Popularni biblijski stihovi od LUK 21

Podijeli

Nen rada goro ko nen tataro gesegi huri nein lei na huireana huri nein vano turu na gineu ingere ngaha rain vei, huri nen he soi tea, ko huri nein labe lo nagoku i Netui Tangaloi.”

“Nen leogoro gimiu! Nen mese siregi na lolo lolomiu mo horo gina domianai gaganie ko a inuinugi ko a gineu talo mwasoana ngaha ram vai gimiu nem lado uleule lure. Tare ve mwerehi, a Bongiku vin vomai siserigi, lune gimiu nehe rarai tea.

Nen labe siaga, ko nen he vagasalagi na mwasoamiu tea.

Huri ineu nain bete lawe gimiu a leo ko a mataisao, ngehi a nomiu tavului vuro rain he labe goro tea lai sige rain he qoragi lai gimiu tea.

A eulu ko lovavagi roin rovo, nge a noku leo rain he rovo lai tea.’ ”

“A gigilegi rain serelue lo aho ko lo vule ko lo visiu doluegi, ko lo ure a sinobu vataha vanue rain toga hahagavi, rain matagu gina diloi navo hi mo navonavora. A tangaloi rain mate gina matagute lune ingere ram rarai na gineu ve rain vomai lolo ure doluegi, huri a huireana lo mahava rain gilu. Ko lo tarogi ngehi rain lehieu i Netui Tangaloi nain vomai lo dodo mena huireana ko a varavara lawua.

A tangaloi doluegi rain sebugi gimiu huri na henaku.

A ruru lawua vin vomai ko vin maro ko a segeana vin mawahewahe lo vanue saosao. A gigilegi matagute lawua rain vomai dena mahava.

Nge lune gimiu nein rongo huri na vuro ko a qaloana, nen mese romasi hurie. Huri a gineu ingere ngaha vin he vagasile tea rain dadari tomue, nge a rovonagi vin he vomai tea vena siseri.” Siu mo laqagi tuturedu vena, “A sinobu vin qalo mena sinobu, ko a vanue mena vanue.

“A gigilegi rain serelue lo aho ko lo vule ko lo visiu doluegi, ko lo ure a sinobu vataha vanue rain toga hahagavi, rain matagu gina diloi navo hi mo navonavora. A tangaloi rain mate gina matagute lune ingere ram rarai na gineu ve rain vomai lolo ure doluegi, huri a huireana lo mahava rain gilu.

Siu mo laqagi tuturedu vena, “A sinobu vin qalo mena sinobu, ko a vanue mena vanue.

I Jisas mo veve vena, “Nen leogoro gimiu vaiteu ihine mo sine gimiu. A tangaloi u sao rain vomai lo henaku, rain veve vena, ‘!Ineu hi!’ ko ‘!A taro u vomai beno!’ Tau nge mese hurire.