פסוקים פופולריים מ- مَرکاس 12

שתף

ایسّایا پَسّئو دات: ”شَریَتئے مسترێن پرمان اِش اِنت: ’او اِسراییل! گۆش دار: مئے هُداوندێن هُدا یکّے. وتی هُداوندێن هُدایا چه دلئے جُهلانکیا، و گۆن سجّهێن جان و ساه، گۆن سجّهێن پَهم و پِگر و گۆن سجّهێن وس و واکا دۆست بدار.‘ دومی پرمان اِش اِنت: ’وتی همساهگا وتی جندئے پئیما دۆست بدار.‘ چه اے دوێنان، دگه مسترێن پرمان نێست.“

گڑا ایسّایا مُرید وتی کِرّا لۆٹاێنت و گوَشتنت: ”شمارا راستێنَ گوَشان، اے بێوَسێن جنۆزاما چه آ سجّهێنان گێشتر زرّ پێتیا مان کرت. چێا که آ دگران چه وتی گێشێن مالا چیزُّکے دات، بله اے جنۆزاما گۆن وتی نێزگاری و گریبیا هرچے که آییا هست‌اَت داتی، بزان وتی سجّهێن رۆزیگ و گُزران.“

ایسّا مزنێن پرستشگاهئے شُگرانهانی پێتیئے دێم په دێما نِشتگ‌اَت و هما مردمان چارگا اَت که اے پێتیا زَرِّش مانَ کرت. بازێن زَردارێا باز زَرّ دات. گریبێن جنۆزامے آتک و دو پئیسه‌ای پێتیا مان کرت که هِچّئے کارا نئیاتکنت.

هُدایا چه دلئے جُهلانکیا، و گۆن سجّهێن پَهم و پِگر و سَرجمێن وس و واکا دۆست دارگ و همساهگا وتی جندئے پئیما دۆست دارگ چه سجّهێن هئیرات و سۆچَگی کُربانیگان شرتر اِنت.“

نون ایسّایا گوَشت: ”گڑا کئیسَرئیگا کئیسَرا بدئیێت و هُدائیگا هُدایا.“ چه اے پَسّئوا، آ هئیران و هَبَکَّه منتنت.