Génesis 10
10
Noé i̧tji̧mutjö̧ tupadanö jojodö tjö̧jina jawa
1Biya̧ wȩyukwi̧ma Noé i̧tji̧mu ömadö Sem, Cam, Jafet mikwadötjö tupadanö jojodö tji̧mi̧biya ba̧ji̧ wȩyukwi̧. Ja̧danö, jobadö Sem, Cam, Jafet, ojwe okwatina jemi tupakwöma tji̧tji̧munö 'yabebijadötö.
Jafettjö tupadanö jojodö tjö̧jina jawa
2Ja̧danö, Noé itji̧ Jafet i̧tji̧mu ömadöma bidö: Gomer, Magog, Madai, Javán, Tubal, Mesec, Tiras mikwadö.
3Ja̧danö, Gomertjö tupadanö jojodöma bidö: Askenaz jojodö, Rifat jojodö, Togar jojodö.
4Ja̧danö, Javántjö tupadanö jojodöma bidö: Elisa jojodö, Tarsis jojodö, Quitim jojodö, Dodanim jojodö. 5Ja̧danö, jobadö Jafettjö tupadanö jojodöma ojwe ö'öbönö jelobe, jelobebi ja̧danö, ö'wejesa'onö jelobe, jelobebi ju̧kwijadötö wainökwena tjitebokwena. Ja̧danö, bakwasokwena ju̧kwijadötö, idöda yö̧ne tjömöledökwö. Ja̧danö, bakwasokwena idöda tjiwenekwena yöba̧lö ju̧kwijadötö Jafettjö tupadanö jojodöma.
Camtjö tupadanö jojodö tjö̧jina jawa
6Ja̧danö, Noé itji̧ Cam i̧tji̧mu ömadöma bidö: Cus, Mizraim, Fut, Canaán.
7Ja̧danö, Custjö tupadanö jojodöma bidö: Seba jojodö, Havila jojodö, Sabta jojodö, Raama jojodö, Sabteca jojodö. Ja̧danö, Raama jojodötjö tupadanö jojodöma bidö: Seba jojodö, Dedán jojodö.
8Ja̧danö, Cus i̧tji̧mutjö bakwo̧ Nimrod mikwijetö. Jo̧bama pöe baibena la'aka luwo̧ ji̧jetö, jwiinö juluwo̧ma. Jo̧bama ajayinö jwiinö juluwo̧, ölakwabikwawö waiso̧ la'aka luwo̧bina. 9Ja̧danö, Isabenö Jo̧ma jo̧banö pjaatobetjö̧ Nimrodma 'böawa waiso̧ ji̧abijetö, tebonö ju̧kwadönö 'böawama. Jejenö waiso̧ ö̧jinobetjö̧ jojodöma jo̧ba iminö waneda̧lö yöba̧liatjinobe 'böawa waisadönö. Ja̧danö bakwo̧nö 'böawa waiso̧nö yötja̧lobö jö̧tja̧lenama, bitema Nimroddanö waiso̧, jö̧ba̧lö yötja̧linobe, isabenö bitebi waiso̧ jö̧ba̧lö.
10Ja̧danö, Nimrodma jelobe, jelobebi comunidades otidö junijetö, iteda la'aka luwo̧ baibanö. Ajayinö otidö ujuninemi comunidadesma Babel, Erec, Acad, Calne mikwemi, Sinar nijinö. 11Ja̧danö, jemi tupakwö Asiria mikwobe 'ya̧nö, ju'wi comunidades Nínive, Rehobot, Cala mikwemi otidö junijetö Nimrodma. 12Jobe Asiria nijinö ju'wi comunidadbi otidö junijetö, Resén mikwemi. Resén comunidadma Nínive comunidadtjö Cala comunidadtjö 'da̧denö ji̧nemi. Ja̧danö Nínive comunidadma jwiinö jalinemi.
13Ja̧danö, Cam itji̧ Mizraimtjö̧ tupadanö jojodöma bidö: Ludim jojodö, Anamim jojodö, Lehabim jojodö, Nartuhim jojodö, 14Patrusim jojodö, Caftorim jojodö, Casluhim jojodö. Casluhim jojodötjö tupadanö jojodöma filesteos mikwijadötö.
