JOHANA 2
2
Kana khuaa rineina
1Khante, sûn nika nungah khan Galili ram Kana khuaah rineina a om a. Jisua nu khom amakhan a om a.#Joh.4:46. 2Jisua neh a kôilômhei khom rineinaah khan an fial a. 3Khante, uain inridum khâi mak a, Jisua nu khan a ziangah, “Uain an irsam tâk kêng,” a ti a.
4Jisuan a sâm a, “Enu,#2:4 ‘Nupang’ nangman ni ne lei hong iril nang mak. Ki zoro a lai tlung ino a nit,” a ti a.
5Jisua nu khan isomhei ziangah, “Nin zianga ai ti murdi chu tho rei,” itin â ril a.
6Khante, Judahein an sakho dânin risûnfâi dân an nei a, kha sikah khan lung tuibêl irukkah, an sikah ṭin ringaka manih, ṭin sarika manih vêl ikeng thei amakhan an inṭhung a. 7Jisuan isomhei ziangah, “Tuibêlheiah hin tui sung insip rei,” a ti a. Khaangkan tui an sung insip riai tâk a. 8Khanchu, an ziangah, “Atûn chu thâl unla, ruaiṭhe chongpu ziangah fepui rei,” a ti a. Khanchu, tui khah an chôi tâk a. 9Ruaiṭhe chongpu khan tui uain ichang tâk kha a lei ritem a, uain khah taka rithoka manih reh mak a; tui ithâltu isomhei khan chu an riat a. Khanungchu, ruaiṭhe chongpu khan moineitu khah a koi a, 10a ziangah, “Mi tinin uain iṭha an sem bak a, itam takkah an in zoi tenan chu uain ṭha ok ino an isem ngai a nit a. Khanniseh, nang chu atûn tenan uain iṭha ni la sem mai a,” a ti pêk a.
11Jisuan hi sinrikhêl masatak hih Galili rama Kana khuah a sin a, a roinpui tlia ân lang a, a kôilômhei khan amah an iam tâk a.
12Kha rizoiin chu, Jisua kha a nu neh ân zirpuihei neh a kôilômhei neh Kapernaum khuaah an fe a, amakhan sûn itôitekah chu an châm a. #Mat.4:13; Mk.3:3.
Jisua Tempilah a fe
(Mat.21:12; Mk.11:15-17; Lk.19:45-46)
13Khante, Judahei Kalkan Kût a nâi teng tak sikin, Jisua kha Jerusalemah a fe a. #Fes.12:1-27. 14Khante, Tempilah khan sialhei, berahei neh pharvalihei lei izuarhei neh sum inrithleng ngaihei an docham bula lei iṭhung khah a mu a. 15Khanchu, zêpna ruirual angkana a siam a, an berahei, an sialhei neh mîring dang murdi khah an rêngkan Tempil ata kha a ûmisua riai a; sum ithlengtuhei docham khah a nam inkûi pêk a, an sum khom a thekindar pêk chit a. 16Khante, pharvali zuarhei ziangah khan, “Hin tak ata chôi suak vang rei. Ki Pa in hih rivai munin siam no rei,” a ti a. 17Khanchu, “Ni ina ki ṭhatnemringaina hin ne fah zoi a ti,” iti riziak kha a kôilômhei khan an riat nôk tâk a.#Lap.69:9.
18Khante, Juda thuneituhei khan a ziangah, “Hi thil itho rangah hin richam ni nei iti inlangnan sinrikhêl im ni nen mu rang?” an ti a.#Mat.21:23; Mk.11:28; Lk.20:2.
19Jisuan an ziangah, “Hi Tempil hih ṭhet unla, sûn thumkan sininding nôk ki ti,” a ti a.#Mat.26:61; 27:40; Mk.14:58; 15:29.
20Khante, Judahei khan, “Hi Tempil sinna rangah hin kum sômilikah kum irukkah ai nang a nit a, nangman sûn thumkan nî sininding nôk thei rang mani?” an ti a.
21Nikhomsela, Jisuan Tempil ai ti khah ama takpum thu a îsîr a nit.#1 Kor.6:19. 22Khanchu, thina rithoka kâiithoia a om tenah khan hi thu hih a lei isîr tâk iti a kôilômhein an riat suak nôk a; Pathian Lekha Thu neh Jisua thu sîr tâkhei khah an iam tâk a.
Jisuan Miriam nitzia a riat
23Khante, Jerusalemah Kalkan Kût Jisuan a mang lâia a sinrikhêl tho â mutu mi itam takkahei khan amah an iam tâk a. 24Nikhomsela, Jisuan mi murdi a riat infel sikin kha mihei chungah khan â lung thi mak a. 25An lungrila om khah a riat vang sikin mihei thurchi khah tutên an iril ai nang ino a nit.
वर्तमान में चयनित:
JOHANA 2: BIATBSI
हाइलाइट
शेयर
कॉपी
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More
