1 Abakor 12
12
Ebisembo ebigabwa Mwoyo Ahikiriire
1Bagenzi bange, ninyenda mumanye ebirukukwata ha bisembo ebigabwa mwoyo Ahikiriire. 2Mumanyire ngu, obu mukaba mukyali bakafiiri, mwatwarwaga embandwa ezitagamba, nizo zaabahabisaaga. 3Nahabweki ningonza mumanye nkooku hataroho muntu n'omu aragambisiibwe Mwoyo wa Ruhanga ati: “Yesu akyenwe!” Kandi busaho muntu asobora kugamba ati: “Yesu nuwe MUKAMA”, rundi buli akigambisibwe Mwoyo Ahikiriire.
4 #
Bar 12:6-8. Haroho ebisembo eby'emiringo nyingi, baitu Mwoyo Ahikiriire ali omu; 5kandi haroho obuheereza bw'emiringo nyingi, baitu MUKAMA ali omu; 6Kandi haroho emirimo ey'emiringo nyingi, baitu Ruhanga ali omu anyakukozesa ebisembo ebi byona omu boona. 7Kandi buli omu Mwoyo amuha ekisembo eky'okugasira boona. 8Omu, Mwoyo amuha kubaza eby'amagezi; ondi Mwoyo ogu omu, amuha okwetegerezesa abandi. 9Ondi Mwoyo amuha okwikiriza, ondi amuha ekisembo ky'okutamba endwara. 10Ondi Mwoyo amuha okukora ebyamahano, ondi okuranga ebya Ruhanga, ondi amagezi g'okwahurana emyoyo emirungi n'emibi, ondi ekisembo ky'okubaza endimi nyingi nkooku Mwoyo aba amuhaire, kandi ondi kusoborra amakuru g'endimi ezi. 11Ebi byona bikorwa Mwoyo ogu omu, anyakugabira buli muntu nkooku agonza.
Omubiri gw'omuntu gusisanizibwa n'Ekitebe kya Kristo
12 #
Bar 12:4,5. Omubiri nkooku guli gumu, gwina n'ebicweka bingi, kandi ebicweka ebi byona noobu biraaba biri bingi, baitu guba mubiri gumu, na Kristo nawe nukwo ali ati, 13Habwokuba itwena tukabatizibwa mwoyo omu, twafooka mubiri gumu-Abayudaaya n'Abagiriiki, abairu n'ab'obugabe-itwena tukanywisibwa ha mwoyo omu.
14Habwokuba omubiri tigugira kicweka kimu, baitu bingi. 15Kakuba ekigere nikigamba kiti: “Nyowe habw'okutaba mukono, habweki tindi kicweka ky'omubiri,” eki tikikitanga kuba kicweka ky'omubiri. 16Kandi okutu kakuba nikugamba kuti: “Nyowe habw'okutaba liiso, habweki tindi kicweka ky'omubiri,” eki tikikutanga kuba kicweka ky'omubiri. 17Kakuba omubiri gwona gwabaire liiso, omuntu yakuhuliriire nkaha? Kakuba omubiri gwona gwabaire kutu, omuntu yakukagiire nkaha? 18Baitu nkooku kiri, Ruhanga akateekaniza ebicweka by'omubiri, buli kimu yakiha ekiikaro kyakyo nkooku yagondeze. 19Ebicweka byona kakuba byabaire kicweka kimu, omubiri gwakurugire nkaha? 20Na hati ebicweka biri bingi, baitu omubiri guli gumu. 21Eriiso tirisobora kugambira omukono liti: “Tindukukwetaaga”; rundi omutwe kugambira ebigere guti: “Tindukubeetaaga”. 22Baitu ebicweka by'omubiri ebizooka nk'ebitaina maani, nibyo bikira kwetaagwa. 23Kandi ebicweka by'omubiri ebibarwa nk'ebitaina kitiinisa, nibyo tukira kuha ekitiinisa. Kandi ebicweka byaitu ebitukwasa ensoni, nibyo tukira kujweka; 24baitu ebicweka byaitu ebikira oburungi, tibyetaaga kujwekwa. Ruhanga, omubiri nukwo yagutegekere ati: Ebicweka ebitaina kitiinisa nibyo aha ekitiinisa okukira ebindi, 25nukwo omu mubiri haleke kubamu okutaikirraniza, baitu ebicweka byona bikoonyerangane. 26Ekicweka kimu kakuba kisaasa, byona bisaasira hamu. Ekicweka kimu kakuba kiheebwa ekitiinisa, byona bisemerererwa hamu.
27Hati nu inywe muli mubiri gwa Kristo, buli omu kicweka kyagwo. 28#Bef 4:11.Ruhanga, omu kitebe ky'abaikiriza, akabanza kutamu abakwenda, yagarraho abarangi, yayongeraho ebeegesa, hanyuma abakozi b'ebyamahano, yataho n'abakiza endwara, n'abakoonyezi, n'abalemi, n'abarukubaza endimi ezitali zimu. 29Abo boona bakwenda? Boona barangi? Boona beegesa? Boona bakora ebyamahano? 30Boona baina ebisembo by'okutamba endwara? Boona babaza endimi? Boona basoborra amakuru g'endimi? 31Baitu mute emitima yanyu ha kuserra ebisembo ebirukukira oburungi.
Nanyowe ninyija kubooleka omuhanda ogurukukirra kimu endi yoona.
Trenutno odabrano:
1 Abakor 12: BRR2008
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Bible in Runyoro/Rutooro Interconfessional Translation © Bible Society of Uganda, 2008.