ᒉᓂᓯᐢ 15
15
1ᑳ ᐳᓂᐸᔨᑭ ᒫᑲ ᐅᐦᐃ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᐅᑎᐦᑎᐠ ᐁᑊᕒᐋᒼ ᐃᓯᓇᒧᐃᐧᓂᕽ, ᐅᒥᓯ ᐁ ᐃᑎᑯᐟ, ᐁᑳᐃᐧᔭ ᓭᑭᓯ ᐁᑊᕒᐋᒼ, ᓂᔭ ᑭ ᐸᐸᐊᐦᑳᐧᐣ, ᒥᓇ ᑭ ᑭᐦᒋ ᑎᐸᐦᐊᒫᑯᐃᐧᐣ. 2ᐁᑊᕒᐋᒼ ᒫᑲ ᑭ ᐃᑌᐧᐤ, ᑫᑲᐧᐩ ᑫ ᒥᔨᔭᐣ ᐃᐧᔭ ᐁᑳ ᐁ ᐅᐟ ᐊᐋᐧᓯᒥᓯᔮᐣ ᒥᓇ ᑳ ᑲᓇᐁᐧᔨᑕᕽ ᓂᑭ ᐁᐊᐧᑯ ᐊᐊᐧ ᐁᓬᐃᐁᓴᕒ ᑕᒫᐢᑲᐢ ᑳ ᐅᐦᒋᐟ? 3ᐁᑊᕒᐋᒼ ᒥᓇ ᐃᑌᐧᐤ, ᒫᑎᑲ, ᓂᔭ ᓇᒪᐃᐧᔭ ᑯᐦ ᒥᔨᐣ ᑭᑕ ᐅᐟ ᐊᐋᐧᓯᒥᓯᔮᐣ ᐁᑯᓯ, ᒋᐢᐟ, ᐊᐃᐧᔭᐠ ᓂᑭᕽ ᐁ ᓂᐦᑖᐃᐧᑭᐟ ᓂᐟ ᐋᓂᐢᑫᐢᑲᒫᐠ. 4ᐁᑯᓯ ᐳᑎ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑭ ᐅᑎᐦᑎᐠ ᐅᒥᓯ ᐁ ᐃᑎᑯᐟ, ᓇᒪᐃᐧᔭ ᐊᐊᐧ ᓈᐯᐤ ᑭ ᑲ ᐋᓂᐢᑫᐢᑲᒫᐠ; ᒫᑲ ᐊᓇ ᑭᔭᐃᐧᕽ ᑫ ᐅᐦᒋᐟ ᑭ ᑲ ᐋᓂᐢᑫᐢᑲᒫᐠ. 5#ᕒᐅᒪᓇ 4:18; ᐦᐃᐸᕒᐅᐊᐧ 11:12ᑭ ᐯ ᐊᐧᔭᐃᐧᑕᐦᐁᐤ ᒫᑲ ᐅᒥᓯ ᐁ ᑭ ᐃᑖᐟ, ᑭᓯᑯᕽ ᐁᑲᐧ ᐃᑖᐱ, ᐃᐧᔨᐠ ᒫᑲ ᐊᒐᐦᑯᓴᐠ, ᑭᐢᐱᐣ ᑫ ᑲᐢᑭᑖᐊᐧᓀ ᑭᑕ ᐊᑭᒪᒋᐠ; ᐅᒥᓯ ᒫᑲ ᑭ ᐃᑌᐤ, ᐁᑯᓯ ᑫ ᐃᑌᔭᑎᒋᐠ ᑭᐟ ᐊᐋᐧᓯᒥᓴᐠ. 6#ᕒᐅᒪᓇ 4:3; ᑲᓬᐁᓯᔭᓇ 3:6; ᒉᒥᐢ 2:23ᑭ ᑖᐯᐧᑕᐁᐧᐤ ᒫᑲ ᑳ ᑎᐯᔨᐦᒋᑫᔨᐟ, ᐁᑯᓯ ᒫᑲ ᑲᐧᔭᐢᑭᑖᑎᓯᐃᐧᐣ ᑭ ᐃᑕᑭᑕᒫᐠ. 