Luke 18
18
Ko e Uitou mo e Fakamaau
1Pea fai ‘e Si̇̄sū ha talanoa fakatātā ki he‘ene kau akó, ko ʻene fakahinohino kinautolu ke nau lotu ma‘u pē ʻo ‘oua ‘e fiu he faʻa lotú,
2Pea naʻe pehē: ‟Na‘e ʻi ai ha fakamaau ʻi ha ki‘i kolo ‘e taha. Pea ko e fakamāau ko iā na‘e ‘ikai ke ne ʻapasia ki he ‘Otuá, pē te ne toka‘i ha taha. 3Pea na‘e ʻi ai foki ha uitou he kolo ko iā, na‘e faʻa ʻalu ‘o tangi ange ki he fakamāaú, ʻo pehē: ‛Ke ke fai muʻa ʻa e fakamaau totonú ʻi hoku vā mo hoku fili̇́!’ 4Pea na‘e fuoloa mo e ta‘etali ‘e he fakamāaú ʻa e kole ʻa e uitoú. Kae faifai̇́ pea naʻe pehē ʻi hono lotó, ‛Neongo ‘oku ‘ikai ha‘aku momo‘i ʻapasia ki he ‘Otuá, pē te u tokaʻi ha taha; 5Ka koeʻuhi̇̄ ko e toutou tuʻu mai ʻa e uitou ko eni̇́, te u fai maʻana ʻa e fakamaau totonú, naʻa ‘ikai tuku ʻene toutou fakahoha‘asi aú pea u pāhia ai.’”
6Pea folofola ʻa e ʻEiki̇́: ‟Mou fanongo ange ā ki he lau ʻa e fakamaau faikovi ko eni̇́. 7Pea ʻe ʻikai koā ke fai ‘e he ‘Otuá ʻa e fakamaau totonú ki heʻene kakai fili̇́, ʻa ia ‘oku nau lotu kiate ia he ʻaho mo e pō, neongo ʻene faituai kiate kinautolú? 8‘Oku ou tala moʻoni atu kiate kimoutolu, ʻe vave pē ʻene fai ʻa e fakamaau totonú kiate kinautolú. Ka ‘oka hoko mai ʻa e Foha ‘o e Tangatá ki māmani, te ne kei ma‘u ha kakai ‘oku tui pehē?”
Ko e Fālesi mo e Tangata Tānaki Tukuhau
9Pea naʻá ne fai mo e talanoa fakatātā ko eni̇́, ke fanongo ki ai ʻa e kakai naʻe falala heʻenau mā‘oni‘oni ʻanautolú pē, ka nau sio lalo ki he kakai kehé.
10‟Tokua na‘e ʻalu hake ha ongo tangata ki he Temipalé, ke fai ha‘ana lotu. Ko e toko taha ko ha Fālesi, pea ko e toko taha ko ha tangata tānaki tukuhau.
11Pea tu‘u mavahe atu ʻa e Fālesi̇́ ‘o fai ai ʻene lotú, ʻo ne pehē: ‛‘E ‘Otua, ‘oku ou fakamālō atu ʻi he ‘ikai te u hangē ko e kakai kehé, ʻo mānumanu, pē kākā, pē fe‘auaki, pea ‘ikai foki ke u hangē ko e motuʻa tānaki tukuhau ko eni̇́. 12‘Oku ou ‘aukai tuʻo ua ʻi he uike, pea u foaki ʻa e vahe hongofulu ‘o e koloa kotoa ‘oku ou ma‘u!’
13Ka ko e tangata tānaki tukuhaú, naʻá ne tuʻu pē mei he mama‘ó, ʻo ʻikai te ne faʻa lava ke hiki hake hono matá ʻo sio ki langi, pea mamahi moʻon hono lotó, ʻo ne pehē: ‘E ʻOtua, ke ke fakamolemoleʻi ange muʻa au, he ko e angahala.”
14‟‘Oku ou tala moʻoni atu kiate kimoutolu, na‘e foki ʻa e tangatá ko iā ki hono ‘api̇́, kuó ne maʻu ʻa e fakatonuhia mei̇́ he ʻOtua. He ko ia kotoa pē ‘okú naʻe hiki hake iá, ‘e fakamā‘ulaloʻi. Ka ko ia kotoa pē ‘okú naʻe fakatōkilaloʻi iá, ‘e fakalāngilangi‘i.”
