OKHUCHIAKA 6
6
Obumayaanu bwabandu
1Olwabandu bachiaka okhumeetekha khusibala ma nibebula abaana bakhaana,#Ayubu 1:6; 2:1 2abasiani ba Nyasaye balola abakhaana yabo nibali abelikondo lilahi, kho bamala nibabukula mubo ababali nibaluutsi nibali abalahi okhuba abakhasi babwe. 3OMWAMI naboola mbu, “Sinambuchil'le khandi abandu okhumenya inziayo tawe. Okhurula lunondi sibakhamenye okhuyombia emihika emia ndala nende amakhumi kabili tawe.” 4Mumatukhu kene yako emindu emikhongo chialinji khusibala echiebulwa nende abaana ba Nyasaye olwa baleera abakhaana babandu. Emindu emikhongo yichio nichio echiamala nichiba singa abalulu bakhale, abasaatsa abali neifuma.#Obub. 13:33
5Olwo MWAMI yalola obumayaanu bwabandu bosi singa bwali obukali musibala nende obwamakani kabwe kali amabi,#Mat. 24:37; Lk. 17:26; 1 Pet. 3:20 6yabeelela esiachila nabalomba ma nabara khusibala. Yabeelela okhusila khwene ma naboola mbu, 7“Naamulule abandu yaba bosi kata nende etsisolo tsiosi nende amanyonyi kosi, sichila mbeeleye khulwa okhubilomba biosi.” 8Nebutswa OMWAMI yayanzisibwa nende Noa.
Noa yalomba esafina
9Tsino nitsio tsinzibulo tsia Noa. Yali omulunji, khandi naba owahabwene mukhukhula khukhwe. Yalinji mubulala nende Nyasaye.#2 Pet. 2:5 10Noa yebula abasiani bataru, Shemu, Hamu nende Yafetsi.
11Omundu wosi musibala yali omubi imbeli wa Nyasaye, ma esibala siali nisietsulamwo obusoolo. 12Nyasaye nalola singa obwesibala siali nisiononekha sichila abandu bali nibamenyele obulamu obusiamu.
13Nyasaye nabool'la Noa mbu, “Mal'le okhukhalaka mbu naamulule abandu bosi sichila esibala sitsuuyemwo obusoolo. 14Welombele esafina khumusaala omulahi, oremwo ebikoti ma ohome mukari nende esioba norumikhilanga elaamu. 15Oburambi bwayo bube etsimiita emia ndala nende amakhumi kataru nachitaru, obuchiikha bwayo bube etsimiita amakhumi kabili natsibili, ne oburambi bwehekulu bube etsimiita likhumi natsitaru. 16Olombe esilama ne olekhe obweyangu bwetsisentimita amakhumi kane nende tsine hakari wesilama nende lisisi. Omuliango kwesafina okure mumbafu ma oremwo etsikorofa#6:16 Etsikorofa Mbu ebikoti biehekulu. tsitaru. 17Nandeere ikhumaatsi khusibala khulwo okhumulula bulisindu siosi esiobulamu. Ebindu biosi khusibala nabifwe. 18Nebutswa nanombe indakano n'nawe. Nawinjile musafina nende omukhasiwo nabaanabo ma nende abakhasi ababaana baabo. 19Khandi nawinjisie musafina ebindu esia b'bili es'saatsa nende esikhasi khubindu biosi ebiobulamu ebili musibala khulwokhubilinda bibe mwoyo. 20Nobukule khutsimbila tsiosi etsiamanyonyi nende etsisolo ma nende biosi ebimoolanga hasi. 21Khandi obukulekhwo tsimbila lukano etsiebiakhulia, ebibio nende ebietsisolo yitsio tsiosi.” 22Noa yakhola kosi aka Nyasaye yamulaka akhole.#Heb. 11:7
Trenutno odabrano:
OKHUCHIAKA 6: EBAIBO
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
©Bible Society of Kenya, 2019