Popularni biblijski stihovi od HECHOS 2

Podijeli

Shina nijpimi Pedroca, cashna nirca: “Ninanda llaquirishpa Diospajman tigrarishpa, tucuicuna Jesucristopaj shutipi bautizarichi. Shina rurajpimi cangunapaj juchacunata anchuchishpa, Jucha illaj Espirituta cangunaman caramunga.

Apostolcuna yachachishcataca na saquishpami, aliguta catinajurca. Paicunaca, tandata chaupirishpa micungapapash, Diosta mañangapapash, tucuillami shujllashnalla tandanajuj carca.

Chaimandami paicunaca, Jucha illaj Diospaj Espíritu junda tucurca. Shina cashpami, Diospaj Espíritu rimachijpi, shuj shuj rimaicunata rimai callarinajurca.

Shina cajpimi, jahua pachamandaca, ninan shinlli huaira huacajshna, paicuna maipi tiyanajuj huasiman ñapash uyarimurca. Shinallata, nina rupajujshna paicunaman ricurishpami, tucuicunapaj uma jahuapi asha asha tiyarirca. Chaimandami paicunaca, Jucha illaj Diospaj Espíritu junda tucurca. Shina cashpami, Diospaj Espíritu rimachijpi, shuj shuj rimaicunata rimai callarinajurca.

Diospaj huasipipash, punllandi tandanajushpami, shujllashnalla catinajurca. Shinallata, huasicunapipash tandata chaupishpa, ninan juyaihuan micunata carashpami, cushijushpa causanajurca. Shinallata, Taita Diosta ninanda alicachishpa causanajujpimi, paicunatapash tucui gentecuna alicachinajurca. Shinamandami Jatun Diosca, tandanajuj crijcunataca punllandi ashtahuan mirachishpa catijurca.

‘Taita Diosca, cashnami nijun: Tucurimui punllacunapica, tucuicunamanmi Ñuca Espiritutaca talijshna cachamusha. Shina cachamujpimi, cangunapaj churicunapash, ushicunapash Ñucamandaca villanajunga. Shinallata, cangunapaj chairalla viñai huambracunapash, muscuipimi ricunajunga. Cangunapaj rucucunapash, muscuicunapimi ricunajunga.

Tucui crijcunami tandanajushpa, juyailla causanajurca. Shinallata, imata charishcapash tucuillapajmi carca. Paicunapaj alpata, imata charishcacunatapash jatushpami, piman imata cuna cajpipash, asha asha cunajurca.

Maijan cashpapash Jatun Diosta crishpa mañashpaca quishpiringami’ nijushcami.

Jatun Dios agllashca juyailla, jatun punlla nara chayamujpillatami, indipash yana yana tucunga, lunapash yahuarman tigranga.