Bar 4
4
Abburahamu akahikirizibwa okwikiriza
1Hati nu turagamba ki hali Abburahamu, isenkuru itwe ow'omubiri? 2Abburahamu obu araaba yahikiriziibwe ebi yakozire, yakubaire n'eky'okwenyumirizaaho; baitu ateenyumize omumaiso ga Ruhanga. 3#Kub 15:6; Bag 3:6.Kandi Ebyahandiikirwe nibigamba ki? Nibigira biti: “Abburahamu akaikiriza Ruhanga, eki kikamuhaisa obuhikiriire.” 4Ningira omusaara gw'omuntu anyakukora omulimo tigwetwa kisembo, gwetwa ibanja eri asemeriire kusasurwa. 5Baitu ogu atarukwesiga ebi arukukora, kyonka naayesiga Ruhanga anyakweza n'abo abatamutiina, okwikiriza kwe kwetwa buhikiriire. 6Daudi nawe nukwo ahaisaniza ati omugisa oguheebwa omuntu Ruhanga ou ayeta muhikiriire, kandi kunu ataina ebi akozire, naagamba ati:
7 #
Zab 32:1,2. “B'omugisa abo abaganyirwa ensobi zaabo,
kandi bakaihwaho ebibi byabo!
8W'omugisa omuntu MUKAMA ou atalibarra bibi bye.”
9Omugisa gunu guba gw'abasazirwe bonka, rundi n'abatasazirwe? Itwe tugamba tuti: Okwikiriza kwa Abburahamu kukamwesa muhikiriire. 10Eki kikabaho di? Amazire kusarwa rundi atakasazirwe? Kitamwese muhikiriire amazire kusarwa nangwa, baitu atakasazirwe. 11#Kub 17:10.Okusarwa kwe kakaba karorwaho ak'okugumya obuhikiriire obu yatungire habw'okwikiriza atakasazirwe. Ekyagenderiirwe nukwo kumufoora isenkuru boona abaikiriza batasazirwe, nabo bakabarwa kuba bahikiriire. 12Kandi abe isenkuru w'abasazirwe, abatagarukiire ha kusarwa kwonka baitu abahondera ekirale eky'okwikiriza, isenkuru-itwe Abburahamu oku akaba ainakwo atakasazirwe.
Omuntu tahikirizibwa Ebiragiro byonka
13 #
Kub 17:4-6; 22:17,18; Bag 3:29. Ruhanga okuraganiza Abburahamu n'abaijukuru be nkooku baligweterwa ensi, kutaruge omu kuhikya Ebiragiro, baitu kukaruga omu buhikiriire obu baahairwe habw'okwikiriza kwabo. 14#Bag 3:18.Abakwasi b'Ebiragiro obu baraaba bali nubo b'okugwetwa, buli okwikiriza tikwina mugaso, n'okuraganiza oku kwa busa. 15Ningira Ebiragiro bimanyisa abantu, Ruhanga nkooku ali w'obukaya, kandi Ebiragiro nambere bitali, tihabaho n'okubicwa.
16 #
Bag 3:7. Nikyo obuhikiriire burugira omu kwikiriza, nukwo ebyaraganiziibwe bisigikire ha mbabazi za Ruhanga, biheebwe abaijukuru ba Abburahamu boona-tibali bakwasi b'Ebiragiro bonka, baitu n'abo abaikiriza nk'Abburahamu; habwokuba nuwe isenkuru itwe itwena, 17#Kub 17:5.nkooku kyahandiikirwe kiti: “Nkufoire isenkuru amahanga maingi.” Eki Abburahamu akakiraganizibwa Ruhanga ou yaikiriize, nuwe Ogu anyakuhumbuura abafu kandi anyakuhanga ebintu ebikaba bitaroho. 18#Kub 15:5.Abburahamu akaikiriza, naanihira ebitakunihiirwe ngu, alifooka isenkuru amahanga maingi, nkooku yagambiirwe ati: “Abaijukuru baawe nukwo baliba baingi bati.” 19#Kub 17:17.Noobu yarozire ahoireyo, habwokuba akaba ahikize emyaka nka kikumi ey'obukuru, kandi yarora mukazi we Saara ali ngumba, baitu ebi bitamugaruukirize omu kwikiriza. 20Atagurukagurukye eki Ruhanga yamuraaganiize, baitu akeeyongera okugumira omu kwikiriza kwe, naahaisaniza Ruhanga, 21ananukiire kimu nkooku Ruhanga akaba naasobora kukora eki yaraganiize. 22Nikyo okwikiriza kwe “kwamweseze muhikiriire.” 23Baitu ebigambo ebirukugamba biti: “Kukamwesa muhikiriire”, bitahandiikwe habwe wenka, 24baitu bikahandiikwa na habwaitu. Na itwe tulyetwa bahikiriire: itwe abaikiriza Ogu ayahumbwire Yesu MUKAMA waitu omu bafu. 25#Is 53:4,5.Yesu ogu ayaisirwe habw'ebibi byaitu kandi yahumbuurwa, nukwo atwegarukanganisemu na Ruhanga.
Trenutno odabrano:
Bar 4: BRR2008
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Bible in Runyoro/Rutooro Interconfessional Translation © Bible Society of Uganda, 2008.