7ᐅᒥᓯ ᒫᑲ ᐃᑎᐠ, ᓂᔭ ᑳ ᑎᐯᔨᐦᒋᑫᐟ ᑳ ᑭ ᐯ ᐅᐦᑐᑕᐃᐢᐠ ᐊᓂᑕ ᐊᕒ ᑳᓬᑎᓈᕽ, ᑭᑕ ᒥᔨᑖᐣ ᐅᒪ ᐊᐢᑭ ᑭᑕ ᑎᐯᔨᐦᑕᒪᐣ. 8ᑭ ᐃᑌᐧᐤ ᒫᑲ, ᑳ ᑎᐯᔨᐦᒋᑫᔭᐣ ᑭᓭᒪᓂᑐ ᑖᓂᑌ ᑫ ᐅᐦᒋ ᑭᐢᑫᔨᑕᒫᐣ ᑭᑕ ᑎᐯᔨᐦᑕᒫᐣ? 9ᐅᒥᓯ ᒫᑲ ᑭ ᐃᑎᐠ, ᐅᑎᐣ ᓂᔭ ᐅᐦᒋ ᓄᓭ ᒧᐢᑐᐢ ᐁ ᓂᐢᑐ ᐱᐳᓀᐧᐟ, ᒥᓇ ᓄᓭ ᐋᐧᐸᑎᕽ ᐁ ᓂᐢᑐ ᐱᐳᓀᐧᐟ, ᒥᓇ ᔮᐯᒫᔭᑎᕽ ᐁ ᓂᐢᑐ ᐱᐳᓀᐧᐟ, ᒥᓇ ᐅᒥᒥᐤ ᒥᓇ ᐅᒥᒥᓯᐢ. 10ᑭ ᐅᑎᓀᐤ ᒫᑲ ᑲᐦᑭᔭᐤ ᐅᐦᐃ, ᒥᓇ ᐁ ᑭ ᑖᑖᐢᑭᓵᐧᐟ ᒥᓇ ᐁ ᑭ ᐋᔮᓯᑌᓯᒫᐟ; ᒫᑲ ᐃᐧᔭ ᐱᔦᓯᓴ ᓇᒪᐃᐧᔭ ᑭ ᑖᐢᑭᓭᐧᐤ. 11ᐃᐢᐱ ᒫᑲ ᐱᔦᓯᓴᐠ ᐯᔦᑌᐧᐅᒋᐠ ᐃᐧᔮᓯᕽ ᐁᑊᕒᐋᒼ ᑭ ᐅᓴᐁᐧᐤ.
12 #
ᒍᑊ 4:13,14 ᐃᐢᐱ ᒫᑲ ᑳ ᐊᑎ ᐸᐦᑭᓯᒧᐠ, ᐳᓵᑳᐧᒥᐃᐧᐣ ᑭ ᐸᑲᒥᐢᑳᐠ ᐁᑊᕒᐋᒼ ᒥᓇ ᐁ ᑲᑳᐧᐃᔭᑫᔨᑖᑲᐧᕽ ᑲᐢᑭᑎᐱᐢᑳᐤ ᑭ ᐸᑲᒥᐢᑳᐠ. 13#ᐁᐠᓴᑕᐢ 1:1-14; ᐃᓯᐦᒋᑫᐃᐧᓂᐋᐧᐊᐧ 7:6ᐅᒥᓯ ᒫᑲ ᑭ ᐃᑎᐠ ᐁᑊᕒᐋᒼ, ᑫᐦᒋᓈᐅ ᑭᐟ ᐊᐋᐧᓯᒥᓴᐠ ᑭᑕ ᒫᓂᑌᐃᐧᒋᐠ ᐊᐢᑭᕽ ᐁᑳ ᐁ ᑎᐱᔭᐁᐧᐃᐧᓯᒋᐠ, ᒥᓇ ᑭᑕ ᐊᑐᐢᑲᐋᐧᒋᐠ ᐁᑯᑕ ᑳ ᐅᐟ ᐊᐢᑭᔨᐟ, ᐁᑯᓯ ᒫᑲ ᑭᑕ ᑯᑕᑭᐦᐃᑲᐧᐠ ᓀᐋᐧᐤ ᒥᑖᐦᑐᒥᑕᓇᐤ ᑕᐦᑐ ᐱᐳᓇᐧ. 14#ᐁᐠᓴᑕᐢ 12:40,41; ᐃᓯᐦᒋᑫᐃᐧᓂᐋᐧᐊᐧ 7:7ᒥᓇ ᒫᑲ ᐊᔨᓯᔨᓂᐊᐧ ᑫ ᐊᑐᐢᑲᐋᐧᒋᐠ ᓂ ᑲ ᐅᔭᓱᐋᐧᑎᒫᐊᐧ ᐁᑲᐧ ᒫᑲ ᑫ ᐯ ᐊᐧᔭᐃᐧᒋᐠ ᒥᐢᑕᐦᐃ ᑫᑲᐧᐩ ᐁ ᑭᑭᐃᐧᓯᒋᐠ. 