Markus 6
6
ŠOVTO KAPITLO.
1Kater gejeslo nikli, ta vejes an lesker dadesker foro, ta leskre sikermangere našen pen leske pale. 2Ta vejes o kurko, sikerdes job ani kangeri, ta but, kai šunden leste, kerden bare jaka prala lesker sikerpen, ta phenden: Kater hilo kava lauter, ta keake bari hi i gosverepen kai vejes les. Ta leskre kova hin keake bares drucho leskre vastenge. 3Hi kava ger o kaštengero, o Mariater čavo, ta i phral o Jakobusester, Josester, Judas ta Simonester? Ta hin leskre pheja ger kai? Ta len has chojermen lester. 4Ta Jezus phendes ape lenge: I profeto hi ger šardo an lesker dadenger foro, ta an lesker kakopen, ta an lesker kher. 5Ta job našte kerdeslo kenk baro kova kote, foni ger but kai hin i bresla naseli, ta čideslo lesker vast ap lende, ta kerdaslo len saste. 6Ta job kerdes bare jaka prala lenger bipacepen. Ta gejeslo druchi gibia trujum ta sikerdeslo.
7Ta job khardes kola dešedui paš leste, ta bičerdes le dui ta dui vri, ta dejes len zorlepen prale kole čikele mulenge. 8Job phendes lenge nina, ta anden pen len či api dromeste her i kašt: kenk posita, kenk maro ta kenk love an lesker girtlo; 9mo ta hidžerden le kircha, ta cerdenle kenk dui ripen ape lende. 10Ta phendes ape lenge: Kai ta džan tume ani kher, kote ačene džin ta džan tume dureder. 11Kole kai rikerene tume ger pre, ta šunen pen ger, ta kolender džanene vri ta krodlervena o čik tumare pirender, lenge o boteste. 12Ta jon gejen vri, ta rakerden len, ta vele len vaverčandes. 13Ta jon tradene nina but bengen vri, ta makjen le buteder nasele i džetester drin, ta vele len saste.
14Ta o kralo Herodes šundes les, ta lesker lab has hajerdo; ta job phendes: Johanes o boldeskero štejes o mulender pre, ta keake kerdes lo keake bare kova. 15I vaveren phenden: Job h Elias; ta kome vaver phenden: Job hi i profeto her jekes i profetenge. 16Her ta šundas kava Herodes phendeslo: Johanes, kai kurdom lesker šero tele, kova štejes pre i mulender. 17Kava Herodes bičerdes, ta taperden o Johaneses, ta ta kliderdenle les, ta anden len les ano štilepen, vaška i Herodiasake, lesker phralesker Filipus leskr romni, vel ta andeslo la i romniake. 18Ta Johanes phendes api Herodeste: Kava hi ger mišto, ta lejel tu tiro phralesker romni. 19Herodias hidžerdes les pale, ta kamel ta marele les, ta joi našte ger. 20Herodes trašes o Johanes, vel ta džandeslo, te hilo i čačo ta i boldo rom. Ta job rakjes les, ta kerdas but, ta šundes les pale, te job kamel ta šunel les. 21Her te vejes i lačo dives, i pernopester dives o Herodeses, job dejes kole bare dženenge, ta bare kuremangerenge ta railengr gadženge i Galilester i chaben. 22Pala vejes o Herodias lakr čai drin, te kheldesla, ta feldes o Herodeste, ta nina kolen, kai bešjen drumi chamaskero. Ta phendes o kralo api čaiate: Mange mander ho kamehe, me dau tuke les! 23Job dejes lake sovel: Ho kame ha mander, me dau tuke les džin i paš miro kralesker themeste. 24Joi gejes vri ta phendes laker daiake: Mo ta kamaues me? Joi ta phendes: O boldesker Johanesester šero. 25Joi gejes sik drin paši kraleste, mangdes les ta phendes: Me kamaua, ta ane mange sik api čaro o boldesker Johanesester šeres. 26O krales has ger mišto, ta vaške i sovles, ta kolen kai hin paše chamaskero, kamel ta phendeslo gar: na! 27Job bičerdes i kuremaskeres kote, ta phendes, ta andeslo lesker šero api čaro. 28Kava kurdes leskro šero tele ano štilepen, ta andes lesker šero api čaro, ta dejes les i čaiate, ta i čai dejes les laker dake. 29Ta šundene leskre sikermangere, vejene len, ta lejen lesker mulo trupes, ta čiden les ani handako.
