Genesis 20
20
Abraham nge Abimelek
1I chuw Abraham u Mamre nge yan ko lay ni yimuch u Kanaan nge yan ni par nga thilin yu Kadesh ngu Shur. Nap’an ni be par u Gerar, me bingiyal’ 2me yog ni Sarah nle’engin e walagen. Me ere yog Abimelek ni Pilung u Gerar ni ngan fek Sarah i yan ngak. 3Fa’an i reb e nep’ me yib i m’ug Got u malik’ay ngak Abimelek me ga’ar, “Ga ra yim’, ni bochan e re pin nir ni kam fek; yab mabgol.”
4Machane dawori yan Abimelek nga to’oben Sarah, me ere ga’ar, “SOMOL, i gag e bfel’ e rog! Ere ga ra li’eg nge girdi’ rog? 5Ya ku Abraham ma keyog ni re pin ney e walagen ma ku arrogon ni be yog e re pin ney ni yow walag. Tin kug rin’ e ba tamilang u wun’ug, ni dariy ban’en ni kug rin’ nib kireb.”
6Me fulweg Got ngak u malik’ay ni ga’ar, “Arrogon, gumnang ni mu rin’ nib gapas lanin’um ngay; arfan nda gu pagem ngam denen nib togopluw ngog ma aram mug tem u orel ko re pin nir. 7Ere chiney, e ngam fulweg e re pin nir ko pumo’on rok. Ya re pumo’on nir e ba profet ma bayi meybil nigem ndab mum’. Fa’anra dab mu fulweg, ma nggog ngom ni gur nge girdi’ rom e gimed ra yim’.”
8Fa’ani reb e rran nri kakadbul, me pining Abimelek gubin e tapigpig rok nge weliy salpen ngorad, me par fapicha’ ni karrusgad. 9Me pining Abimelek Abraham nge fith ngak ni ga’ar, “Be mang e kafin mu rin’ ngodow? Mang kireb e kug rin’ ngom ni kam girengiy e biney e riya’ nga dakennag nge nga daken gil’ilungug? Dariy be’ nrayag ni rin’ e n’en ni kam rin’ ngog. 10Mangfan ni kam yodor?”
11Me fulweg Abraham ngak ni ga’ar, “Kug rin’ ni bochane ug leamnag ndariy be’ nma liyor ngak Got u roy ma yira li’eg ngan fek le’engig. 12Riyul’ nre pin nir e walageg. Ya ta’reb e chitamangimow mab thil e chitiningimow, mug le’engiy. 13Na’pan ni l’oegeg Got u tafen e chitamag ni nggu wan nga boch e binaw u bang, mu gog ko bpin rog, ni lungug, ‘Rogon ni ngam dag fanam yul’yul’ ngog e ngu u mog ngak gubin e girdi’ ni walageg gur.’”
14Ma aram me pi’ Abimelek e saf nge garbaw nge sib ni pumo’on nge ppin ngak Abraham, miki sulweg Sarah ngak. 15Me ga’ar ngak Abraham, “Ba’aray e binaw ni tafnag. Are mu guy e gin ga ba’adag ni ngam par ngay.” 16Miki ga’ar ngak Sarah, “Nggu pi’ 1000 yang e silber ngak walagem ni mich riy ko urngin e girdi’ ni gimed be yan ni gur e bfel’ e rom; me nang gubin e girdi’ ni dariy ban’en nib kireb ni kamrin’.”
17Ma aram me meybil Abraham ngak Got, me golnag Got Abimelek, nge bpin rok nge pi sib rok ni ppin, nge yag ni kur fakyed boch e bitir bayay, 18ya ning SOMOL tafen e bitir u yin urngin e ppin nma par ko tabnaw rok Abimelek ni bochan Sarah ni bpin rok Abraham.
Trenutno odabrano:
Genesis 20: YAP
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2007 Bible Society of Micronesia. Released under the Creative Commons CC-BY-SA license 4.0.