Popularni biblijski stihovi od San Marcos 2

Podijeli

Ateth eꞌmanet Jesús, ñañapaꞌ ateth tomaꞌntatanet: —Ñeñth eꞌñe womech entetsapaꞌ ñetpaꞌ ama eꞌneñetoña apartañ. Añña ñeñth atsnaꞌtetspaꞌ ñetñapaꞌ xhokma eꞌnenet ñeñthchaꞌ aꞌkrraterrawet. Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop.

Jesúsñapaꞌ eñotapanet ñetpaꞌ atarr nanak yemteñet. Allempoña ñapaꞌ otapan echarrtaña: —Theꞌña neyochre, pha phoꞌchñarpaꞌ oꞌ aphretnaꞌwarethterra.

Jesúsña alla oterraneterr: —Añ yethro allempo yamesen ñeñthpaꞌ añekop anareth acheñeneshakpay ñeñthchaꞌ yesherbeneꞌ. Amaña añekpayeꞌ anaretheña yethñats ñeñthchaꞌ yesherben ya.

Ñetpaꞌ añ moenenetañ oꞌch beꞌthososet oꞌch eꞌñe noset Jesúsesho, tharraña shonteꞌ acheñeneshaꞌ ñeñthoꞌmarña ama eshkayeꞌ abeꞌthosetoña atsnañeth atthoch xhapachet eꞌñe Jesúsesho. Attheña aꞌtapatoset enoth pokollato, ñeñthña pokollpaꞌ patsopoꞌ. Ñetñapaꞌ rrorosetña ñeñth pokollatar enoth eꞌñe ñeñthekoptaroꞌtsen Jesús all patsoth. Allothña aꞌswatamphsosetña echarrtaña eꞌñe poecheknapeꞌna. Atthoña xhapachet eꞌñe rroxho alloꞌtsen Jesús.

Ñewa, napaꞌ oꞌch neñotatas na Ñeñthen Acheñetosets, napaꞌ ñeñthen aparethen llesens atthoch nach peretnerreꞌ ochñarets añ patsro. Ñeñthoꞌmarña Jesús allempopaꞌ ateth otan echarrtaña: —Theꞌña napaꞌ oꞌch notaph: Petantena, pechtaꞌnen pemoeꞌpaꞌ oꞌch pechopeꞌchnen, aweneph pepakllo.

Sapaꞌ xhatheꞌ soten ñeñth ateth oꞌ notwe echarrtaña poꞌchñar oꞌ aphretnaꞌwarethta, ñeñthpaꞌ ama thorrapawoyaye. Sapaꞌ añña atarr thorrapoꞌ senten atthoch naꞌkrrater, xhonchaꞌña oteꞌ: “Petantena, pechtaꞌnen pemoeꞌpaꞌ oꞌch pechopeꞌchnen.”

Eꞌñe otweꞌ atethpaꞌ echarrtañañapaꞌ xha tantetsa eꞌñe allorokma, oꞌ chetaꞌnenan poꞌmoeꞌpaꞌ xhaꞌnen alloth. Allowenña acheñeneshaꞌ eꞌñe entweñet; ñetñapaꞌ xha atarr kowanrrortapoeñet. Ñeñthoꞌmarña ñet allempopaꞌ atarr kowentatyeññañet Yompor. Ñetñapaꞌ ateth otyenet: —Yapaꞌ amaꞌt awathapaꞌ ama yentareña ateth ñeñth atarr kowen.