TOWUNÖT 13

1Kïngetunö Apram koro Misri akïwö kutang okumpö löt. Kimi nko korkenyi nko tïkuchi löwïr nko Lot tïkwïl. 2Ki sïkön Apram nyoman, kitïng kechir nko ngaror nko tïch nko ropïyen nko koltin. 3Kulet tagh nko pantanyi kïngetunö okumpö tagh ntökwitï Petel, wölo kipörtochï emenyi, kwenu Petel nko Ai, 4atoni ato kinya kïtekyineghö ECHOTYON ato kïpelo amöros. Kïsagha Apram ECHOTYON atoni.

5Kitïng Lot tïkwïl nyo kirutö nko Apram okwotïno tïch nko cho pö kechir nko emen. 6Kïlenyona kïmïnïngit koronay ompö chane kwodeny tïkwïl ompöwölo kichang kyakikwa. 7Kwitï syala nyo kingwïna pipö Apram cho kile mösöw nko cho pö Lot. Kimöngöy osiswechoni pipö Kanan nko cho pö Peris.

8Kïlenyona kïlenchï Apram Lot, “Mömïchininye kïrumunö syala kwenuncha anta kwenuto mösöweku nko chichan, ompöwölo kïchicha pipö or akonga. 9Nyo mïchini kepesyenöcha. Kïla nyo le nyi wop anka tïkwïl nyo kemach. Ato ikïlanyi okumpö löt owan okumpö tagh.”

10 # Ist 7:5; Kal 3:16. Kïsyol Lot konyichi akïsïwa mpöghoghyo Yordan kïmïkul wölini kinyïghï pögh kïlïkwï, otini kitomönye kuwur ECHOTYON Sodoma nko Komora, kikarkegh nko para ECHOTYON, nyo kilata koro Misri ato kitöngöy Soar. 11Kïlenyona, kïkïlchï kegh Lot mpöghoghyo Yordan kïmïkul akunategha kegh kutang okumpö kongasis. Nka nyoni wölini kipesyö chane kwodeny kïlïkwï. 12Kïmang Apram koro Kanan, kïmang Lot kwenu kanastin cho kimi mpöghogh akïparta emenyi ato lekïto Sodoma, 13Ki ghach pich cho kimi Sodoma, kighchï ECHOTYON ngokï cho ghach.

Köwö Apram Epron

14Kikany kïpesyö Lot nko Apram, kïlenchï ECHOTYON Apram, “Topöne lasiny wop löwïr ompö atoni imitenyi. 15#Ist 7:5. Okoninyi nko moneku koronete kïlïkwï nyengu kokay. 16Oghan moneku kïchongitu le terïtyonto ngwïny, kïle wölini memukönye chi ntökuyit terïtyonto ngwïny, kïmemukönye chi tïkwïl ntökuyit moneku! 17Wïyö westeghenö ngwïny kïmïkul, wölini le köghïntö nko töpesïntö, ompöwölo okoninyi.” 18Kïlenyona, kunget Apram emenichi akïwö kutang ato kimi keti Mamre cho tïlilöch ompö Epron akïtekyï ECHOTYON ato kïpelo amöros.

Kösörï Apram Lot

वर्तमान में चयनित:

TOWUNÖT 13: PIPÏLIA

हाइलाइट

कॉपी