15ᑭ ᑲ ᓈᑖᐊᐧᐠ ᒫᑲ ᑭᔭ ᑯᑖᐃᐧᐸᓇᐠ ᐯᔭᑕᑭ ᐊᔮᐃᐧᓂᕽ; ᑭ ᑲ ᓇᐦᐃᓂᑲᐃᐧᐣ ᒪᒥᔦᐧ ᐁ ᑭᓭᔨᓂᐃᐧᔭᐣ. 16ᒫᑲ ᐃᐢᐱ ᓀᐋᐧᐤ ᐊᑎ ᐋᓂᐢᑫ ᐱᒫᑎᓯᑖᐧᐁᐧ ᒥᓇ ᐅᑕ ᑭᑕ ᐯ ᐃᑐᐦᑌᐊᐧᐠ; ᒋᑫᒫ ᐅ ᒪᒑᔨᐃᐧᓂᐋᐧᐤ ᐋᒪᕒᐊᐃᑕᐠ ᓇᒣᐢᑲᐧ ᓵᑲᐢᑭᓀᐤ. 17ᑭ ᐃᐦᑭᐣ ᒫᑲ ᐃᐢᐱ ᑳ ᐸᐦᑭᓯᒧᐠ, ᒥᓇ ᓵᓵᐩ ᐁ ᐊᐧᓂᑎᐱᐢᑳᐠ, ᐳᑎ, ᐁ ᓴᒪᑖᐸᑌᐠ ᒥᓇ ᐁ ᑳᐧᑯᑌᐠ ᐋᐧᐢᑌᓇᒫᑲᐣ ᐁ ᐱᒥᐸᔨᐠ ᑕᐢᑕᐃᐧᐨ ᑖᐢᑭᓵᐋᐧᒋᑲᓇ. 18#ᐃᓯᐦᒋᑫᐃᐧᓂᐋᐧᐊᐧ 7:5ᐁᑯᐢᐱ ᒫᑲ ᐁ ᑭᓯᑳᐠ ᑳ ᑎᐯᔨᐦᒋᑫᐟ ᑭ ᐃᐧᒋᐦᐃᓯᒋᑫᒣᐤ ᐁᑊᕒᐋᒪ ᐅᒥᓯ ᐁ ᐃᑖᐟ, ᑭᐟ ᐊᐋᐧᓯᒥᓴᐠ ᓂ ᒥᔮᐊᐧᐠ ᐅᒪ ᐊᐢᑭ, ᐃᒋᑊᐟ ᓯᐱᕽ ᐅᐦᒋ ᑭᐦᒋ ᓯᐱᕽ ᐃᐢᑯ, ᔪᐸᕒᐁᑎᐢ ᓯᐱ. 19ᐊᓂᐦᐃ ᑫᓀᐃᑕ, ᒥᓇ ᑭᓂᓴᐃᑕ, ᒥᓇ ᑳᐟᒪᓇᐃᑕ, 20ᒥᓇ ᐦᐃᑕᐃᑕ, ᒥᓇ ᐯᕒᐃᓴᐃᑕ, ᒥᓇ ᕒᐃᐯᐃᒼ, 21ᒥᓇ ᐋᒪᕒᐊᐃᑕ, ᒥᓇ ᑫᓇᓇᐃᑕ, ᒥᓇ ᑲᕒᑲᓴᐃᑕ, ᒥᓇ ᒉᑊᔪᓴᐃᑕ.
Trenutno odabrano:
ᒉᓂᓯᐢ 15: KKMs
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
This Bible text is a corrected edition of the 1908 Western Cree Bible; it is in the public domain.