Markus 7
7
EFTO KAPITLO.
1Ta o Farizeare ta o livrenger sikermangerende his len paša leste ketene, kola kai vejen o Jeruzalemester. 2Her ta dikhene ta anena jekte lesker sikermangerende chaben i čikelo vastenca, čingerden len kolenge. 3Ta o Farizeare ta hake bibolde chane či, her ta thodenpen sikerder buteder kopo lenger vastenge, jon rikerdenpenle i pralabičerpeneste o phuriender. 4Nina chana len či, ta vejena api nikeleste, ta thodenpen len sikerder. Ta keake dela kome buteder vaver pedenge ta rikerenlen, kava ho muraden pen o phuriende drin: o thodopen i korenge i čarenge ta i čivenenge. 5Doleske phučenpen lester o Farizeare ta i livrenger‐sikermangere: Hoske našena tiri sikermangere i pralabičerpen o phuriender, ta chanena lenger chaben i čikelo vastenca? 6Job ta rakerdes ta phendes ape lenge: Čačo phendes Izaias tume chochepangerende her hi čindo: Kava čel patinle man o vustenca, ta lengr dzi hi duro mander. 7Lenger butikaben hi čičeske, vel ta sikerenle dženenger sikerpen ta dženenger rakerpen. 8Tume mekjena o Devlester rakerpen, ta rikerena i pralabičerpen o dženenge, i thodopen o korienge ta but vaverčandes kerene tume. 9Ta job phendes ape lenge: Šuker hadena tume o Devlesker lab pre, ta rikervena tume tumaro pralabičerpenester. 10Ta Mozes phendeslo: Mo ta pates tiro dadeste ta tiri daiake! ta: kones ta košela o dadeste ta i daiake mo ta merelo pes lo. 11Tume ta phenena: Te phenelo jekes i dadester ta i daiake: Korban! (kava hi: delapen) kai vela mander hi tuke mišto, 12keake mekene tume ta kerelo les či buter lesker dadeste ta lesker daiake. 13Ta hadene o Devlesker lab drucha tumare pralabičerpen pre, ta dejenes tume; ta keake kerena tume kome but. 14Ta job khardes komoli o čel paša leste ta phendes api lenge: Hunen mange hake ta hajvena mišto. 15Či dela ta džalo čomoni ani dženo drin, kai velo čikeles, kova kai veles drani dženes vri, kava dženes hi čikeles. 16Kova ta hi kanenge, kava hune!
17Her ta gejeslo o čelester nikli ani kher phučenpen lesker sikermangerenge prala kava parnisepenester. 18Ta job phendes api lenge: Han tume nina keake dinales? Hajven tume gar? Lauter ta velo ani dženeste drin kerel les gar čikeles. 19Vel ta džala gar ano leskr dzi kai velo ani trupo drin, ta gejes pes džungalo vri kai džalo hako chaben vri. 20Kova — phendeslo — kai vela drana dženes vri, kava kerele o dženo čikeles. 21Ta maškeral drani dzi o dženender vejena i midžike panderpen, biabesker phagerpen, luvakanengerende, 22merapen, čorepen, bokholepen, godsverepen, chochepen, ladžmerdunopen, nakbele jakenge, čingerpen, givezipen, dinelepen. 23Kava lauter midžiko vela drani vri ta kerelo čikelo dženes.
24Ta job kerelo peslo pre ta gejeslo ani them o Tirusester. Ta job gejes ani kher, ta kamieleslo ta veleslo gar hajerdo; job našte ta garaveleslo les gar. 25Her ta hundes i romni, lester lakr čai has i čikelo mulo, vejesli sik ta pejesli les api pirenca. 26Kava romni has i vaver themester, drana Zirofenicia khereduno. Ta joi mangdesli les, ta tradelo job o benges drani lakr čai nikli. 27Ta job phendes api late: Mek sikeder ta vena o čavende čalo, ta hi gar mišto, ta anena o maro i čavende ta vicerenas o džuklenge glan. 28Joi ta rakerdes ta phendesli apa leste: Aua rai! Ta nina i džuklenge chane tele chamaskero o čavenger mareste. 29Ta job phendes api late: Vaške kava labeste kamaues; dža koi! O beng hi nikli tiri čater. 30Her ta vejesli ani lakr kher, hacjes lakr čai ap o čiven bašlo, ta o beng has later nikli.
31Ta job gejes kome nikli i themender o Tirusester ta vejeslo drucho Sidon i galileo baro paneste maškeral ani themes o deš foriender. 32Jon andena i koralo laleskero paša leste ta mangjen les, job ta mekelo leskr vast apo leske pašlo. 33Ta job andes les i čelender api rik, špildes lesker gušt beli drani leskr kanenge drin, ta taperdes lesker čib i čungerpeneste, 34dikhes api bolapen pre, ta phendes apo leste: Efata! kava hi: Ker tuke pre! 35Ta lesker kan has len sik piro, ta o dori leskr čibester has nikli, ta job rakerdes mišto. 36Ta job phendes lenge, mo ta phenen len les kenkes. Her buteder phendes job lenge les, her buteder rakerden len les vri. 37Ta her buteder kerden pen bare jaka ta phenden: Job kerela lauter lačo! Job kerelo ta hunen o korelenge ta rakerden o lalerende.
נבחרו כעת:
Markus 7: SINT1912
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
First published by the British and Foreign Bible Society in 1912.
