GENESIS 2
2
1Busa ang kalangitan ug ang yuta nahuman pagbuhat ug ang tanang panon niini. 2#Heb. 4:4, 10. Ug sa ikapito nga adlaw natapos sa Dios ang buhat nga iyang gihimo. Ug mipahulay siya sa ikapito nga adlaw gikan sa tanan niyang buhat nga iyang nahimo. 3#Ex. 20:11. Ug gipanalanginan sa Dios ang ikapito nga adlaw ug gibalaan kini tungod kay niini mipahulay ang Dios gikan sa tanan niyang buhat nga iyang gihimo sa iyang pagpamuhat.
4Kini mao ang mga sinugdan sa kalangitan ug sa yuta sa dihang gibuhat kini.
Ang Tanaman sa Eden
Sa adlaw nga gibuhat sa Ginoong Dios ang yuta ug ang langit, 5wala pay tanom sa kapatagan diha sa yuta ug wala pay mga tanom nga nanurok sa kapatagan kay ang Ginoong Dios wala pa magpaulan sa ibabaw sa yuta, ug wala pay tawo nga mouma sa yuta. 6Apan dihay tubig nga mibuswak#2:6 tubig nga mibuswak: o gabon nga misaka. gikan sa yuta ug mipatubig sa tibuok yuta. 7#1 Cor. 15:45. Ug giumol sa Ginoong Dios ang tawo nahimo nga gikan sa abog sa yuta ug gihuyop niya ngadto sa ilong niini ang gininhawa sa kinabuhi, ug ang tawo nahimo nga buhing binuhat. 8Ug ang Ginoong Dios nagbuhat ug usa ka tanaman sa silangan sa Eden ug gibutang niya didto ang tawo nga iyang giumol. 9#Pin. 2:7; 22:2, 14. Ug gipaturok sa Ginoong Dios gikan sa yuta ang tanan nga kahoy nga matahom nga tan-awon ug maayo nga kaonon. Diha usab sa taliwala sa tanaman ang kahoy sa kinabuhi ug ang kahoy sa kahibalo sa maayo ug sa daotan.
10Ug dihay usa ka suba nga midagayday gikan sa Eden, ang usa ka suba aron sa pagpatubig sa tanaman, ug gikan didto nabahin kini ug nahimong upat ka suba. 11Ang ngalan sa usa Pison. Kini mao ang naglibot sa tibuok nga yuta sa Habila diin adunay bulawan, 12ug ang bulawan niadtong yutaa maayo; didto usab may bedelio ug bato nga onyx. 13Ug ang ngalan sa ikaduha nga suba Gihon. Kini mao ang naglibot sa tibuok nga yuta sa Cus.#2:13 Cus: o Etiopia. 14Ug ang ngalan sa ikatulo nga suba Hidekel.#2:14 Hidekel: o Tigris. Kini midagayday sa silangan sa Asiria. Ug ang ikaupat nga suba mao ang Eufrates.
15Gikuha sa Ginoong Dios ang tawo ug gibutang sa tanaman sa Eden aron mag-atiman ug magbantay niini. 16Ug ang Ginoong Dios nagsugo sa tawo, nga nag-ingon, “Makakaon ikaw gikan sa tanan nga kahoy sa tanaman, 17apan sa kahoy sa kahibalo sa maayo ug sa daotan, ayaw pagkaon niini kay sa adlaw nga mokaon ikaw niini, mamatay ka gayod.”
18Ug miingon ang Ginoong Dios, “Dili maayo nga ang tawo mag-inusara; buhatan nako siya ug kaabag nga angay kaniya.” 19Ug giumol sa Ginoong Dios gikan sa yuta ang tanang mga mananap sa kapatagan ug ang tanan nga langgam sa kalangitan, ug gidala niya sila ngadto sa tawo aron makita niya kon unsay ingalan niya kanila. Ug ang tanan nga gingalan sa tawo sa mga mananap nga buhi, mao na ang ngalan niini. 20Gihatagan sa tawo ug mga ngalan ang tanan nga kahayopan ug ang mga langgam sa kalangitan ug ang tanan nga mga mananap sa kapatagan apan alang sa tawo walay nakaplagan nga katabang nga angay kaniya. 21Ug gipahinanok sa Ginoong Dios ang tawo ug samtang natulog siya, ang Dios mikuha ug usa sa mga gusok niya ug gitakpan niya ang unod sa dapit niini. 22Ug ang gusok nga gikuha sa Ginoong Dios gikan sa tawo gibuhat niya nga usa ka babaye, ug iyang gidala siya ngadto sa lalaki. 23Ug ang tawo miingon,
“Ania ra gayod ang bukog sa akong mga bukog,
ug unod sa akong unod,
siya nganlan nga Babaye,
kay gikuha siya gikan sa Lalaki.”#2:23 BABAYE…LALAKI: Sa Hebreo, ang babaye, isha; ang lalaki, ish. 24#Mat. 19:5; Mar. 10:7-8; 1 Cor. 6:16; Efe. 5:31. Tungod niini, ang lalaki mobiya sa iyang amahan ug sa iyang inahan, ug motipon siya sa iyang asawa, ug sila mahimong usa ka unod. 25Ug silang duha hubo, ang tawo ug ang iyang asawa, ug sila wala maulaw.
Trenutno odabrano:
GENESIS 2: ABCEB
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
©Philippine Bible Society, 2011