פסוקים פופולריים מ- San Mateo 6

שתף

Yʌ kʌxte'x K'uj a tiʌ kʌ' y a metik tsoy ba' y tu woro a je' a ba' ku bij ts'aba teche'x.

Ma' tukrik a bʌj baij ku bij tar yok'o u jer k'in, toj yʌn u ti'ri baij ka bin a tukre a lay u k'ini, tu woro jujump'e kin yʌn baij ku bij mʌn.

»Ten kin wei'k teche'x: Ma' tukrike'x baij ka bin jʌnte'x o baij ka bin wuk'ex ti' a kuxte'x. Ma' tukrike'x baij ka bin a bukinte'x. ¿Mo más ko'o a kuxte'x, y u ka' sut a wo'che'x mo' ko'o, y bexi' mo' más ko'o a bʌk'e'x y u ka' sut a nok'e'x mo' ko'o?

Tuk'in teche'x ka t'ʌnik K'uj, oken ta way y mʌke u jor a wai y t'ʌne a Tet muku t'ʌnbi. Y a Tet K'uj ku yirik tʌn a t'ʌnik muku t'ʌnbi, jeu ts'ek u bo'ri ti' tech tu pimai a winik.

Teche'x ka bin a tʌ'ne K'uj bexe': »“Tet, ka' u k'oo'tech tu woro a winik, jach ja'ri' techech K'uj. Ko'ten a wesinteno', Mete a baiki a k'at way ix lu'm, a bex ka metik ix kʌ'.

Y Ts'aten in wo'cho' tu woro k'in.

Y sa'se tu woro a mo' tsoy ba' in mebo', bex ten kin sa'sko'. A mok mo' tsoy ba' mebo' ten.

Y ma' cheik u tunta in woro', tako' ti' a mo' tsoy ba' ku tasik a kisin, in weo' jach tech ka wesintik tu woro ba', tech ne chich a muk' tu woro yaxk'in y mʌnʌ' xu'pu a muk' tak ku mʌn tu woro yaxk'in. Amén.”

»Wo teche'x ka sa'sik a mo' tsoy ba' ku metik teche'x a boje'x, a Tet K'uj a tiʌ kʌ' bexi' jeu sa'sik teche'x a mo' tsoy ba' ta mete'x.

Chʌ'te a ch'ich'o', a tio' muj pʌk'ik u yo'ch y mix ku li'sik u yo'ch ix kʌ'che' y ak Tet a tiʌ kʌ' ku ts'ek u jʌnʌ. ¡A teche'x más ko'je'x y mo' bexe'x a bex ch'ich'o'!

»Ma' kʌxtike'x a ts'urche'x yoko wai a lu'm, tu jeu yoko u k'ʌmʌs y jeu laj jʌntik y tu woro a ba' jeu laj la'p'a, bexi' tuba jeu yoko' a ku yakra bao' u laj akre teche'x. Toj ti' a kʌxtike'x a ts'urche'x yoko kʌ', tu muj yoko aj k'ʌmʌs y muj jʌntik a ba', mix k'ʌs a ba' ku k'asta, mix a ku yakra bao' ku yoko u yakre tech. Tu ka ts'urche'x teche'x, tita tiʌ a pixʌne'x.

Mix mok je'e u meaj ti' ka'to' u ts'uri; o ku meaj ti' ka'to' u ts'uri, ku bin u pʌkte junturi' y a juntu ku bin u yakunte o jay ti juntu ku bin ki meaj y ti a juntu mʌnʌ' u ki meaj ti'. Mo' bik a meaje'x ti' K'uj wa ja'ri' tʌn a tukrik más a kʌxtik ne ya'p a tak'in.».

Wa K'uj bex ku ki metik jach ne tsoy a topche' y pachi ku tiji y ku tokik ix k'ak' ¿Mo' bex je'e u jach metik teche'x? Kin wirik a teche'x maj ki' waksik ta wor ti'.

Chen tuk'in ka wʌntik ti' a mok mʌnʌ' u tak'in, ti' mix mok ka tsikbʌtik ti'. Wa ka wʌntik a bojo' muku ts'abi y a Tet K'uj ku yirik ta muku ts'a, K'uj ku bin u ts'ae u bo'ri tech tu pimai a winik.

»A teche'x tuk'in ka' mete'x tsoy ba' ti' a winik, ma' laj mʌn a tsikbʌte, wo ka laj mʌna tsikbʌte, a Tet K'uj a tiʌ kʌ', muj bin u ts'ae u bo'ri tech.

»Tuk'in ka' mete'x ayuno a muk'tabi jʌnʌ, ma' metik a wich p'is ta ne tukrik a bʌje'x a bex ku metko' a moko' ku tus metko' u bʌjo' ne tsoy u tuko', chen jay tusukao', u k'ato' u yira' ten a winiko' tʌn u metko' u ayuno. Toj ki wei'k te'x toj ja'ri' a lay u bo'ri tio' y mʌnʌ' tu jer ku bin ts'aba tio'. Chen teche'x tuk'in ka muk'tike'x a jʌne'x, ki p'oe a wich y ki uts'kintabʌjex. Ti' mu' yirko' a winik tʌn a muk'tik a jʌne'x ti' K'uj. Jari a Tet K'uj ku bin u yire a to'o ku laj irik a ba' a to'o mix mok ku yirik, y ti' ku bin u ts'ate'x u bo'ri teche'x tu pimai.