Popularni biblijski stihovi od LUKAS 10

Podijeli

Ilaai no dokoyu, do noonuan ku no iyokoyu do kuasa' do gisom do milo kou do mongulok do tulanut om tompoluluhu om mangala' do koinsanai do kokorisan do pisangod om aiso' no o nunu nopo do milo do pokoruol dokoyu.

Nga' boros kad Tuhan do suminimbar dau, “Oi Marta, Marta! Ogumu' nopo ot osorou nu do katangkabaan om kagangahan nu, nga' iso' noo it agayo kopio o guna'. Om nopili' no di Maria it osonong kopio it a' no aahau do mantad id dau,” ka dau.

Om boros ka di tulun diri do suminimbar, “Poingkaa, ‘Kosianai nod Tuhan i Kinorohingan nu do mikuwo'd aayi-ayi' o ginawo nu, om aayi-ayi' o koposi-posion nu om koinsanai do kokorisan nu, om koinsanai do pomusorou nu, om kosianai nod tulun dit iyokoyu ngai' do miagal dot osianan ko do diya'd tinan,’ ka,” ka dau.

Om boro-boros no i Yesus diyolo' do poingkaa, “Agayo no iti tomoton, nga' okuuri' o tulun do mongomot. Iyo nopoddi om pokianu kou no di sanganu do tomoton diti, om monuhu' i' iyau'd tulun do mongoi pongomot di tomoton dau.

Om ponguhot noddi i Yesus dau do pinongolimpupus di sinusui dau'ddi. Boros ka dau, “Id pogialatan nopo di tolu o tulun diri om isai diyolo' o minomonsoi dit apatut do wonsoyon do tulun dit iyau ngai' dot id tulun di napanakahan diri dot osorou nu?” ka dau. Om boros ka di guru do Tourat diri do suminimbar, “I tulun di minonulung di tulun diri,” ka. Om boros kaddi kawagu di Yesus, “Pamanau no, om wonsoyon no o miagal diri,” ka.

Pamanau kou no! Suhuon ku iyokoyu'd mamanau do miagal do dumba' do kumaa dot id rolot do toni.