Genesis 9
9
1Bhodïrï Diuxi potïtïdai go Noé ïmadï maamaradï sai,
—Xibi abïr muida daidi sudada oidigi aipakoga— itïtïdai. Dai go ñokikïdï gobai Diuxi maa ïmo bhai ïrhiaragai abhana go Noé ïmadï maamaradï. 2Dai itïtïdai ïgai ïpï —Bïïxi go kiiyïrï buxtaki ïmadï go oidigana buxtaki dai kïkïixi gïn ïbhiadamu. Dai gïn maakai aanï gubukadagai xi iduña aapimï ïgaikïdï ïïgi ixdukatai ipïrhiada aapimï dai go ujurugi dai go batopa podukai ïpï— itïtïdai. 3—Dai ïïgi ix tuma ugia ïrhiada aapimï bhaabhiadï gïn maakai aanï oigaragai mïxi ugiagi ïmadï bïïxi go tïdoidagai ïpï. 4Dïï aagai mïx bïï aaxtada ïradï mïx ix makïdï muagi. Go ïradï ïgai ixtukïdï duduakakami ïgai di. Kaxkïdï maiti gï aagai ix ugia gobai— itïtïdai.
5—Dai aanï maakimu gïgïbidaragai abhana bïïxi ix makïdï ïr gamuakami— itïtïdai. —Ix ïr odamikagi ïgai ix ïr buxtaki maaxi ïpï dai mua ïmo odami gï aagadamu popoidagi ïïgi ibhïadï go ix makïdï gamua ïmo gïgïbidaradï bïïtarï— itïtïdai. 6—Mosïka odami ïgai dai gin ïpïamaaxi idui aanï tudu. Go gaa ix makïdï idui aanï maiti gin ïpïamaaxi idui aanï. Kaxkïdï arhiïxi ïr gïïpi soi maaxkami xi gamuagi ïmo odami. Dai Kaxkïdï ïpï ix gamuagi ïmo odami jaa odami gï agadamu xi aa noraidagi dai popoidagi iibhïadï go ix makïdï gamua— itïtïdai Diuxi.
7Dai bhodïrï itïtïdai ïgai ïpï sai,
—Gï agai mïx muidada aapimï dai sudada oidigi aipakoga— itïtïdai.
8Bhodïrï Diuxi aataga ïmadï Noé dai ïmadï maamaradï daidi potïtïdai,
9-11—Xibi aanï gin baasaka sai maiti gïn xia duadamu aanï ïpamu sudagikïdï. Tomarhi aapimï, tomarhi gïn maamara dai gïn piipixara, tomarhi go buxtaki dai kïkïixi dai ujurugi ix makïdï gïn ïmadï iimïitadai barko ïraana. Mos apia bïïxkïrï kïïgadu ka agai idi gin ñoki dai kaxi ïr buaboi ka agai. Ka mai ïpamu xia duadamu aanï oidigi podukai sudagikïdï— itïtïdai Diuxi. 12-13—Iikomai saagida kïïsamu aanï gin kijondarhiga dai ïgai ïr seyugadï dukami ka agai idi ñoki xi ïgaikïdï maatïka aapimï xi buaboi aagai aanï. Ka mai xia duadamu aanï ïpamu podukai oidigi ïmadï oidigi dama oidakami. Tomarhi aapimï tomarhi buxtaki tomarhi kïkïixi dai ujurugi. 14-15Dai xudu otosa aanï iikomai dai ka maaxikagi go kijondarhi aanï nïidamu dai tïgitomu idi ñoki ixtukïdï gin báí aanï gïn bïïtarï dai bïïtarï go buxtaki dai kïkïixi dai ujurugi aagaitai aanï ix ka mai xia duadamu aanï ïpamu sudagikïdï. 16Nïidamu aanï go kijondarhi xudu kaatïkagi iikomai saagida dai ïgaikïdï tïgitomu aanï idi ñoki. Dai toma xïxkadï kïïgaduka agai idi ñoki ix makïdï aagai aanï bïïtarï bïïxi oidigi dama ajiopadami. 17Kaxi aanï aagai sai go kijondarhikïdï gï maatïka agai xi ïr buaboi go ñoki ix makïdï aagai aanï bïïtarï bïïxi oidigi dama ajiopadami— itïtïdai Diuxi go Noé.
वर्तमान में चयनित:
Genesis 9: NTP
हाइलाइट
शेयर
कॉपी
Want to have your highlights saved across all your devices? Sign up or sign in
Copyright: Ethnos360 Sanford, Florida
