JOHANA 5
5
Dîlah mi ân dam
1Kha rizoiin chu Judahei Kût khatkah a om a, Jisua khom Jerusalemah a fe a. 2Khante, Jerusalemah khan Bera Dâikot kôlah dîl khatkah, Hebrai ṭonga Bethesda an iti kha a om a;#5:2 Mss ṭhenkatah, ‘Bera dîl kôlah mun khatkah Beth-Zatha’ iti a nit. kha dîl khan thapuk ringakah a nei a.#Neh.3:7; 12:39. 3Amah khan dam ino itam takkah, mitdelhei, kebâihei, izenghei an om a,#5:3 Mss ṭhenkatah, ‘Tui phûl zoro an ingâk a nit. 4. Pumapa itir vântirtônin tui a zuk inphûl ngai a. Tui a phûl nunga dîla richôm masa tak kha chu ingkana natna rivoi khom ni seh an dam ngêt ngai sikin, tui phûl ingâkin an iom a nit,’ iti a kop. tui châng zoro an ngâk a, 4a kâr kârah dîlah khan vântirtôn a zuang a, tui khah a zuang inchâng ngai a. Kha tui chang zoroa dîla lût masa tak chu ingkana natna khom ni seh an idam ngai a nit. 5Khante, mi khatkah, kum sômithumkah kum iriatka dam khâi ino khom a om a. 6Jisuan kha muna zâlin a mu a, isôt takka dam khâi ino a nit iti a riat a, a ziangah, “Indam ni nuam im?” itin ardon a.
7Khante, dam ino khan, “Epu, tui châng zoroa dîla ne zu thak rang tute nei mang a; ilût ki tum sungin mi dangin an ne ikhêl nôk ngai a nit,” itin a sâm a.
8Jisuan a ziangah, “Thoi inla, ni puantha chôi inla, ken lôn ta roh,” a ti pêk a. #Mat.9:6; Mk.2:11; Lk.5:24. 9Khanchu, kha mi khah voikarengin a hong dam zel a, a puantha a chôi a, ken a lôn tâk a.
Kha nikhua khah sabatnî a nit a. 10Khasikin, Judahei khan â dam tâkpu ziangah, “Vuani hih sabatnî kêng ai nit; ni puantha chôia lôn hih ei dânin ai phal ino a nit,” an ti a.#Neh.13:19; Jer.17:21; Joh.7:23; 9:6; Mk.2:24.
11Khante, ani khan an ziangah, “Nen damtu khan, ‘Ni puantha chôi inla, ken lôn ta roh’ a ne iti kêng,” itin a sâm a.
12Anni khan, “Hingkana tho ranga nang iriltu hih tûm ai nit?” an ti a. 13Khanniseh, kha â dampu khan Jisua khah tûm ai nit lak reh mak a; kha munah khan mipui itam takkah an om a, Jisua lak chu a lei rot pat tâk a.
14Kha rizoiah khan Jisuan ani khah Tempilah a mu a, a ziangah, “Ringai roh, nî dam tâk a nit, isual nôk khâi no roh; khanonchu, ni chungah thil ṭhano ual a tlung duai lôiin,” a ti a.
15Khanungchu, kha mi khan Judahei ziangah ân damtu chu Jisua a nit iti a va ril tâk a.
16Khanchu, sabatnî-a mi ân dam sikah khan Jisua kha nuamning an lo tâk a. 17Jisuan an ziangah, “Ki Pan sin a tho mai ngai a, Kei khomin ama angkan sin kî tho mai a nit,” a ti a.#Riph.2:3.
18Khangkan a ti sikin Judahein ithat rangin an tum nôk ual tâk a, sabatnî ân bor iti sik bang ni loiin, Pathian khah, “Ki Pa a nit,” itia Pathian itlukin arbe iti sik khomin a nit.
Naipa richamneina
19Khante, Jisuan anni khah a sâm a, “Thudik tak nangni ke ril, Naipan ama thun îte tho thei mak; Pa sintho ai mu banah chu; Pan sin ai tho khah Naipa khomin ai tho a nit.#Joh.5:30; 8:38; 14:10. 20Pan Naipa lung a thlung a, a sintho murdi a înmu ngai a nit. Hi nêka sin roinpui ual hi nangni lan mûng a ti, kha tikin chu nin ringai lar khêl a ti. 21Pan mithihei a kâiithoi a, ringna ai pêk ngai angkan, Naipa khomin ai nuam murdi chu ân ring ngai. 22Pan tute roirêl pêk ngai mak, Naipa ziangah roirêlna chu ai lan riai a nit. 23Mi murdîn Pa marit an itho angkan Naipa khom marit an thona rangin. Tukhom Naipa marit tho no chu ama tirtu Pa khom marit ai tho no a nit. #Lk.10:16.
