Yoh EBY'OKUSOBORRA
EBY'OKUSOBORRA
Amakuru Amarungi nkooku gahandikirwe Yohaana gooleka Yesu, nk'ekigambo kya Ruhanga ekyomeezi ayafookere muntu yaikara hamu naitwe (1:1-14) Ekitabu kinu nkooku kigamba Amakuru Amarungi ganu gakahandiikwa nukwo mwikirize Yesu Kristo nkooku ali Kristo, Omwana wa Ruhanga, kandi habwokwikiriza oku, mutunge obwomeezi muli we (20:31).
Hanyuma y'okwanjura n'okumalirra Yesu nikyo Kigambo eky'obwomeezi ekya Ruhanga, ekicweeka ekyokubanza eky Amakuru Amarungi, nikiragirra ebyahaano ebitali bimu ebirukwoleka ngu Yesu Kristo nuwe omujuni ayanihiziibwe; Omwana wa Ruhanga. Binu nibihandikirwa omu bicweeka ebitali ebikusoborra ebinyakwolekerwe omubyamahano.
Ekicweeka kinu nikitugambira abantu abamu nkooku baikiriize kandi baafooka bahondezi be kandi abandi bamuhakaniza, bayanga kwikiriza. Suura 13-17 zooleka kurungi okukwataniza kwa Yesu nabegesebwa be ha kiro yakwatiirweho, n'ebigambo by'okubagumya n'okubatekaniza atakabambirwe ha musalaba. Suura ezokufundikira zigambaho okukwatwa n'okutongana, okubambwa n'okuhumbuka.
Ebirukukwata ha mukazi ayakwatirwe omu busihani (8:1-11) bitairwe omubugo habwokuba abahandiiki abandi ab'okubanza babisigayo kandi abandi babita omukikaro ekindi.
Yohaana abazaaho muno ebisembo eby'obwomeezi obutahwaho kuraba omu Kristo, ekisembo eky'omuntu atungiraho kandi ekitungwa abo abamukurata Yesu nk'omuhanda amananu n'obwomeezi. Ekirukuhuniriza nugwo omulingo arukukozesa eby'okurorraho by'ebintu eby'obwomeezi bwa buli kiro kwegesezaaho eby'omwoyo, nka amaizi, omugati, ekyererezi, omuliisa n'entama ze, n'omuzabbibbu n'ebijuma byagwo.
Nkooku birukuhonderana
Okwanjura 1:1-18
Yohaana Omubatiza nabegesebwa ba Yesu ab'okubanza 1:19-51
Omulimo gwa Yesu omubantu 2:1-12:50
Ebiro byahampero omu Yerusaalemu nebikaro ebiheriire 13:1-19:42
Okuhumbuka n'okweyoleka kwa MUKAMA 20:1-31
Okufundikira; okweyoleka okundi omu Galiraaya 21:1-25
Trenutno odabrano:
Yoh EBY'OKUSOBORRA: BRR2008
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Bible in Runyoro/Rutooro Interconfessional Translation © Bible Society of Uganda, 2008.