ᒉᓂᓯᐢ 14
14
1ᐁᑯᓯ ᑭ ᐃᐦᑭᐣ ᐅ ᑭᓯᑳᒥᕽ ᐋᒼᕒᐊᐦᐱᓬ ᑭᐦᒋ ᐅᑭᒫᐤ, ᓵᐃᓇᕒ ᑳ ᐅᐦᒋᐟ, ᐁᕒᐃᔮᐠ ᑭᐦᒋ ᐅᑭᒫᐤ ᐃᓬᐊᓵᕒ ᑳ ᐅᐦᒋᐟ, ᑭᑐᕒᓬᐁᐅᒪᕒ ᑭᐦᒋ ᐅᑭᒫᐤ, ᐃᓬᐋᒼ ᑳ ᐅᐦᒋᐟ, ᒥᓇ ᑕᐃᑕᓬ ᐅ ᑭᐦᒋ ᐅᑭᒫᒥᐋᐧᐊᐧ ᐊᓂᑭ ᐱᑐᐢ ᐊᔨᓯᔨᓂᐊᐧᐠ; 2ᐁᐊᐧᑯᓂᐠ ᐅᑭ ᑳ ᑭ ᓇᑐᐸᔨᐢᑕᐊᐧᒋᐠ ᐱᕒᐊ ᑭᐦᒋ ᐅᑭᒫᐤ ᓵᑕᒼ ᑳ ᐅᐦᒋᐟ, ᒥᓇ ᐸᕒᓴ ᑭᐦᒋ ᐅᑭᒫᐤ ᑲᒫᕒᐊ ᑳ ᐅᐦᒋᐟ, ᒥᓇ ᓴᐃᓇᑊ ᑭᐦᒋ ᐅᑭᒫᐤ ᐋᐟᒪ ᑳ ᐅᐦᒋᐟ, ᒥᓇ ᓯᒥᐸᕒ ᑭᐦᒋ ᐅᑭᒫᐤ ᓯᐹᔨᒼ ᑳ ᐅᐦᒋᐟ, ᒥᓇ ᑭᐦᒋ ᐅᑭᒫᐤ ᐱᓬᐊ ᑳ ᐅᐦᒋᐟ, ᐁᐊᐧᑳᐧᓂᒪ ᓱᐋᕒ. 3ᑲᐦᑭᔭᐤ ᐅᑭ ᑭ ᒫᐊᐧᓴᑯᐸᔨᐊᐧᐠ ᐊᓂᑕ ᓯᐟᑎᒼ ᐋᐧᔭᑎᓈᕽ, ᐁᐊᐧᑯ ᐊᓂᒪ ᓯᐃᐧᐦᑖᑲᓂ ᓵᑲᐦᐃᑲᐣ. 4ᒥᑖᑕᐦᐟ ᓂᓱᓵᑊ ᑕᐦᑐ ᐱᐳᓇᐧ ᑭ ᐊᑐᐢᑲᐁᐧᐊᐧᐠ ᑭᑐᕒᓬᐁᐅᒪᕒᐊ, ᐁ ᐊᑎ ᓂᐢᑐᓵᑊ ᑕᐦᑐ ᐱᐳᓂᔨᐠ ᑭ ᐁᐧᐱᓀᐊᐧᐠ. 5ᐁ ᐊᑎ ᓀᐅᓵᑊ ᑕᐦᑐ ᐱᐳᓂᔨᐠ ᒫᑲ ᑭ ᐯ ᑕᑯᓯᐣ ᑭᑐᕒᓬᐁᐅᒪᕒ, ᒥᓇ ᑭᐦᒋ ᐅᑭᒫᐊᐧ ᑳ ᐃᐧᒉᑯᐟ, ᐁ ᑭ ᓄᑎᓈᒋᐠ ᒫᑲ ᐊᓂᐦᐃ ᕒᐃᐯᐃᒪ ᐊᓂᑕ ᐋᐢᑎᕒᐅᐦᐟ ᑳᕒᓀᐃᒥᕽ, ᒥᓇ ᓱᓯᒪ ᐊᓂᑕ ᐦᐋᒥᕽ, ᒥᓇ ᐃᒥᒪ ᐊᓂᑕ ᓭᐹ ᑭᕒᐃᔭᑌᐃᒥᕽ. 