လံာ်စီၤမိၤရှ့အခီၣ်ထံးတဘ့ၣ်. ၅
၅
1အအံၤမ့ၢ်စီၤအၤဒၣ်အစၢၤအသွဲၣ်.
2မုၢ်တနံၤလၢယွၤတ့လီၤပှၤကညီန့ၣ် တ့လီၤအီၤလၢ ယွၤအဂီၤလီၤ. ပိာ်မုၣ်ဒီးပိာ်ခွါန့ၣ်တ့လီၤအီၤ, ဒီးဆိၣ် ဂ့ၤအီၤလီၤ. ဒီးမုၢ်တနံၤလၢအတ့လီၤဝဲန့ၣ်ယုၢ်အမံၤလၢ အၤဒၣ်လီၤ.
3ဒီးစီၤအၤဒၣ်အိၣ်ဝဲအနံၣ်တကယၤသၢဆံ, ဒီးထီၣ်ဖိ လီၤဂာ်လၢအကစၢ်ဒၣ်ဝဲ, ဒ်အဂီၤဒၣ်ဝဲအသိးန့ၣ်ဒီးယုၢ် ဝဲအမံၤလၢစီၤရှ့သးလီၤ. 4ဒီးစီၤအၤဒၣ်အမုၢ်နံၤမုၢ်သီ လၢအထီၣ်ဖိစီၤရှ့သးအလီၢ်ခံန့ၣ် မ့ၢ်အနံၣ်ဃိးကယၤ လီၤ. ဒီးထီၣ်ဖိအဖိမုၣ်ဒီးအဖိခွါလီၤ. 5ဒီးစီၤအၤဒၣ်အ မုၢ်နံၤခဲလၢာ်န့ၣ်မ့ၢ်အနံၣ်ခွံကယၤသၢဆံ, ဒီးသံ ဝဲလီၤ.
6ဒီးစီၤရှ့သးအိၣ်ဝဲအနံၣ်တကယၤယဲၢ်နံၣ်, ဒီးထီၣ်ဖိ စီၤအနိၣ်လီၤ. 7ဒီးစီၤရှ့သးအိၣ်ဝဲလၢအထီၣ်ဖိစီၤအနိၣ် အလီၢ်ခံဃိးကယၤနွံနံၣ်, ဒီးထီၣ်ဖိအဖိမုၣ်ဒီးအဖိခွါ လီၤ. 8ဒီးစီၤရှ့သးအမုၢ်နံၤခဲလၢာ်န့ၣ် မ့ၢ်ခွံကယၤတ ဆံခံနံၣ်, ဒီးသံဝဲလီၤ.
9ဒီးစီၤအနိၣ်အိၣ်ဝဲအနံၣ်ခွံဆံ, ဒီးထီၣ်ဖိစီၤက့ၤနၣ် လီၤ. 10ဒီးစီၤအနိၣ်အိၣ်ဝဲလၢအထီၣ်ဖိ စီၤက့ၤနၣ်အ လီၢ်ခံန့ၣ်အနံၣ်ဃိးကယၤတဆံယဲၢ်နံၣ်, ဒီးထီၣ်ဖိအ ဖိမုၣ်ဒီးအဖိခွါလီၤ. 11ဒီးစီၤအနိၣ် အမုၢ်နံၤခဲလၢာ်မ့ၢ် အနံၣ်ခွံကယၤယဲၢ်နံၣ်, ဒီးသံဝဲလီၤ.
12ဒီးစီၤက့ၤနၣ်အိၣ်ဝဲအနံၣ်နွံဆံ, ဒီးထီၣ်ဖိစီၤမၤဟလၤ လ့လးလီၤ. 13ဒီးစီၤက့ၤနၣ်အိၣ်လၢအထီၣ်ဖိ စီၤမၤဟ လၤလ့လးအလီၢ်ခံအနံၣ်ဃိးကယၤလွံၢ်ဆံ, ဒီးထီၣ်ဖိ အဖိမုၣ်ဒီးအဖိခွါလီၤ. 14ဒီးစီၤက့ၤနၣ် အမုၢ်နံၤခဲလၢာ် မ့ၢ်အနံၣ်ခွံကယၤတဆံ, ဒီးသံဝဲလီၤ.
15ဒီးစီၤမၤဟလၤလ့လးအိၣ်ဝဲဃုဆံယဲၢ်နံၣ်ဒီး ထီၣ်ဖိ စီၤယၤရ့းလီၤ. 16ဒီးစီၤမၤဟလၤလ့လးအိၣ်ဝဲလၢအထီၣ် ဖိစီၤယၤရ့းအလီၢ်ခံအနံၣ်ဃိးကယၤသၢဆံ, ဒီးထီၣ်ဖိ အဖိမုၣ်ဒီးအဖိခွါလီၤ. 17ဒီးစီၤမၤဟလၤလ့လးအမုၢ်နံၤ ခဲလၢာ်မ့ၢ်အနံၣ်ဃိးကယၤခွံဆံယဲၢ်နံၣ်, ဒီးသံဝဲလီၤ.
