JON BETAMCONAM
BETAMCONAM
Jonwg tugu pui si Jisun nwrba cwtamg Pwnbog Agamv, mwv nyia kob nyiknv ngulug pengko si doobanum hvl betampa. Pota si atv bedo, tugu pui sam hoqgab xeqpan, sam poory boam Jisun mwwjw mvdwb, Jisu birwl apnam yanbo, Pwnbog Ko Tuupv hoo mwam mwwjw ko lvgab bulv swwgam kaapa tayin (20.31).
Betamconam kokw so nwrba cwtam Pwnbog Agamv Jisu lvgab doonum hvl kaakin pa, otuq daiyag tugu pui si luusaq-luusaqb swrdorxeq bon nyinam mam kaakinv Jisun birwl apnam ywwnbo hvl bekinpan hoo Pwnbog Ko Tuupv hvlkam betampan. Hoq lvgab swrdorxeq nyinam niqtuqngam tomswr banv betampan. Pota taqcgon si betamdo, nyi tuugin Jisun mwwjwnum hoo Jisug buub nyinum hoq lvgab tuugin mwam bepaq-beyaql ho mwwjw maanum.
Cens 13-17 Jisu mwam nootul leedwk aiho mwwg buu tulug lvgab hindy alwb doobanam hoo mwv agam goox-goqanum hoo mwam daapo aoho mengnam mam bet belanam mam Cens 13-17 aado alwb xiqbwpan. Jisun leenam mam hoo mvl benam mam, daapoho mengnam mam hoo turkur kunam mam hoo turab kokw so mwwg buu tulungam kaakinam mam bitur-benya pagoq tulu so betampan.
Yocu-yabio nyem akwg Cens (8.1-11) koryum tvl xeqpan, hoggab vijaqg otuqg xeqconam ho otuqb xeqlinam ham tuugin naapaqpa hoo tuuginv xiqbw-xeqta pan.
Jonwg begabnamv nwrba cwtam swwg akiv Jisu galoqkv hoo hoq aky galoqkv hiyv xeq Jisun lamtangv, jvqtwngv, hoo swwgv hvl birwqtayin. Jon looxiam kaanam-tanam mam swwca lo nyinam mam vcjaqb jvqtw yalv swwgam doocil biyw-bec napan, hoq tuluhv issam, wtwngam, hutongam, sviya rvky boam hoo mwwg sviya hoo roo annam hoo hoq aaxiam.
Ura bol doonbo gvmp
Betamconam 1.1-18
Jon Baptist hoo otuqcob Jisug buu tulungam 1.19-51
Jisug nyi kaagaho bon nyinam 2:1-12:50
Vtwr aal loox kvnho Jerusalem hoola Jerusalem bviywrho bon nyinam 13:1-19:42
Turab kunam hoo At Swg kaakin kunam 20.1-31
Bitwr-benya: Galiliho lokta kaakinam 21.1-25
נבחרו כעת:
JON BETAMCONAM: NYISBSI
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.