פסוקים פופולריים מ- مَرکاس 13

שתף

هرکَس منی نامئئے سئوَبا چه شما نَپرتَ کنت، بله هما که تان آهِرا برداشتَ کنت، آ رَکّیت.

هُژّار بێت! هئیالا گوَر کنێت چێا که نزانێت آ وهد و دمان کدێنَ کئیت.

هروهد که شمارا گرنت و هَکدیوانانَ برنت، چه پێشا پرێشان مبێت که ما چے بگوَشێن. آ وهدا، هر چیزّے که شمارا سۆج دئیگَ بیت، هما هبرا بکنێت. چێا که گوَشۆک شما نه‌اێت، پاکێن روه اِنت.

آسمان و زمین گارَ بنت، بله منی هبر هچبر گارَ نبنت.

هچکَسَ نزانت که آ رۆچ و آ ساهت کدێنَ رَسیت، نه آسمانئے پرێشتگَ زاننت و نه چُکَّ زانت، بَسّ پتَ زانت.

وهدے شما جنْگانی تئوارا اِشکُنێت و جنگانی هال شمارا سرَ بیت، دلا تُرس مئیارێت. اَلَّم اے ڈئولا بیت، بله گۆن اے نشانیانی زاهر بئیگا هلاسیئے وهدَ نئیئیت.

گڑا هُژّار بێت، چێا که شما نزانێت که لۆگئے هُدابُند شپئے کجام پاسا کئیتش؛ سرشَپا، شپئے نێما، کرۆس‌بانگا یا بامگواها؟ پمێشکا هُژّار بێت. چۆ مبیت که هُدابُند اَناگت بیئیت و بگندیت که شما واب اێت. اَنچُش که من شمارا گوَشان، گۆن درُستانَ گوَشان: ’هُژّار بێت!‘“

یکّ کئومے دگه کئومێئے هِلاپا و یکّ مُلکے دگه مُلکێئے هِلاپا پادَ کئیت. بازێن جاگهێا زمین‌چَنڈَ بیت و کَهتَ کپیت. اے تهنا چِلّگیئے دردانی بِندات اِنت.

بله پێسرا باید اِنت وشّێن مِستاگئے جار سجّهێن کئومانی کِرّا جنَگ ببیت.

بازێنے منی ناما کئیت و گوَشیت: ’من هما آن‘ و بازێنێا گُمراهَ کنت.

هُژّار بێت! شمارا هَکدیوانانی دێما پێشَ کننت، کَنیسَهانی تها جننت و په منیگی، هاکم و بادشاهانی دێما اۆشتارێننت. گڑا شمارا شَرّێن مۆهے رسیت که په من گواهی بدئیێت.

چێا که درۆگێن مَسیه و درۆگێن نبی جاهَ جننت و اجبّتێن نشانی و مۆجزه پێشَ دارنت. وتی سجّهێن زۆرا جننت که هُدائے گچێن کرتگێنان هم گُمراه بکننت.

آ رۆچان، چه اے مُسیبتان و رَند، رۆچ تهارَ بیت، ماهَ ندْرپشیت و اِستار هم چه آسمانا کپنت و آسمانئے زۆر و واک لَرزێنگَ بنت.