18ဒီးစီၤယၤရ့းအိၣ်ဝဲတကယၤဃုဆံခံနံၣ်, ဒီးထီၣ်ဖိစီၤ ဃနိာ်လီၤ. 19ဒီးစီၤယၤရ့းအိၣ်ဝဲလၢအထီၣ်ဖိစီၤဃနိာ် အလီၢ်ခံအနံၣ်ဃိးကယၤ, ဒီးထီၣ်ဖိအဖိမုၣ်ဒီးအဖိခွါ လီၤ. 20ဒီးစီၤယၤရ့းအမုၢ်နံၤခဲလၢာ်မ့ၢ် အနံၣ်ခွံကယၤ ဃုဆံခံနံၣ်, ဒီးသံဝဲလီၤ.
21ဒီးစီၤဃနိာ်အိၣ်ဝဲဃုဆံယဲၢ်နံၣ်, ဒီးထီၣ်ဖိစီၤမသူၤၡ လၤလီၤ. 22ဒီးစီၤဃနိာ်လဲၤတၢ်ဒီးယွၤလၢအထီၣ်ဖိစီၤ မသူၤၡလၤအလီၢ်ခံအနံၣ်သၢကယၤ, ဒီးထီၣ်ဖိအဖိမုၣ် ဒီးအဖိခွါလီၤ. 23ဒီးစီၤဃနိာ်အမုၢ်နံၤခဲလၢာ်မ့ၢ်အနံၣ် သၢကယၤဃုဆံယဲၢ်နံၣ်လီၤ. 24ဒီးစီၤဃနိာ်လဲၤတၢ်ဒီး ယွၤလီၤ. ဒီးတအိၣ်ဘၣ်ဝဲဘၣ်ဝဲ. အဂ့ၢ်ဒ်အံၤ, ယွၤ ဟံးန့ၢ်အီၤလီၤ.
25ဒီးစီၤမသူၤၡှလၤအိၣ်ဝဲတကယၤဃိးဆံနွံနံၣ်,ဒီးထီၣ် ဖိစီၤလ့ၤမ့းလီၤ. 26ဒီးစီၤမသူၤၡလၤအိၣ်ဝဲလၢအထီၣ်ဖိ စီၤလ့ၤမ့းအလီၢ်ခံအနံၣ်နွံကယၤဃိးဆံခံနံၣ်, ဒီးထီၣ်ဖိ အဖိမုၣ်ဒီးအဖိခွါလီၤ. 27ဒီးစီၤမသူၤၡလၤ အမုၢ်နံၤခဲ လၢာ်န့ၣ်မ့ၢ်အနံၣ်ခွံကယၤဃုဆံခွံနံၣ်, ဒီးသံဝဲလီၤ.
28ဒီးစီၤလ့ၤမ့းအိၣ်ဝဲတကယၤဃိးဆံခံနံၣ်, ဒီးထီၣ်ဖိ အဖိခွါတဂၤလီၤ. 29ဒီးယုၢ်ဝဲအမံၤလၢစီၤနိအၤဒီးစံးဝဲ ဒၣ်, အအံၤတဂၤကမၤမုာ်ထီၣ်က့ၤ ပှၤလၢပတၢ်မၤဒီး ပမၤတၢ်လၢပစုတုၤတၢ်ဘှံးပသးအဂ့ၢ် လၢဟီၣ်ခိၣ်လၢ ယွၤဆိၣ်အၢအီၤအဃိလီၤ. 30ဒီးစီၤလ့ၤမ့းအိၣ်ဝဲလၢအ ထီၣ်ဖိစီၤနိအၤအလီၢ်ခံ အနံၣ်ယဲၢ်ကယၤခွံဆံယဲၢ်နံၣ်, ဒီးထီၣ်ဖိအဖိမုၣ်ဒီးအဖိခွါလီၤ. 31ဒီးစီၤလ့ၤမ့းအမုၢ်နံၤ ခဲလၢာ်မ့ၢ်နွံကယၤနွံဆံနွံနံၣ်, ဒီးသံဝဲလီၤ.
32ဒီးစီၤနိအၤအိၣ်ဝဲအနံၣ်ယဲၢ်ကယၤ, ဒီးထီၣ်ဖိစီၤရှ့ၣ်, ဒီးစီၤဃၣ်, ဒီးစီၤယ့ဖ့းသးလီၤ.
Trenutno odabrano:
လံာ်စီၤမိၤရှ့အခီၣ်ထံးတဘ့ၣ်. ၅: KSWM
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Sgaw Mason Bible © Bible Society of Myanmar, 1853.