Ko e Tāpuaki‘i ‘e Si̇̄sū ha Fānau Iiki
(Mātiu 19:13-15; Ma‘ake 10:13-16)
15Pea na‘e ʻi ai ha mātuʻa naʻa nau fetuku mai ʻenau fānaú kia Si̇̄sū, ke ne tāpuaki‘i. Pea ʻi he mamata ki ai ʻa e kau akó, naʻa nau tafulu‘i kinautolu. 16Ka naʻe ui mai ‘e Si̇̄sū ʻa e longa‘i fānaú kiate ia, ʻo ne pehē: ‟Tuku pē ke ōmai kiate au ʻa e longa‘i fānaú ʻo ʻoua ‘e ta‘ofi kinautolu, he ko e Pule‘anga ‘o e ‘Otuá, ʻoku maʻae faʻahinga ʻoku hangē ko e fānaú. 17‘Oku ou tala moʻoni atu kiate kimoutolu, kapau ʻe ‘ikai ke mou tali ʻa e Puleʻanga ʻo e ʻOtuá hangē ha fānau iikí, he‘ikai ‘aupito te mou lava ke hū ki ai!”
Ko e Tangata Koloa‘ia
(Mātiu 19:16-30; Ma‘ake 10:17-31)
18Pea na‘e ʻi ai ha tangata mei he houʻeiki̇́ naʻá ne fehu‘i ange kiate ia, ʻo pehē: ‟Tangata‘eiki lelei, Ko e hā te u fai ka u ma‘u ai ʻa e mo‘ui ta‘engatá?”
19Pea pehēange ‘e Si̇̄sū ki ai: ‟Ko e hā ‘okú ke ui ai au ko e lelei̇́? Ko e ‘Otuá pē taha ‘oku lelei̇́. 20‘Okú ke ʻiloʻi pē ʻa e ngaahi fekaú, ‛‘Oua naʻá ke fe‘auaki. ‘Oua naʻá ke fakapō. ‘Oua naʻá ke kaihaʻa. ‘Oua naʻá ke fakamo‘oni loi. Faka‘apa‘apa ki ho‘o tamai̇́ mo ho‘o fa‘eé.’”
21Pea pehēange ‘e he tangatá: ‟Talu ʻeku kei si‘i mo ʻeku tauhi ʻa e ngaahi fekau ko eni̇́.”
22Pea ʻi he fanongo ‘e Si̇̄sū ki ai̇́, naʻá ne pehēange kiate ia: ‟‘Oku toe pē ha meʻa ‘e taha ke ke fai! ʻAlu ‘o fakatau atu kotoa ʻa e koloa ‘okú ke ma‘ú, pea foaki hono paʻangá maʻae masivá, pea te ke ma‘u ha fuʻu koloa ʻi langi, peá ke ha‘u ‘o muimui kiate au.”
23Pea ʻi heʻene fanongo ki ai̇́, naʻá ne loto mamahi ‘aupito ai, he ko e tangata ia na‘e lahi ʻene koloá.
24Pea vakai atu ʻa Si̇̄sū ‘oku mata mamahi ‘aupito ʻa e tangatá, ʻo ne pehēange: ‟‘Oku faingataʻa ‘aupito ke hū ha taha koloa‘ia ki he Pule‘anga ‘o e ‘Otuá. 25He ko hono mo‘oni̇́, ‘oku faingofua ange ke hū ha kāmeli ʻi ha ava‘i hui tuitui, ʻi he hū ha taha koloa‘ia, ki he Pule‘anga ‘o e ‘Otuá.”
26Pea ko e ni‘ihi na‘e fanongo ki heʻene lau ko iā, naʻa nau pehēange: ‟Pea ko hai leva ai ‘e lava ke fakamoʻui?”
27Pea tali ‘e Si̇̄sū: ‟Ko e ngaahi meʻa ʻoku taʻemalava ʻi he vakai ʻa e tangatá, ‘oku malava pē ia ‘e he ‘Otuá.”
28Pea pehēange ai ‘e Pita kiate ia: ‟Ko eni, kuo mau li̇̄ ʻaki ʻemau meʻa kotoa, ka mau muimui kiate koe.”
