Jenesis 14
14
Nuarin tas alupas 14.
1 Era ati nedoa vai ilpu atimarid et faiv a ilpu atimarid et for. 12 Er arop irai Lot an nedoa. 14 Et imicoho yin a Ebram. 18 Et asan tas acis yi alwai Ebram a Melkisetek. 20 Et alupai yin nuarin tend u itai a Ebram. 22 Ehtaij leh nuarin u ehtaij ahtaij apa o un, ja et par apitae aien um imiadumoij pan imi natimarid u nup u Sotom niji itai asega et eled.
1AN nopan iyehki is wat atimarid an pece Sainar a Amrafel, um atimarid an pece Elasar a Eriok, um atimarid an pece Ham a Kitorleomar, um atimarid an pece Coem a Taital;
2eris ati nedoa ara sji igki vai Bira natimarid an pece Sotom, im Birsa natimarid an pece Comora, im Sainab natimarid an pece Atma, im Semeber natimarid an pece Siboem, im lep natimarid an pece Bila, tak idan Soar.
3Eris asjapicnaig ara sji igki asega an nuarin marara Sitim, injap acen nigki.
4Eris aheca u Kitorleomer ara irai mesese is twelv, ja is wat yetpam inmesese dirtiind eris atcijai yin ara.
5Is wat yetpam inmesese fortiind, is apan a Kitorleomer, im ilpu atimarid ahced yin, um atgei nup u Rifa an nuarin pece Asterod Karneem, im nup u Susai an nuarin pece Ham, im nup Imai an nuarin marara Kiriadeem,
6im nup u Hor an nedoon ura Sier, um yetpan El-peran, ubutpotet pan an namasacen.
7Eris adumoij ara, um yetpan Enmispat, tak idan Ketes, um auahus inpece asega u nup Amalek, im lep nup Emor eris amen ara Hasison-temar.
8Is apan a natimarid Sotom, im natimarid Comora, im natimarid Atma, im natimarid Siboem, im natimarid Bila, tak idan Soar; eris ati nedoa vai ra ara an nuarin marara Sitim; nikavaig,
9vai Kitorleomer natimarid Ilam, im lep Taital natimarid Coem, im Amrafel natimarid Sainar, im Eriok natimarid Elasar; eris for a ilpu atimarid an nahaijin tak edoa im faiv an nahaijin.
10Is ahinag nehpai hat aplan an nuarin marara Sitim; erus aha ahwat atimarid Sotom im Comora: eris emesmas natimi is ahinag eahki; eris lep ahapan an nedoon nahaiji ra.
11Eris lucsei inpadiaig asega u nup u Sotom im nup u Comora ara, im nitai caig asega ura, um atga ura.
12Eris leh Lot ara inhal u etwai Ebram, is amen Sotom aien, im niji itai o un, um atga ura.
13Ja is apan a natimi is ethi is ahapan aien, um asuptecnaig ehele Ebram nup u Hibru; is amen aien an nuarin marara u Mamri nup Emor, etwai Eskol, im etwai Ener: ehtijis apol irai Ebram ahtaij.
14Is wat atahaijeg a Ebram, nikavaig, eris leh etwan an nedoa, is atau aien irai ilpu dualep o un iji ehki eris esege imi ra, eris apos ra an nimnim o un, is dri huntret im eetiin, um ahau ra um yetpan Tan.
15Is atiakoai ilpu dualep o un aien an nepig, um atgei ra, um ahau ra um yetpan Hoba, ubutpotet pan Tamaskus an nete o un.
16Is lucsei naga asega aien, im lep Lot etwan, im naga o un, im lep ilpu takata, im natimi asega.
17Is wat atgei Kitorleomar aien, im ilpu atimarid ahced yin, is apan a natimarid Sotom par aubilid yin an niskanse Sevi; nuarin marara u natimarid nigki.
18Is imiapan nareto im nide vaine a Melkisetek natimarid an pece Selem: is atimi ahlap aien vai Atua esjilid acen.
19Is acis yi alwai yin aien, um ika, Etmu ahesmoij a Ebram vai Atua esjilid acen, et ohuun nohatag aien im nobohtan:
20naaurinig vai Atua esjilid acen, et mun ikni ehelum aien ilpu atimi tak atimi iram. Is alupai yin nuarin tend aien irai iji itai asega.
21Is ika a natimarid Sotom ehele Ebram, Namu alupai nyak natimi aiek, jam lucsei naga imtam.
22Is ika a Ebram ehele natimarid Sotom, Ek mun adaigjai nikmak ainyak ehele Ihova Atua esjilid acen, et ohuun nohatag im nobohtan aien,
23um ika, Inki eti leh tah nuarin ya ainyak, ka tah nitai atapnes su; inki eti leh tah nitai unyum ainyak, va an jim ika aiek, Et ikni itai a Ebram vai nyak:
24nitai iji igki ache eris hegaig a ilpu takuras, im lep nahaijin imi ehtaij raigki ehtijis ahced nyak ahtaij, nan. Ener, im Eskol, im Mamri ehtijmu lucsei nahaijin imi ehtaij ahtaij.
वर्तमान में चयनित:
Jenesis 14: VAO63
हाइलाइट
शेयर
कॉपी
Want to have your highlights saved across all your devices? Sign up or sign in
Vanuatu Bible (Intas Etipup) © United Bible Societies, 1863, 2019.
