Ioane 3
3
UN NIKODIMO
Ioane 3.
1Rā pa diat a kum te Faresaio, a iana Nikodimo, a tadaru a nu ra Iudaia: 2I wan korom Iesu u ra marum, ma i piri tana, Rabai, miat nunurai lena, a Tenawewera kon Nara ui: kuma pa ta muana in pam larapa a kum lig na wakinilag u pampami, ba Nara pa i waraut i. 3Iesu i wapuata i uni lena, A ligtatuna, a ligtatuna iau pira tam, Ba te, pa di butapa i balet, i kana bobo a matanitu a nun Nara. 4Nikodimo i tiri uni lena, Lelawai duk din butapa balet a takana? In ruk balet duk u ra balan nana, ma din butapa i balet? 5Iesu i piri tana, A ligtatuna, a ligtatuna iau pira tam, Ba te, pa di butapa i u ra pala ma ra Niono, i kana ruk u ra matanitu a nun Nara. 6A lig kuma di butapai ko ra kamonogidi, a kamonogidi ku ia; ma ra lig di butapai ko ra Nioni, a nioni ku ia. 7Koniku kakaian uni ba iau piri tam, A matakina binabuta i ka ku korom muat. 8A dadaip i wan u ra bual ia ut i nemi, ma ui kai u toka walogoroi ku a nuna wuwu, ma pa u nunura a bual i wan tak uni, ma ra bual bulug i wan tuk uni: len ia kuma kai ia ba di buta i ko ra Niono.
9Nikodimo i tiri uni lena, Din pet lelawai a kum lig kumi? 10Iesu i piri tana, Ka, a tenawawera a nu ra Israelu ui, ma pa u manana utbai u ra kum lig kumi? 11A ligtatuna iau pira tam, Miat pirapiri u ra lig miat nunurai, miat wapuatau u ra lig miat bobotai; ma pa muat nurutau uni. 12Ba iau wapuata muat u ra kum lig taka na Tudu‐ra‐maua, ma pa muat nurutau uni, muat a nuru balet lelawai, ba iau wapua muat u ra kum lig tak u ra maua? 13Pa ta muana i wan toto u ra maua, ia ku ba i wan pari tak u ra maua, kuma na Tu ra muana, ia ba i ki u ra maua.
14Lenkuma Moses i lo‐a‐toto a win a ui u ra bil, len kai kuma din lo‐a‐toto na Tu ra muana: 15ma ia ba in nurutau un i in rakanpai uni a lalaun pa in rap.
16Kuma Nara i mari diat a tara na tudu‐na‐maua lenkumi, i taramaruai uni na Tunalik a kapuana, koniku in wirua te ba in nurutau un i, in rakanpai ku a lalaun pa in rap. 17Nara pa i tula na Tunalik na tuda ra maua lena in mag diat a tara na tudu‐ra‐maua; i tula i kag lena in walaunpa diat. 18Ia ba i nurutau un i pa di pet na kămkămiak na maruna: ia ba pa i nurutau un i di pet na kămkămiak ut na maruna, kuma pa i nurutau utbai u ra iana a Tun Nara, a kăpuana. 19A lig kumi di pet na kămkămiak uni, kuma a kapakapa i wan pat u na tudu‐ra‐maua, ma ra tara diat lig kup a boboto ku, ma pate a kapakapa; kuma akaina makira diat. 20Kuma ia ba i pet akakai pa i lig balet kup a kapakapa, ma pa i wan korom a kapakapa, kaduk din wadu i u ra lig i petai.
21Ma ia ba i pet a ligtatuna i wan korom a kapakapa, ba in pua uni a lig i petai, kuma Nara i lig‐kupi.
35A Tamana i mari na Tunalik, ma i tari a kum lig rap ta ra limana. 36Ia ba i nurutau u na Tunalik i rakanpa a lalaun pa in rap; ia ba pa i taram tan na Tunalik pa in bobo a lalaun, ma ra kămkămiak a nun Nara i tana liklik ut un i.
Published by the British and Foreign Bible Society in 1896.