6ᒥᓇ ᐦᐋᕒᐊᐃᑕ ᐊᓂᑕ ᐅ ᐊᐧᒋᒥᔨᕽ ᓯᔭᕒ, ᐱᔨᐢ ᐊᓂᑕ ᐁᓬᐯᕒᐊᐣ, ᑭᓯᐋᐧᐠ ᑳ ᐱᑲᐧᑕᐢᑲᒥᑳᐠ. 7ᐁᑯᓯ ᑭ ᐯ ᑭᐁᐧᐊᐧᐠ, ᐁ ᑭ ᐯ ᐅᑎᑕᐦᑭᐠ ᐁᑐᒥᐢᐹᐟ, ᐁᐊᐧᑯ ᑫᑎᐢ, ᐁ ᑭ ᐯ ᓄᑎᓈᒋᐠ ᑲᐦᑭᔭᐤ ᐋᒪᓬᐃᑲᐃᑕ, ᐊᓯᒋ ᒫᑲ ᐋᒪᕒᐊᐃᑕ, ᐊᓂᑕ ᐦᐁᓯᓵᐣᑌᒪᕒ ᑳ ᐅᐟ ᐊᐢᑭᔨᐟ. 8ᐁᑯᑕ ᒫᑲ ᑭ ᐅᐦᒋ ᐊᐧᔭᐃᐧᐊᐧᐠ ᑭᐦᒋ ᐅᑭᒫᐤ ᓵᑕᒼ ᑳ ᐅᐦᒋᐟ, ᒥᓇ ᑭᐦᒋ ᐅᑭᒫᐤ ᑲᒫᕒᐊ ᑳ ᐅᐦᒋᐟ, ᒥᓇ ᑭᐦᒋ ᐅᑭᒫᐤ ᐋᐟᒪ ᑳ ᐅᐦᒋᐟ, ᒥᓇ ᑭᐦᒋ ᐅᑭᒫᐤ ᓯᐹᔨᒼ ᑳ ᐅᐦᒋᐟ, ᒥᓇ ᑭᐦᒋ ᐅᑭᒪᐤ ᐱᓬᐊ ᑳ ᐅᐦᒋᐟ (ᐁᐊᐧᑯ ᓱᐋᕒ); ᐁ ᑭ ᒫᐊᐧᓴᑯ ᐃᐧᒋᓄᑎᓂᑐᒫᒋᐠ ᐊᓂᑕ ᐋᐧᔭᑎᓈᕽ ᓯᐟᑎᒼ: 9ᑭᑐᕒᓬᐁᐅᒪᕒ ᑭᐦᒋ ᐅᑭᒫᐤ ᐃᓬᐋᒼ ᑳ ᐅᐦᒋᐟ, ᐊᓯᒋ ᑕᐃᑕᓬ ᐅ ᑭᐦᒋ ᐅᑭᒫᒥᐋᐧᐊᐧ ᐊᓂᑭ ᐊᔨᓯᔨᓂᐊᐧᐠ, ᒥᓇ ᐋᒼᕒᐊᐦᐱᓬ ᑭᐦᒋ ᐅᑭᒫᐤ ᓵᐃᓇᕒ ᑳ ᐅᐦᒋᐟ, ᒥᓇ ᐁᕒᐃᔮᐠ ᑭᐦᒋ ᐅᑭᒫᐤ ᐃᓬᐊᓵᕒ ᑳ ᐅᐦᒋᐟ; ᓀᐤ ᑭᐦᒋ ᐅᑭᒫᐊᐧᐠ ᐁ ᓄᑎᓈᒋᐠ ᓂᔭᓇᐣ. 10ᐊᓂᒪ ᒫᑲ ᐊᐧᔭᑎᓇᐤ ᓯᐟᑎᒼ ᑭ ᓵᑲᐢᑭᓀᐊᐧ ᐊᐢᑭᐃᐧᐱᑭᐃᐧ ᐋᐧᑕ; ᐁᑯᓯ ᐊᓂᑭ ᑭᐦᒋ ᐅᑭᒫᐊᐧᐠ ᓵᑕᒼ, ᒥᓇ ᑲᒫᕒᐊ ᑳ ᐅᐦᒋᒋᐠ ᑭ ᓯᐯᐧᔮᒧᐊᐧᐠ; ᐁᑯᑕ ᒫᑲ ᑭ ᑲᐧᔭᓯᑌᐸᔨᐊᐧᐠ; ᐊᓂᑭ ᒫᑲ ᐃᐧᔭ ᐁᑳ ᑳ ᑭ ᑲᐧᔭᓯᑌᐸᔨᒋᐠ ᐊᐧᒋᕽ ᑭ ᐃᑖᒧᐊᐧᐠ. 