Popularni biblijski stihovi od LUKAS 11

Podijeli

Mulong piya dot angaraat kou, nga' koilo kou i' do papatahak dit ongosonong dot id tangaanak dokoyu. Om a' nogi' tuu'ndo kopio koilo i Tapa' do hilo'd surga! Patahakon indo dau o Rusod dau dot id tulun di mokianu dau,” ka di Yesus.

Om iti no o kapamarasan ku dot id dokoyu do: Pokianu kou no, om oonuan kou i'; pogihum kou no, om okito indo dokoyu iri, pogkoritik kou nod totobon, om iwangan kou indo.

Tu' tulun nopo di mokianu om kaanu no; om i tulun di mogihum nga' kokito no; om i tulun di mogkoritik do totobon nga' iwangan indo.

Om boro-boros noddi i Yesus diyolo' do poingkaa, “Soira' nopo do sumambayang kou, om poingkaa o poboroson dokoyu, ‘Oi Apa': Iya' no o Kinorohingan, dit iso' noo; Iya' no o tukuon om pusohon. Iya' no o Raja' dahai. Pokionuon dahai do momorinta' ko do hiti'd pomogunan.

Ompunai no o dusa dahai, tu' iyahai nga' mangampun i' do kasalaan do pointikid-tikid di tulun di kasala' dot id dahai. Kada' pologoso' dot atagak o kotumbayaan dahai do tontok dot oontok iyahai'd pogumbalan,’ kanto dokoyu,” ka di Yesus.

Onuwai no iyahai do taakanon di kabagal dahai do pointikid do tadau.

Mato nopo om miagal do lampung do tinan. Om atarang nopo o mato dokoyu, om anganawau ngai' no o tinan dokoyu. Nga' ondung a' atarang o tokito do mato dokoyu, om odondom no o kotuongo' do pointongkop do tinan dokoyu.

Om boros ka kawagu di Yesus, “Aiso' i' o tulun do modtutud do lampung om polisokon nogindo ko' tinggouban do kakanan. Suwai ko' potimpakon indo dau i lampung diri dot id potitimpakan kasai' di lampung, om kokito indo di tanawau i tulun di sumuang do hiri.