Genesisi 10
10
Liveleko la vanana va Nowa
(1 Makronika 1:5-23)
1Atiya koko ndiveleko ta vanana va Nowa, Semi, Kame ni Jafete; ngu ka vona ku velekilwe vanana msana ka ndambi.
2Vanana va Jafete ngu vava: Gomeri, ni Magoge, ni Madhayi, ni Javhani, ni Tubhali, ni Mexeki, ni Tirasi. 3Vanana va Gomeri ngu vava: Asikenazi, ni Rifati, ni Togarime. 4Vanana va Javhani ngu vava: Elixa, ni Tarxixi, ni Kitimi, ni Dhodhanima. 5Kukhukhela ka vava, ku tumbulukile votshe vathu va va zumbako sitondoloni, na mazumbelo awe ma txi ya ngu tixaka tawe, ni tidimi tawe, ni mafumelo awe.
6Vanana va Kame ngu vava: Kuxe, ni Mesirayime, ni Pute, ni Kanana. 7Vanana va Kuxe ngu vava: Sebha, ni Havhila, ni Sabhita, Rahama, Sabhiteka; se vanana va Rahama ngu vava: Sabha, Dhedhani. 8Kuxe a to veleka Namrodhe a nga va i di ndena yo khata ya mtamo ha mafuni. 9I ti ndena ya mxoti masoni ka Mkoma. Ngu mhaka yeto, kuhumile divingu di diku: “A fana ni Namrodhe, ndena ya mxoti, masoni ka Mkoma.” 10Se Namrodhe a txi khata kufuma, a fumile madhoropa a Bhabheli, Ereke, Akadhe, madhoropa awa otshe ma ku ditikoni ka Senari. 11Nimrodhe a khukhete ka dona ditiko dile, eya Asiriya, a nga aka Ninivha, ni Rehobhoti-Iri, ni Kala 12ni Reseni, hagari ka Ninivha, ni Kala, i nga ti Didhoropa da Hombe.
13Mizarayime a velekile Ludhime, ni va Anami, ni va Lehabhimi, ni va Nafetu 14ni va Patrosi, ni va Karelu, ni va Kafitori, ahale va nga humela kona Vafilista.
15Se Kanana a velekile Sidhoni, matiwula akwe, ngu msana e veleka Heti, 16Kanana ngene tate wa Vajebhusi ni Vaamori, Vagirigasi, 17Vahevhi, ni Vaaraki, ni Vasini, 18Vaarivhadhi, ni Vazemari, ni Vahamate; msana keto va hangalakile va lixaka la Kanana. 19Muhingano wa Vakanana wu ti tiya ngu Sidhoni, wu txi komba kuya Gerara, kala Gaza, ni Sodhoma, ni Gomora, ni Adhama, ni Zebhoyimi, kala kuya gwitela Lasa. 20Ngu vona vava vanana va Kame, ngu tihunzu tawe, ni tidimi tawe, matiko awe, ni mifumo yawe.
21Se ngu ka Semi, ku to velekwa vanana, ngene tate wa votshe Vahebheru, kambe ene mkomwa Jafete. 22Vanana va Semi ngu vava: Elame, Asuri, Arifaxadhe, Ludhe ni Aramu. 23Vanana va Aramu ngu vava: Uzi, Hule, Geteri, ni Masi. 24Arifaxadhe a to veleka Sala, Sala e veleka Ebheri. 25Ngu ka Ebheri ku velekilwe vanana vambidi i ku vava: Wo khata ti ti#10:25 Ti wombako ku kuabanisa. Faleza, nguko ka mbimo yakwe vathu va hangalakile ni ditiko; mwanawe a ti dhanwa ku i Jokitani. 26Jekitani a velekile Elimodhadhe, Salefe, Asarimoti, Jera, 27Hadhoramu, Uzali, Dhekila, 28ni Obhali, Abhimayeti, Sabha, 29Ofiri, Hevhila, Jobhabhi, votshevo mbanana va Jekitani. 30Vona va ti ti akile kukhukhela ditikoni ka Meza, kala ditikoni ka Sefare, mmangoni ka wutxani. 31Evo mbanana va Semi, ngu tihunzu tawe ni tidimi tawe, ngu tihunzu ta matiko awe ni mifumo yawe.
32Ngu yiya mimwaya ya vanana va Nowa, ngu tiveleko tawe ni mifumo yawe; se yi khukhete ka vava yotshe mifumo yi yi nga hangalaka ha mafuni, msana ka ndambi.
Trenutno odabrano:
Genesisi 10: BEC2016
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
A Bíblia em Txitxopi © Bible Society in Mozambique, 2016.