30Ta i sikermangere vejen ketene paše Jezuseste, ta phenden leste lauter ho kerden len ta sikerden len. 31Ta job phendes ape lenge: Džan tumenge kokeres ani kokero kunč, ta ačene tume i bisla; ta kolen kai vejene ta čejene his but, ta his len kenk ciro ta chanene. 32Ta jon gejene ani bero drin, ta gejen paši rik ani fulelo phub. 33Ta jon gejen nikli, ta but hajerden les ta našjenle drani hake foria api pirenca ketene ta vejenlen lenge glan. 34Her ta štejes Jezus vri dikheslo but čel, ta job džiskertelo les prala lende, vel ta his len her bakerenge, kai hi len kenk beršero, ta job sikerdes len but. 35Vel ta has pale duro vejen leskr sikermangere ta phenden: Kava kunč hi fuleles ta hi nina duro. 36Mek len, ta gejen pen le ani gabia ta ani montaia, ta kinena pen len chaben, ta našte chan penle. 37Job ta rakerdes, ta phendes apa lenge: Dejen tume lenge ta chal! Jon ta phenden apa leste: Mo ta džahas koi, ta kinahas i dui šel nikelenge maro, ta me dahas lenge ta chal? 38Ta job phendes apa lenge: Keci maro hi tumen? Džan tume koi ta dikhena pale! — Ta dikhen pen les, phendenle: Panč maro ta dui mačenge. 39Ta job phendes lenge, ta bašjen penle koterende tele api zenelo. 40Ta jon mekjen penle tela hufkerende, ta šelenge ta pančmerdešenge. 41Ta job andes kola panč marenge ta kola dui mačenge, dikhes api bolepen pre, parkerdeslo ta phages o mareste ta dejes les lesker sikermangerende ta dejenpen lenge les, ta nina kola dui mačenge koterdeslo hakene vri. 42Ta jon chandena lauter džin ta hislen čalo. 43Ta jon haderden dešedui korčnica perdo koter vri. 44Kola kai chandena has panč šal romen.
45Ta sik phendeslo apa lesker sikermangerenge, ta džalalen ani bero drin, ta gejenpen len pala Betsaida glan leste, ta mekjes job o čeles. 46Ta mekjeslo len, gejeslo api brego ta priservelo. 47Ta has pale duro, has o bero maškeral api baro paneste, ta job has kokeres api phub. 48Ta job dikhes, ta hilen baro butikaben i berenca vaške i bravaleste. Job vejes i štarti ratiakrsanteneleste paša lenge, job našjes api baro paneste, job kamjes gar ta džala pes pašalende. 49Her ta dikhen ta našes pes api baro paneste, bicha jon: kava hi i mulo, ta dejena baro godlo. 50Ta hakene dikhen les ta trašena. Job rakerdes sik lenca ta phendes apa lenge: Me homes! Ma trašena tume! 51Ta job gejes ani bero drin, ta o braval bašes peske, jon kerdena bare jaka an penge. 52Jon dikhene les gar drin paši mareste, vel ta hajerden les lenger dzi gar.
53Her ta bertenle prala verkel, vejenle ani Genezareteskero them, ta štejenlen vri. 54Her ta štejenle drani bero vri, haslo sik prinšerdo. 55Ta jon našen pen ani kola celo themester trujum. Ta hidžerden o naselende trujal kai šunden len ta hilo. 56Kai ta cerdeslo drin ani gabia, ani montaienge ta ani foria, čidenle o nasele api drom, ta mangdes len les, ta taperdenle foni leskr ripen; ta hakene vejenle saste, kai taperden les.
Trenutno odabrano:
Markus 6: SINT1912
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
First published by the British and Foreign Bible Society in 1912.
