פסוקים פופולריים מ- Yohanes 14

שתף

Nyabukce, ayupu ton nyabuk. “Ikin kanye bona kumce, kanye deibuka yuk nang ap neika teleb una ati, deiyok ning aresunune. Sik diba tenena kum, talye tukwak ninye arye, yuk nang ati, tenebuka arye arenyak touk, kum aresunune. Ikin kanye bona kumce, teleb kanye bobuka, teleb una deiyok ning aresunun ning ara, na ninguk aresunune. Aning ati ara, anggunce, ‘Se,’ tenen, ikin kanye bona ap, ilil una ap, ikin kanye bobuka bouku sukuna ap, aning nirya kum unamlulume. Ilil asa kum aniryuk, kanye deibuka telebuk unamlulume.” Yesus arye nyabuk.

Tomas arye nyabukba, Yesus arye tamubuka nyabuk. “Diksukum Bisik ara, nauk unune. Tonda, Dib Koprop Yupu Nyananye unune. Tonda, Kam Una Deiyoknye bira, na tonok unune. Yata nang do nirya, na Ni koprop el dam bana ati, na deice aryuk binamake. Yuk bisik ton pia kum ulule. Yata ninye do nirya, na deice kum yaicopura, na ni Allah un dam kum binamake.

Yesus arye el wipdeiamuk nang ati nyabuk. “Anggunce mambul kanye bobuka talima bouku sukuna kum unamlume. ‘Allah elce, melinamsil’ tenen, diba tenebuka anggun kanye talima el deice delinamlulume. Tonda aning atonun, nati, ‘Elce melinamsil’ tenen, dib tenebuka, anggun kanye talima na deice delinamnulume.

Bukni, Allah El Dib Kanye, anggun talima melina ati, Melinanye bira, Allah arye, na si deice arye el Dib Kanye dopdeipnamsile. Aripsiliba, Allah El Dib Kanye arye aning-aning nirya ati, peterenamsile. Tonda, na nyapdeiyamsise yupu nirya, ‘Tuba tamubuka tenepnamak’ tenen, Allah El Dib Kanye arye tonap nyanamsile.” Yesus arye nyabuk.

Nyabukce ayupu ton dukdongobuka nyabuk. “Yata ninye do nirya, na yupu dobuka kekebikirye, ayupu uk talibuka pia dobolbanyak ninye ara, dipkoprop nati dib tenebuka talima arinyake. Nati, talima arilulnye bira, na Ni Koprop Allah arye anye biti, bico tenebuka, kanye deiplirye, melinauk unamle. Atonun, naryuk anye biti bico tenebuka, kanye deipnirye, melinamne. Tonda, ‘Atonye birye na wininye ning kel biknamnil’ tenen, laka kipdeipnebuk, kel biknamle.” Yesus arye nyabuk.

Winipmunyopura, narye na Ni Koprop Allah ati moropnyeba, elce anggun talima barina ati, yuk Melinanye ton arepnamsile. Arepsiliba, aMelinanye ap, anggun ap, pia neikauk unamlume. Anye bira, Allah El Dib Kanye arye, dipkoprop yupu uk peterenamsile. Diba tenena kum, talye tukwak unyak ninye arye, Allah El Dib Kanye ara, dib tenebuka kum doproptinge. Sik atalye ninye arye, elti, kum elikirye, elti, moubuka kum kel bikinyaka ati, kum doproptinge. Bukni, anggunce dib tenelulum ninye, na mapu anggun ning ati ara, Allah El Dib Kanye ara, anggun ap neika ululume. Aminyan talak, anggun talima ak wekuka unamsile. Aning ati ara, anggunce el akunum kel bikuka ululume.”

Na Ni dam binyeura, anggunce na si deice arye, nati moropnumunyopura, anggunce moronamnulum touk, aninguk arenamsine. Ara adeice arye, ‘Na ni Allah ati, si erebuka el si erenamlum’ tenen, Allah el Mi Koprop narye, anggun moropnumunye touk arebsinyopura, anggunce Allah el si pia erenamluma ati, nyapsine. Ati, yata ning do nirya, na si deice moropnumunyopura, kekepnirye, aninguk melibuka arenamsine.” Yesus arye nyabuk.

Yesus arye ayupu ton dukdongobuka nyabuk. “Anggunce nati, dipkoprop dib tenebuka kanye talima deipnumunyeura, na nyasinye yupu nirya kekepmunce, ayupu uk talibuka wininamlulume.

Na ni ulul aik pum ara, aik yuk-yuk wilibuk aik weik arye kintineiamuk. Aik weik kum uamtopura, akunum nyapdeiyamsitinye. Nara, na ni asik binirye, anggun aik ati, kintipnamsine.

Anggun asik kintinilbinamna anya arye, dipkoprop tuba tamubuka tonap dolyamsine. Ara, ‘Na ap, na mapu ap, tonok akuk neika pia unamap’ tenen, dolyasinirye, na unamnak dobinamsine.

Yesus arye, “Abisik ara, anggun kele,” nyabukba, Tomas birye tamubuka nyabuk. “Naio, an binalam mutuku ara, nun walwal anya arye, yata wiribuka, ‘Bisik ani’ tenen, kel biktibye do? Nun walwale,” nyabuk.