29Pea pehēange ‘e Si̇̄sū: ‟‘Oku ou tala moʻoni atu kiate kimoutolu, ka ʻi ai ha taha te ne tukuange hono ‘api̇́, pē ko hono uaifi̇́, pē ko hono ngaahi tokouá, pē ko ʻene ongo mātuʻá, pē ko ʻene fānaú, koe‘uhi̇̄ ko e Pule‘anga ‘o e ‘Otuá; 30Te naʻe toe ma‘u pē ʻi he mo‘ui ko ʻeni̇́ ‘o liunga lahi. Pea ʻi he maama kahaʻú, te ne maʻu ʻa e mo‘ui ta‘engatá.”
Ko e Fakahā ‘e Si̇̄sū ʻEne ʻAmanaki Pekiá
(Mātiu 20:17-19; Ma‘ake 10:32-34)
31Pea taki atu ‘e Si̇̄sū ʻa e toko hongofulu mā uá, ‘o naʻe pehēange kiate kinautolu: ‟Ko ʻetau ō hake ʻeni ki Selusalema, pea ko e meʻa kotoa pē na‘e tohi ‘e he kau Palōfitá ‘o kau ki he Foha ‘o e Tangatá, kuo pau ke fakakakato. 32He ʻe tuku atu ia ki he kau Senitailé, pea te nau fakakata ʻaki ia, mo ngaohikovia, mo ʻanuhia! 33Peá te nau tāaʻi ia, pea mo tāmate‘i ia, ka ʻi he ʻaho hono tolu mei ai̇́ te ne toetu‘u mei he maté.”
34Ka na‘e ‘ikai ke mahino kiate kinautolu ʻa e lau ko ia ʻa Sīsuú, he kuo fufū hono ‘uhingá meiate kinautolu ʻo ʻikai mahino kiate kinautolu ʻa e meʻa naʻá ne folofolaʻaki̇́.
Ko e Fakamo‘ui ‘e Si̇̄sū ha Tangata Kolekole Na‘e Kui
(Mātiu 20:29-34; Ma‘ake 10:46-52)
35Pea ʻi he fakaofiofi atu ʻa e fononga ʻa Sīsuú, ki Sēlikoó, naʻe ʻi ai ha tangata kui naʻe ta‘utu mai he veʻehalá, ʻo fai ʻene kolekole. 36Pea ʻi he fanongo ʻa e tangatá ki he longolongoaʻa mai ʻa e fonongá, naʻá ne ʻeke holo pē ko e hā ʻa e meʻa ‘oku hokó. 37Pea nau talaange kiate ia: ‟Ko Si̇̄sū mei Nāsaleti̇́ ʻoku fou mai heni.” 38Pea kalanga atu leva ʻa e tangata kui̇́: ‟Si̇̄sū, ʻAlo ‘o Tēvita ē! ʻAloʻofa mai muʻa kiate au!” 39Ka naʻe fekau ʻekinautolu naʻe muʻomuʻa kia Si̇̄suú ke ne longo mo e longoaʻa. Kae toe taha hake ʻene kailá ʻaʻana: ‟ʻAlo ‘o Tēvita ē! ʻAloʻofa mai muʻa kiate au!”
40Pea tu‘u hifo ai ʻa Si̇̄sū ‘o naʻe fekau ke taki mai ʻa e tangata kui̇́ kiate ia. Pea ʻi heʻene fakaofiofi mai, naʻá ne ʻeke ange kiate ia, 41‟Ko e hā ‘okú ke loto ke u fai ma‘au?” Pea pehēange ‘e he tangata kui̇́: ‟ʻEiki, ‘oku ou fakaʻamu ke u ʻā.”
42Pea folofola ʻa Si̇̄sū kiate ia: ‟Ke ke ʻā! Kuo fakamo‘ui koe ʻe ho‘o tui̇́!” 43Pea naʻe ʻā ai pē ʻa e mata ‘o e tangatá, ʻo ne muimui kia Sīsuú, mo fakamālōʻia ʻa e ‘Otuá. Pea ʻi he mamata ʻa e kakai̇́ kotoa pē, ki he meʻa kuo hokó, naʻa nau fakafeta‘i ki he ‘Otuá.
Trenutno odabrano:
Luke 18: TCNT
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Tongan Contemporary New Testament © Bible Society of the South Pacific, 2011.
