ZABUR 3
3
Do'e kelémaq
1 #
2Sam. 15:13–17:22
Zabur Daud, sewaktu ie pelai léman Absalom bijene.
2Ya ALLAH, keluwéqne musuh kaji,
luwéq gati saq nyerang kaji!
3Luwéq dengan saq bebase
bahwe Allah nénten kayun nulung kaji.
4Laguq Deside, ya ALLAH,
jari éndé saq ngelindungin kaji.
Deside icanin kaji kemenangan,
dait Deside beléqang angen kaji.
5Tiang bekuih tipaq ALLAH;
léman bukit-Ne saq suci Ie jawab tiang.
6Tiang begélaq dait tindoq siq rase tentrem,
dait ures malik, séngaq ALLAH saq jagaq tiang.
7Tiang ndéq takut léq beribu-ribu musuh
saq ngepung tiang léman selapuq andang.
8Selametang kaji, ya ALLAH , Tuhan kaji,
hukum dait képaqang selapuq musuh kaji.
9Léman Deside dateng pertulungan, ya ALLAH,
tunas Deside icanin umat Deside berkah.
Trenutno odabrano:
ZABUR 3: LAISAS
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj