פסוקים פופולריים מ- San Mateo 5

שתף

Bexi', mix ku t'ʌba a kip' ti' u but'a yok'o u yarʌn lek, mo' to jay ku kukinta' kʌnʌ ti u ki tichk'atik tu woro a mok tiʌ ich nʌj. Bexi' te'x, ki' ire'x u ki' sasichʌ a kip'ex ti' a winiko', ti' u jach ki' irko' jach tsoy ba' ka metke'x y bex jeu ki' ya'ba ne tsoy ba' ti' a Tete'x a tiʌ ix kʌ'.

»A teche'x lʌji' u kip'i a way a lu'm. Bexe'x a bex tiʌ jump'eri' kʌjta yok'o wits tu ne kʌ'nʌ y mo' bik u ta'kik u bʌj.

»Ku jach bij tsoy ta u yoro' a mok tsoy pixʌn y mʌnʌ' k'ebʌn ti' a layo' jeu jach irko' a K'uj.

»Ku jach bij tsoy ta u yoro' a mok jach ne poch u yik u meta' u taji a ba', a layo' ku bij meta' tio' a bex u k'at.

Chen beje' ten kin wei'k te'x: Yakunte'x a mok p'ek u yirike'x, a'e'x ti tsoy ba' ti' a mok ku yei'k mo' tsoy ba' ti te'x, mete'x tsoy ba' ti' a mok p'ekyike'x y t'ʌne'x K'uj ti' a mok ku kʌxmetke'x.

«Ku jach bij tsoy ta u yoro' a mok ku yui'k u bʌj jach yʌnti' u jach kʌxtik K'uj, a layo' lʌji' yʌnio' tu ku wesintik K'uj a tiʌ kʌ'.

»Ku jach bij tsoy ta u yoro' a mok ku jach meajo' ti' u ts'oko ts'iki, a layo' ku jach bij a'ba tio' u jach ti'o' K'uj.

»Ku jach bij tsoy ta u yoro' a mok ku yok'o', a layo' ku jach bin nʌsa' u yoro'.

»Ku jach bij tsoy ta u yoro' a mok ku yakʌsta' yok'o tuku metik u taji a ba', a layo' lʌjio' ku jach bin oko' ich kʌ'.

»Ku jach bij tsoy ta u yoro' a mok ku ch'eik otsi ti' u bojo', a layo' jeu ch'a'ba otsi tio' ten K'uj.

»Ku jach bin tsoy ta wore'x tuk'in ka' u k'eye'x a winik, ku kʌxmetke'x y bexi' tuk'in ku yei'ko' ba' ti teche'x mo' taj chen yok'o ten. Jach ki tsoykinta worex, a teche'x jach ya'p ba' ku bij ts'aba teche'x ix kʌ', ka wirik bexi' meta ti' a profetas a tuk'in mo' yʌ tie'x teche'x.

»Ku jach bij tsoy ta u yoro' a mo' muj yui'k u bʌj t'o'o, a layo' lʌji' ku bin jach ts'aba ti' a tumen lu'm a ku bin u mete K'uj.

»A teche'x lʌjie'x a ch'och' yok'o a je' a lu'm, chen wa ku luk'u u ch'och'i, ¿Ba' yete ku ka' bij ch'och'ta? Ya mo' tsoy ti' u k'ʌna' toj ja'ri' ku jochkinta' ix bej y a winik ku laj po'che'tik.

Jach ki tsoykinte'x a tuke'x bex a Tet K'uj a tiʌ kʌ' ne tsoy u tuku.

Wo ka bin a mete'x ba', a'e'x je'e wo jach ja' metke'x, wo mʌnʌ' toj jay ka wei'ke'x mʌnʌ'. Wo ka wei'ke'x u jer ba', a lay ti' u tar ti' a kisin.

»Ta wu'a u ya'a uchik bex: “Wo yʌn mok ku jarik u wich u bojo' bexi' ti' yʌnti' u jara u wich, wo yʌn mok ku p'ikik u koj u bojo' bexi' ti' yʌnti' u p'ika' u koj.” Che ten ki wei'k te'x: Maj p'isik a bʌj wo yʌn mok ku kʌxmetkech, wo yʌn mok ku jʌts'ik a p'uk a derecha, ts'ati' u ka' jʌts'e tʌtʌjʌn bexi'.

»Wo jump'eri' a wich ku ts'ek a kʌxtik a k'ebʌn, jare a pich'inte nʌchi yoko' tech, más tsoy wo ka sʌtik chichin a bʌk'e, y mo' tu woro a bʌk'e ku bin pich'inta' ix k'ak'. Y wo a k'ʌ' a no'or (derecha) ku ts'ek a kʌxtik a k'ebʌn, p'ik xat'e y pich'inte nʌch yok'o tech, y más tsoy wo junxet'i' ka sʌtik a bʌk'e, y mo' ku bin tu woro ich k'ak'.