11ᐁᑯᓯ ᒫᑲ ᑭ ᐅᑎᓇᒪᐧᐠ ᑲᐦᑭᔭᐤ ᑫᑲᐧᐩ ᓵᑕᒥᕽ ᒥᓇ ᑲᒫᕒᐊᐃᕽ ᑳ ᐊᔮᔨᑭ, ᒥᓇ ᐅᒥᒋᒥᒥᔨᐤ, ᐁᑯᓯ ᐁ ᑭ ᐊᑎ ᓯᐯᐧᑌᒋᐠ. 12ᒥᓇ ᓬᐋᑕ ᑭ ᐅᑎᓀᐊᐧᐠ, ᐁᑊᕒᐋᒼ ᐅᒋᐋᐧᒪ ᐅᑯᓯᓯᔨᐊᐧ, ᑳ ᑭ ᐃᐧᑭᐟ ᓵᑕᒥᕽ, ᒥᓇ ᐅᑕᔮᐃᐧᓂᔨᐊᐧ, ᐁᑯᓯ ᐁ ᑭ ᐊᑎ ᓯᐯᐧᑌᒋᐠ.
13ᑭ ᐯ ᑕᑯᓯᐣ ᒫᑲ ᐯᔭᐠ ᑳ ᑭ ᑕᐸᓯᐟ, ᐁ ᐃᐧᐦᑕᒪᐋᐧᐟ ᐁᑊᕒᐋᒪ ᐊᓂᐦᐃ ᐦᐃᐸᕒᐅᐊᐧ; ᒋᑫᒫ ᐃᐧᔭ ᐁ ᑭ ᐃᐧᑭᐟ ᐅ ᒪᐢᑲᐋᐧᑎᑯᒥᔨᕽ ᒫᒼᕒᐃ ᐋᒪᕒᐊᐃᐟ, ᐅᒋᐋᐧᒥᔨᐊᐧ ᐁᐢᑲᓬ, ᒥᓇ ᐅᒋᐋᐧᒪ ᐁᓂᕒ: ᐁᐊᐧᑯᓂ ᐅᐦᐃ ᑳ ᐅ ᐃᐧᒉᐊᐧᑲᓂᐟ ᐁᑊᕒᐋᒼ. 14ᐃᐢᐱ ᒫᑲ ᐁᑊᕒᐋᒼ ᑳ ᐯᐦᑕᕽ ᐅᒋᐋᐧᒪ ᐁ ᑭ ᐅᑎᓂᒥᐦᐟ, ᑭ ᓯᐯᐧᑕᐁᐤ ᐁ ᓇᑲᒋᐦᑖᔨᐟ ᐅᐟ ᐊᑐᐢᑫᔮᑲᓇ, ᑳ ᑭ ᓂᐦᑖᐃᐧᑭᔨᐟ ᑎᐱᔭᐤ ᐃᐧᑭᕽ, ᓂᐢᑖᐧᐤ ᒥᑖᐦᑐᒥᑕᓇᐤ ᒥᓇ ᒥᑖᑕᐦᐟ ᐊᔨᓈᓀᐅᓵᑊ, ᐁ ᑭ ᐊᑎ ᓇᐊᐧᓵᐧᑖᐟ ᐱᔨᐢ ᐊᓂᑕ ᑖᐣ. 15ᐁᑯᓯ ᑭ ᓂᓴᐧᔭᑭᐅᐊᐧᐠ ᐃᐧᔭ ᒥᓇ ᐅᐟ ᐊᑐᐢᑫᔮᑲᓇ, ᐁ ᒣᑳᐧ ᑎᐱᐢᑳᔨᐠ, ᐁᑯᓯ ᐁ ᑭ ᓄᑎᓈᐟ, ᒥᓇ ᐁ ᑭ ᓇᐊᐧᓵᐧᑖᐟ ᐱᔨᐢ ᐦᐅᐸᐃᕽ, ᓇᒪᑎᓂᕽ ᐃᑌᐦᑫ ᑳ ᐊᔮᐠ ᑕᒫᐢᑲᓯᕽ. 