nen Manasye endarkige,
Manasye nen Amon endarkige,
Amon nen Yosia endarkige,
Yosia nen Yekhonya ogari inom endartagugwa.
12-16kuni Israel mendek, o Babel mbo lakbarugwama welagugwa kudi paga nen lok Ar Yesus endaktari wagage kudi paga, endaktarir wagugwa mendek inendaga yi o:
Ar Yekhonya nen Sealtiel endarkige,
Sealtiel nen Zerubabel endarkige,
Zerubabel nen Abihud endarkige,
Abihud nen Elyakim endarkige,
Elyakim nen Azur endarkige,
Azur nen Zedok endarkige,
Zadok nen Akhim endarkige,
Akhim nen Elihud endarkige,
Eliud nen Eleazar endarkige,
Eleazar nen Matan endarkige,
Matan nen Yakub endarkige,
Yakub nen Yusuf endarkige,
Yusuf nen kwe Maria waganggige.
Nen kwe Maria nen Ar Yesus endaga Kristus yitagwi yi arar endarkige o.
17Ap Abraham endaktatuk nen ap Daud endaktari lagage kudi paga, ir inebe empat belas paga kudi endak tarir wagugwa. Nen Daud endak tagage kudi paga nen, Ir Israel mendek inuma nen o Babel wuldarugwa kudi paga eta, ir inebe empat belas kudi paga arar endaktarir wagugwa. Nen O Babel wuldarugwa kudi paga nen Kristus endaktagage kudi, inebe empat belas paga arar wigalarir lagugwa.
Yesus Kristus endaktagage wene
(Luk. 2:1-7)
18 #
Luk. 1:27
Wene Ar Yesus Kristus endaktagage eti yegerogon. Ar Yusuf nen kodak Maria imbirak wene warek welagage. Imbirak wene warek kigik, Maria elege arar abuda agage. (Ar kwe Maria Roh Kudus obatne paga elege abuda agage eti, ar Yusuf onggokdek welagage). 19Ar Yusuf eti, ap agama wene mbalek ndak-ndak dik duk ekwa mende arar welagage. Ma, ar Yusuf akla nen, kwe yi dambe kak nen yiluk, akla andarige. Andarige mende eti akla tebelek welagage. Nenaluk, ar Maria telekma dambe kamo, ar enggadi arurak ma, kirak-kirak dambe kak nen, yiluk akla andarige. 20Ar Yusuf etegerogon akla eberir laga werekma, kukbaga ar akbi paga yoga dogolir, “Yusuf Daud umbuak yi wae, kar kodak Maria eti waganu na'ir o, yiluk andagup! Nenaluk, elege abuda werek eti, Ar Roh Allah obatne paga abuda agama o. 21#Luk. 1:31Maria ak eti ebe, ap ar endarigin o. Elege ap arar endaka kalok, kar nen Ar endaga Yesus arar talino o. Ar nen akuni inomaduk korogo balok, ndilinaka dogogin o,” yiluk yorige.
22Tuhan nen wene yabongga yegerogon etarigin o, yiluk ap Nabi wene yirugwa mende yio, 23#Yes. 7:14“Kodak ambi ak abuda atuk, nen ar ak ap arar endarigin o. Endaktaga kalok, ir nen endaga Imanuel talugun o.” (Imanuel eti akuni Ibrani inane paga, nen nir ninane paga, “Allah ninom werek”.)
24Ar Yusuf iluk atuk, malaikat Tuhan nen, wene eru yorige ernogo, ndak-ndak, kwe Maria arar waganggige o. 25#Luk. 2:21Ar Maria elege auwan endakikdek werek kigik, ar Yusuf Maria imbirak noge yigikdek mondok welagage. Nen elege enogo arar endak lagagemo, ar Yusuf nen endaga Yesus arar talkige.
Trenutno odabrano:
MATIUS 1: WLW
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
