פסוקים פופולריים מ- San Mateo 7

שתף

»K'ate'x y K'uj je' u ts'ek teche'x; kʌxte'x y je' a wike'x; t'ʌne'x yok'o u jor y jeu' jea' teche'x.

Tu woro a mok ku k'atik, ku ts'abati'; y a mok ku kʌxtik, ku yirik; y a mok ku t'ʌn yok'o u jor, jeu' jea' ti'.

»A mok ku yui'k a je' a ba' a kin bin in kʌ'se y ku metik, lʌji' bex junturi' xi'ra a t'a'a, a tu meta u yatoch ix tunich.

»Bein, bex a k'ate'x u meta' teche'x bex ka metik ti' a boje'x, toj bex ku ye'sik yok'o u t'ʌn K'uj.

Chen u jor a to'o mo' koch y a ne ts'u'ts' u beri lʌji' ku biskech tu ka bin a wire a kuxta y a lay mo' ne pim ku yirko'.

»Tia' woke'x yok'o u jor a nʌj a to'o ts'ots', ka wirik a to'o ne nuk y ne koch u jor lʌji' a to'o ku biskech ix k'ak' y ne pimo' tʌn u yoko' tita.

Wo a teche'x mo' pajtie'x, ka ts'ekti' tsoy ba' a ti'a ¿Maj tukrike'x teche'x jeu' jach ts'ek teche'x a Tete'x a tiʌ kʌ' tu woro tsoy ba' wa ka k'atke'x ti'?

»Ma' wei'k ba' ti' a boje'x wo taj o mo' taj ku metik y bex K'uj muj bin u ya'e ti teche'x mo' taj ka metke'x, Ka wirik K'uj ku bin u ya'e ba' mo' taj ta mete'x teche'x a bex ka wei'ke'x ba' mo' taj tu meta a boje'x, a bex u p'is ka ts'ekti' a boje'x, bex ku bin u ts'ae tech K'uj.

Chen a mok ku yui'k a je' a t'ʌn y muj metik, la' bex a xi'ra muj yui'k t'ʌn, lʌji' a tu meta u yatoch tu' woro sʌ'm.

¿Y biken jai' ka chʌ'ntik u tsatsa a che' a yʌn tu wich a bojo' y maj wirik a tech yaj yʌn ta wich u yaj chun che'? Si maj wirik u yaj chun a che' a yʌn ta wich, ¿bij ka bin a wae tia bojo': “Cha'e in jarik tech u tsatsa a che a yʌn ta wich”?

»Kʌnʌnte'x a bʌje'x ti mu' tuske'x a mok ku tus ei'ko' u bʌjo' lʌjio' profetas, chen a layo' tusukao'. A layo' tus ku metko' u bʌjo' p'is ne tsoy bex aj meo' chen jach u tuko' bex a bix u pek'i k'ax a ne ts'iko'. Yok'o a ba' ku metko' ti' ka bin a k'o'ote'x. Ka wirik a nukuch ts'us mo' ti ka t'akik yok'o u che'i k'i'x mix a wich a che u k'aba' higos ti ka t'akik yok'o a pʌk'a a yʌn u k'i'xi.

Bex a to'o tsoy a che' ku ts'ek ne tsoy u wich chen a che' a mo' tsoy mo' tsoy u wich ku tsa'ya.

A che tsoy muj wichʌnkʌ mo' tsoy, u ka sut mix a che' a mo' tsoy ku wichʌnkʌ ne tsoy.

Tu woro a che' a muj ki ichʌnkʌj, ku ch'ʌka y ku pura ix kak.