Lk Ũelesyo wa Ĩvuku Yĩĩ
Ũelesyo wa Ĩvuku Yĩĩ
Ũvoo Mũseo o tondũ ũandĩkĩtwe nĩ Lũka nĩwonanĩtye Yesũ ta we Mũtangĩĩi ũla wathanĩtwe wa Ĩsilaeli, na wa andũ onthe ĩũlũ wa nthĩ. Nũwetete kana Yesũ anyuvĩtwe nĩ Veva wa Ngai, “Aete Ũvoo Mũseo kwa ala ngya” (4.18). Ĩvuku yĩĩ yĩ na maũndũ maingĩ ĩũlũ wa kũthĩnĩkĩa andũ me na mavata ma kĩla mũthemba. O ta ũu yĩ na ũvoo wa ũtanu. Ũvoo ũsu nũkwoneka mũno mũno ilungunĩ sya mbee ila ikũelesya ĩũlũ wa kũsyawa kwa Yesũ, na ĩngĩ nũkwoneka mũminũkĩlyonĩ wa ĩvuku yĩĩ vala vawetete ĩũlũ wa Yesũ ayambata ĩtunĩ.
Ĩvuku yĩĩ yĩna kũndũ kwĩlĩ kwĩ na maũvoo maingĩ me ĩvukunĩ yĩĩ ya Lũka yoka (Kĩlungu 1-2 na 9-19). Amwe ma maũvoo asu nĩ: Wathi ũla wainiwe nĩ alaĩka mamaumĩlĩĩla aĩthi; aĩthi makĩthi vala Yesũ wasyaĩwe; Yesũ e Ĩkalũnĩ yĩla waĩ kamwana; ngelekany'o ya Mũsamalia mũseo; o vamwe na ngelekany'o ya mwana mwau.
Ĩvukunĩ yĩĩ yonthe mũandĩki nũkindĩlĩĩle mũno vata wa mboya, wĩa wa Veva Mũtheu, mwanya wa aka ũthũkũminĩ wa Yesũ, na ũekeo wa naĩ.
Maũndũ ala me Ĩvukunĩ Yĩĩ
Ndeto sya Mbee 1.1-4
Kũsyawa kwa Yoana Mũvatisi na kwa Yesũ na mwĩkalo woo me syana nini 1.5—2.52
Ũthũkũmi wa Yoana Mũvatisi 3.1-20
Kũvatiswa na kũtatwa kwa Yesũ 3.21—4.13
Ũthũkũmi wa Yesũ andũnĩ ma Kalilii 4.14—9.50
Yesũ Ayuma Kalilii na kũthi Yelũsalemu 9.51—19.27
Yesũ e vakuvĩ na Yelũsalemu na e nthĩnĩ wayo kyumwanĩ kyake kya mũthya kũũ nthĩ 19.28—23.56
Kũthayũũka kwa Yesũ, kumĩlĩĩla amanyĩw'a vamwe na kwambata ĩtunĩ kwake 24.1-53
נבחרו כעת:
Lk Ũelesyo wa Ĩvuku Yĩĩ: KAMBA
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
BIBLE SOCIETY OF KENYA © 2011