24“Thudik tak nangni ke ril, tukhom ki thu riaa, ne tirtu iam kan chu kumtluang ringna a nei tâk, thiamno changin om no nia, thina rithokin a suaka ringnaah ai lût tâk a nit.#Joh.3:18. 25Thudik tak nangni ke ril, a zoro â tlung rang tâk, atûn khom a tlung thiai tâk; mithihein Pathian Naipa rôl an riat tikin chu, â riahei kangân chu ring an ti. 26Pa chu ringna nâr ai nit angkan, Naipa khom hi ringna nârin ai siam a nit. 27Khante, Miriam Naipa a nit sikin a ziangah roirêl ranga richamneina ai pêk a nit. 28Amahih arkhêl ti no rei; a zoro â tlung rang tâk, kha tikin chu mithihein a rôl riang an ta, 29ithlân ata hong thoi an ta, sin iṭha sinhei chu ringna changin thoinôk an ta, sin isual isinhei chu thiamno changin thoinôk an ti. #Dan.12:2; Mat.25:46; Joh.11:24; TS.24:15; 1 Kor.15:52.
Jisua riatpuituhei
30“Keima khâta richamneinan îte tho thei mang e; Pathianin a ne ril lam angkah takin roi kî rêl a nit, ki roirêl khom â dik a nit. Keima nuamlam isin tum mang a, ne tirtu nuamlam kêng isin kî tum.
31“Mahni thurchi isîr nin lang, ki thu sîr kha idik no nih.#Joh.8:14-18. 32Nikhomsela, mi dang, ki thurchi minrehtu a om; ani khan ki thurchi a isîr khah â dik iti ki #5:32 Mss ṭhenkatah ‘nin’ iti a nit. riat a. 33Nangmanin Johana ziangah mi nin tir a, ani khan thutak nangni a lei iril a.#Joh.1:19-27; 3:27-30. 34Miriam riatpuitu nang mang e; khannisela, saninringa nin om theina rangin amahih ki îsîr a nit. 35Johana khah meiser ichok ivâr tak angkah a nit, a vâra ihoi takka la om khom hi nin inuam a nit. 36Nikhomsela, Johana riatpuina nêka riatpuitu roinpui ual kî nei a nit. Pan sin itho ranga a ne ipêkhei, atûna ki sintho lâihei hin Pan a ne itir a nit iti a înriat a nit.#Joh.10:25; 14:11; 15:24. 37Pa ne tirtu khom khan ki thurchi a înriat sa a nit, nangmanin chu tiklâi khomin a rôl la reh ngai mak chei a, a mêl khom la mu ngai mak chei.#Mat.3:17; Mk.1:11; Lk.3:22. 38A thu khom nin lungrilah vong mai ngai mak chei, a mi tirah hih nin iam no sikin. 39Pathian thubu nin tep inchial ngai, a sungah kumtluang ringna omin nin iam sikin. Kha Pathian Thubuhei ngêi khan ki thurchi an îsîr a nit. 40Khanniseh, ringna nei rangin ki ziangah hong nuam mak chei.#TS.13:27.
41“Miriam inpâkna zong mang e, 42Nangni chu ingkana mîm nin init nangni ki riat, nin lungrilah Pathian lungthlungna zel nei mak chei u, iti kî riat a nit. 43Ki Pa richamin ki zuang a; nikhomsela, ne lei iham mak chei; mi dang mahni richamin hong seh chu lei iham nin ti. 44Pathian tak iomsun inpâkna zong nuam loiin, nin khâta ripâk risak nin inlut a; khangkan a nitin teh ingkam nin ne iam thei rang? 45Keiman Pa makungah nangni doi ki ti sôn no rei. Nangni doi rang chu Mosia, nin rinpui tak khah a nit. 46Mosia kha nin iiam ni sela chu kei khom nin ne iam rang a nit; ani khan keima thurchi kêng a irziak a nit. 47Nikhomsela, a thu riziak khah nin iam non teh, ki thu sîr ingkan im nin iam thei ranga?” a ti a.
वर्तमान में चयनित:
JOHANA 5: BIATBSI
हाइलाइट
शेयर
कॉपी
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More