15Ja̧danö, Cam itji̧ Canaán i̧tji̧mu ömadöma bidö: Abönö pöe Sidón mikwijetö. Ikena itji̧ Het mikwijetö. 16Ja̧danö, ju'wedö Canaántjö tupadanö jojodöma jebuseo jojodö, amorreo jojodö, gergeseo jojodö, 17heveo jojodö, araceo jojodö, sineo jojodö, 18arvadeo jojodö, zemareo jojodö, hamateo jojodö. Ja̧danö, tupakwöma jobadö Canaántjö tupadanö jojodötjö ju'wedöma jelobebi, ju'wedöma jelobe 'ya̧nö wainökwena ju̧kwijadötö, böjȩ bakwemeachibanö.
19Ja̧danö, Canaántjö tupadanö jojodö tjiteboma jalobe yelösöda, Sidón comunidadtjö a̧li̧kwöchobekwö Gaza comunidad ichibanö ji̧jetö. Ja̧danö, jobetjö tebokwöchobe Gerar comunidad ichibanö ji̧jetö, Canaántjö tupdadanö jojodö tjiteboma. Ja̧danö, ja̧wo̧ laebobekwö, Sodoma, Gomorra, Adma, Zeboim comunidades, Lasa comunidad ichibanö ji̧jetö, Canaántjö tupadanö jojodö tjiteboma. Jalobe yelösöda.
20Jejenö ju̧kwijadötö Camtjö tupadanö jojodöma, yö̧ne tjömöledökwena, ja̧danö, idöda tji̧wenekwena yöba̧lö, ja̧danö, tjitebotenia bakwasokwena ja̧nö.
Semtjö tupadanö jojodö tjö̧jina jawa
21Ja̧danö, Noé itji̧ Sem, Jafet öpöema i̧tji̧munö 'yabebijetö. Ja̧danö, Semtjö̧ tupadanö jojodöma, Heber jojodö. Jau, Heber jojodöma Semnö öbabijadötö, Da'dömine, jö̧ba̧lö.
22Ja̧danö, Sem i̧tji̧mu ömadöma bidö: Elam, Asur, Arfaxad, Lud, Aram. 23Ja̧danö, Aramtjö tupadanö jojodöma bidö: Uz jojodö, Hul jojodö, Geter jojodö, Mas jojodö. 24Ja̧danö, Arfaxadma itji̧nö 'yabebijetö, Sala mikwo̧nö. Ja̧danö, Salama itji̧nö, Heber mikwo̧nö 'yabebijetö.
25Ja̧danö, Heberma i̧tji̧mu ömadönö dujutajanö 'yabebijetö. Jobadötjö bakwo̧ Peleg#10:25 Peleg ö̧jinena mölema Diosma jojodönö Babelnö bakobe ju̧kwadönö tjiwene wainökwena yötja̧lobö ja̧inobetjö̧ jelobebi, jelobebi 'ya̧nö tjuju̧kwinobe. mikwijetö. Imi, Peleg, jö̧ba̧löma, 'Da̧bachibö wainökwena ja̧kwawa, jö̧ba̧lö wanekwachobe. Ja̧danö, ja̧ mölema böjȩnö ju̧kwadöma ju'wedötjö ju'wedötjö 'da̧tja̧kwachajinö wainökwena ju̧kwijadötö.
Ja̧danö, Heber itji̧ jelo̧ma Jactán mikwijetö. 26Ja̧danö, Jactántjö tupadanö jojodöma Almodad jojodö, Selef jojodö, Hazar-mavet jojodö, Jera jojodö, 27Adoram jojodö, Uzal jojodö, Dicla jojodö 28Abimael jojodö, Seba jojodö, 29Ofir jojodö, Havila jojodö, Jabad jojodö. Jobadö okobe deinöma Joctántjö tupadanö jojodö. 30Ja̧danö, jobadö tjitebokwenama Mesa mikwemitjö ja̧wo̧ laebobekwö Sefar mikwobe, mö'ösa'iju ba̧ba̧lawemi ichibanö.
31Jobadö Semtjö̧ tupadanö jojodöma, yö̧ne tjömöledökwena, ja̧danö, tjiwenekwena yöba̧lö, ja̧danö, tjitebokwena, ja̧danö, bakwasokwena ju̧kwijadötö.
32Ja̧danö, Biya̧ wȩyukwi̧ma Noé i̧tji̧mu ömadö, Sem, Cam, Jafet mikwadötjö tupadanö jojodö tji̧mi̧biya ba̧ji wȩyukwi̧. Dios ojwe okwatinö weina okobema, jobadö Noé i̧tji̧mutjö tupadanö jojodöma böjȩ ba̧kwemeachibanö ju̧kwijadötö, bakwasokwena.
Trenutno odabrano:
Génesis 10: WPC
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
©2021, All Rights Reserved