16ᐁᑯᓯ ᑲᐦᑭᔭᐤ ᑫᑲᐧᐩ ᑭ ᐯ ᑭᐁᐧᑕᑖᐤ, ᐊᓯᒋ ᑭ ᐯᓯᐁᐧᐤ ᑳᐃᐧ ᐅᒋᐋᐧᒪ ᓬᐋᑕ, ᒥᓇ ᐅᑕᔮᐃᐧᓂᔨᐊᐧ, ᐊᓯᒋ ᒥᓇ ᐃᐢᑫᐧᐊᐧ, ᒥᓇ ᐊᔨᓯᔨᓂᐊᐧ.
17ᐁᑯᓯ ᓵᑕᒥᕽ ᑰᐦᒋᐟ ᑭᐦᒋ ᐅᑭᒫᐤ ᑭ ᓇᑖᐃᐧ ᓇᑭᐢᑳᐠ, ᐁ ᐯ ᑭᐁᐧᐟ ᐁ ᑭ ᓂᐸᐦᐋᐟ ᑭᑐᕒᓬᐁᐅᒪᕒᐊ, ᒥᓇ ᑭᐦᒋ ᐅᑭᒫᐊᐧ ᑳ ᐃᐧᒉᐃᐧᑯᔨᐟ, ᐊᓂᑕ ᓵᐯ ᐋᐧᔭᑎᓈᕽ ᐁᐊᐧᑯ ᑭᐦᒋ ᐅᑭᒫᐤ ᐅ ᐋᐧᔭᑎᓈᒼ. 18#ᐦᐃᐸᕒᐅᐊᐧ 7:1-10ᒥᓇ ᒣᓬᑭᓯᑌᐠ ᓭᓬᐃᒼ ᑭᐦᒋ ᐅᑭᒫᐤ ᑭ ᐯ ᐊᐧᔭᐃᐧᑕᑖᐤ ᐸᐦᑫᐧᓯᑲᓇ, ᒥᓇ ᓱᒥᓈᐳ: ᐃᐧᔭ ᒫᑲ ᑭ ᐅᐟ ᐊᔭᒥᐦᐁᐃᐧᔨᓂᒥᐤ ᒫᒪᐁᐧᔦᐢ ᑳ ᑭᐦᒑᔨᐃᐧᐟ ᑭᓭᒪᓂᑐ. 19ᐁᑯᓯ ᑭ ᒥᔪᑭᐢᐋᐧᑌᐤ, ᐅᒥᓯ ᐁ ᑭ ᐃᑌᐧᐟ, ᐁᑊᕒᐋᒼ ᑭᑕ ᐃᐧ ᓴᐁᐧᔨᒥᐠ ᒫᒪᐁᐧᔦᐢ ᑳ ᑭᐦᒑᔨᐃᐧᔨᐟ ᑭᓭᒪᓂᑐᐊᐧ, ᑳ ᑎᐯᔨᐦᑕᕽ ᑭᐦᒋ ᑭᓯᐠ ᒥᓇ ᐊᐢᑭ; 20ᒥᓇ ᑲᑕ ᒥᔪᑭᐢᐋᐧᑖᐤ ᒫᒪᐁᐧᔦᐢ ᑳ ᑭᐦᒑᔨᐃᐧᐟ ᑭᓭᒪᓂᑐ, ᑭᒋᐦᒋᕽ ᑳ ᑭ ᐸᑭᑎᓇᒫᐢᐠ ᑭᓄᑎᓈᑲᓇ ᑭ ᒥᔦᐤ ᒫᑲ ᐯᔭᐠ ᐁ ᑭ ᒥᑖᑕᐦᑐᐦᑖᐟ ᑲᐦᑭᔭᐤ ᑫᑲᐧᐩ. 21ᐃᐧᔭ ᒫᑲ ᓵᑕᒼ ᑭᐦᒋ ᐅᑭᒫᐤ ᑭ ᐃᑌᐤ ᐁᑊᕒᐋᒪ, ᒥᔨᐣ ᑭᔮᒼ ᐊᓂᑭ ᐊᔨᓯᔨᓂᐊᐧᐠ, ᒫᑲ ᐃᐧᔭ ᐅᑎᓇᒫᓱ ᐊᔪᐃᐧᓇ. 