OBUCHACHILO 5
5
Abolwibulo lwa Adamu
(1 Akak. 1:1-4)
1 #
Obucha. 1:27,28 Kano niko ameera kabolwibulo lwa Adamu shinga olwa kahandikwa. Olwa Nyasaye yalonga omundu, yamulonga khwikondolie omwene. 2#Mat. 19:4; Mrk. 10:6Yabalonga, omusaatsa nende omukhasi, ne olwa yabalonga, yabahelesia ikhabi ne nabakulikha mbu, Omundu. 3Olwa Adamu yali namenyile emiyika eshikhumi shilala namakhomi kataru (130), yebula omwana omusiani owali shinga ye omwene, ne namukulikha eliira mbu, Setsi. 4Olunyuma lwokhwibula Setsi, Adamu yamenya emiyika chindi ebikhumi munane, ne naba nabaana bandi abasiani nende abakhaana. 5Khulweshio, Adamu yamenya emiyika ebikhumi shienda namakhumi kataru (930), ne nafwa.
6Setsi yebula Enoshi nali nemiyika eshikhumi shilala nachirano. 7Setsi yamenya emiyika chindi ebikhumi munane namusaafu olunyuma lwokhwibula Enoshi, ne niyebula abaana bandi abasiani nende abakhaana. 8Khulweshio, Setsi yafwa nali nemiyika chiosi halala ebikhumi shienda nende ekhumi nachibili (912).
9Enoshi yebula Kenani nali nemiyika amakhumi shienda. 10Olunyuma lwokhwibulwa khwa Kenani, Enoshi yamenya emiyika ebikhumi munane nende ekhumi nachirano, ne niyebula abaana bandi, abasiani nabakhaana. 11Khulweshio, Enoshi yafwa nali nemiyika chiosi halala, ebikhumi musaafu nachirano.
12Kenani yebula omwanawe omusiani Mahalaleli, nali nemiyika amakhumi musaafu. 13Olunyuma lwokhwibula Mahalaleli, Kenani yamenya emiyika ebikhumi munane namakhumi kane, ne namala niyebula abaana bandi abasiani nabakhaana.
14Kenani yafwa nali nemiyika ebikhumi shienda nende ekhumi.
15Mahalaleli yebula Jaredi nali nemiyika amakhumi kasasaba nachirano. 16Olunyuma lwokhwibula Jaredi, Mahalaleli yamenya emiyika chindi ebikhumi munane nende amakhumi kataru, kho niyebula abaana bandi abasiani nabakhaana.
17Khulweshio, Mahalaleli yemenya emiyika chiosi halala ebikhumi munane namakhumi shienda nachirano, ne nafwa.
18Jaredi yebula Enoka nali nemiyika eshikhumi shilala namakhumi kasasaba nachibili. 19Olunyuma lwokhwibulwa khwa Enoka, Yaredi yamenya emiyika chindi ebikhumi munane, kho niyebula abaana bandi abasiani nende abakhaana. 20Khulweshio Yaredi yafwa nali nemiyika chiosi halala ebikhumi shienda namakhumi kasasaba nachibili.
21Enoka yebula Metsusela nali nemiyika amakhumi kasasaba nachirano. 22Olunyuma lwokhwibulwa khwa Metsusela, Enoka yamenya emiyika chindi ebikhumi bitaru, nakholanga amakhuwa amalayi akachamisia OMWAMI Nyasaye, ne niyebula abaana bandi abasiani nende abakhaana.
23Khulweshio Enoka yamenya emiyika chiosi halala ebikhumi bitaru nende amakhumi kasasaba nachirano. 24#Sira 44:16; 49:14; Abaheb. 11:5; Yuda 1:14Yamenya obulamubwe bwosi nali omulunjishi imbeli wa Nyasaye, ne nakhamiukha butswa, okhuba Nyasaye yamubukula. 25Metsusela yebula omwanawe omusiani oulangwa mbu, Lameki, nali nemiyika eshikhumi shilala nende amakhumi munane namusaafu. 26Ne olunyuma lwokhwibulwa khwa Lameki, Metsusela yamenya emiyika chindi ebikhumi musaafu namakhumi munane nachibili, ne nyebula abaana bandi abasiani nabakhaana. 27Khulweshio Metsusela yamenya emiyika chiosi halala, ebikhumi shienda namakhumi kasasaba nende shienda, ne nafwa. 28Lameki yebula omwana omusiani nali nemiyika eshikhumi shilala namakhumi munane nachibili, 29ne namukulikha eliira mbu, Noa, naboola ari, “Okhurula khwiloba elia OMWAMI Nyasaye yalaama eshilaamo shiobubi, omwana uno alikhulemia ifwe omwoyo okhurula khumilimo chiefwe nende okhurula khukhunyakhana khwefwe?” 30Olunyuma lwokhwibulwa khwa Noa, Lameki yamenya emiyika chindi ebikhumi birano nende amakhumi shienda nachirano, ne niyebula abaana bandi abasiani nabakhaana. 31Khulweshio, Lameki yamenya emiyika chiosi halala ebikhumi musaafu nende amakhumi musaafu namusaafu, ne nafwa.
32Noa yebula Shemu, Hamu nende Yafetsi, olunyuma lwokhuusia emiyika ebikhumi birano.
वर्तमान में चयनित:
OBUCHACHILO 5: OLUDC
हाइलाइट
शेयर
कॉपी
Want to have your highlights saved across all your devices? Sign up or sign in