22ᐁᑊᕒᐋᒼ ᒫᑲ ᑭ ᐃᑌᐤ ᓵᑕᒼ ᑭᐦᒋ ᐅᑭᒫᐊᐧ, ᓂ ᑭ ᐃᐢᐸᑫᓇᒪᐋᐧᐤ ᓂᒋᐦᒋᔨᐤ ᑳ ᑎᐯᔨᐦᒋᑫᐟ ᒪᒪᐁᐧᔭᐢ ᑳ ᑭᐦᒑᔨᐃᐧᐟ ᑭᓭᒪᓂᑐ ᑳ ᑎᐯᔨᐦᑕᕽ ᑭᐦᒋ ᑭᓯᐠ ᒥᓇ ᐊᐢᑭ. 23ᐁᑳ ᑭᑕ ᐅᑎᓇᒫᐣ ᐊᐦᐳᒋᑲ ᓭᐢᑕᑫᐧᔮᐱ ᐊᐦᐳ ᒋᐢᑕᓇᑲᐧᓀᔭᐱ, ᒥᓇ ᓇᒪᐃᐧᔭ ᑫᑲᐧᐩ ᑭᔭ ᑭᐟ ᐊᔮᐣ ᓂ ᐃᐧ ᐅᑎᓀᐣ, ᒫᐢᑯᐨ ᐊᐦᐳ ᑭ ᑲ ᐃᑖᐧᐣ, ᓂ ᑭ ᐁᐧᔪᑎᓯᐋᐧᐤ ᐁᑊᕒᐋᒼ: 24ᐱᑯ ᐊᓂᒪ ᐅᐢᑭᓂᑭᐊᐧᐠ ᑳ ᑭ ᒥᒋᒋᐠ, ᒥᓇ ᐁ ᐃᐢᐸᔨᐠ ᑭᑕ ᐊᔮᒋᐠ ᐊᓂᑭ ᐊᔨᓯᔨᓂᐊᐧᐠ ᑳ ᑭ ᐃᐧᒉᐃᐧᒋᐠ, ᐁᓂᕒ, ᐁᐢᑲᓬ, ᒥᓇ ᒫᒼᕒᐃ; ᑭᔮᒼ ᐃᐧᔭ ᑲᑕ ᐅᑎᓇᒪᐧᐠ ᐁ ᐃᐢᐸᔨᐠ ᑭᑕ ᐊᔮᒋᐠ.
Trenutno odabrano:
ᒉᓂᓯᐢ 14: KKMs
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
This Bible text is a corrected edition of the 1908 Western Cree Bible; it is in the public domain.