San Juan 2
2
Ti Boda idiay Cana
1Kalpasan ti dua nga aldaw, adda boda idiay Cana, maysa nga ili ti Galilea. Adda sadiay ti ina ni Jesus, 2ket naawis met ni Jesus ken dagiti adalanna. 3Idi naibusen ti arak, kinuna ti ina ni Jesus kenkuana, “Naibusandan iti arak.”
4“Babai,”#4 BABAI: Daytoy a panangawag ket normal ken naraem kadagidi a panawen. insungbat ni Jesus, “saan a masapul nga ibagam ti aramidek. Saan pay a dimteng ti orasko.”
5Kinuna ti ina ni Jesus kadagiti agserserbi, “Aramidenyo ti aniaman nga ibagana kadakayo.”
6Adda alagaden dagiti Judio maipapan iti panagbuggo. Isut' gapuna nga adda innem a burnay sadiay nga aglaon ti tunggal maysa iti agarup 100 a litro.
7“Punnoenyo dagiti burnay iti danum,” kinuna ni Jesus kadagiti agserserbi.
Pinunnoda ngarud dagiti burnay. 8“Ita,” kinunana kadakuada, “tumakokayo ket ipanyo iti agaywan iti padaya.”
Kasta ti inaramid dagiti agserserbi. 9Idi naramanan ti agaywan ti danum a nagbalin nga arak, inayabanna ti nobio. Saanna nga ammo ti naggapuan ti arak (nupay ammo dagiti agserserbi, ta isuda ti timmako iti danum).
10Kinunana iti nobio, “Ugali dagiti tattao nga ipasango nga umuna ti kaimasan nga arak sadanto ipasango ti ordinario nga arak no adun ti nainum dagiti sangaili. Ngem sika, inyud-udim nga impasango ti kaimasan nga arak!”
11Inaramid ni Jesus daytoy umuna a milagro#11 milagro: pagilasinan, kuna ti teksto a Griego. Iti Ebanghelio ni Juan, mausar ti balikas a pagilasinan para iti mismo a milagro ken kas pakakitaan a ni Jesus ti Anak ti Dios. idiay Cana, maysa nga ili ti Galilea. Impakitana ti dayagna sadiay, ket namati kenkuana dagiti adalanna.
12Kalpasan#Mat. 4:13. daytoy, napan ni Jesus idiay Capernaum. Kaduana ni inana, dagiti kakabsatna a lallaki ken dagiti adalanna ket nagyanda sadiay iti sumagmamano nga aldaw.
Dalusan ni Jesus ti Templo
(Mat. 21:12-13; Mar. 11:15-17; Luc. 19:45-46)
13Asidegen#Ex. 12:1-27. ti Paskua dagiti Judio, ket napan ni Jesus idiay Jerusalem. 14Iti Templo, nadanonna dagiti aglaklako iti baka, karnero ken kalapati, kasta met dagiti agsuksukat iti kuarta a situtugaw iti puestoda.
15Nangaramid ni Jesus iti pagbaut a tali sana pinaruar dagiti amin a baka ken karnero. Binalintuagna dagiti lamisaan dagiti agsuksukat iti kuarta. Inwarawarana ti kuartada.
16Kinuna ni Jesus kadagiti aglaklako iti kalapati. “Iruaryo dagitoy. Diyo pagbalinen a tiendaan ti balay ni Amak!”
17Nalagip#Sal. 69:9. dagiti adalanna ti kuna ti Nasantoan a Surat: “Ti panangipategko iti balaymo, O Dios, kasla apuy a sumsumged iti unegko!”
18Gapu iti inaramid ni Jesus, sinaludsod dagiti papangulo a Judio kenkuana, “Ania ti maiparangmo a milagro#18 milagro: Kitaenyo ti 2:11. kadakami a mangipakita iti kalintegam a mangaramid iti daytoy?”
19“Rebbaenyo#Mat. 26:61; 27:40; Mar. 14:58; 15:29. daytoy a Templo ket iti uneg ti tallo nga aldaw, bangonekto met laeng,” insungbat ni Jesus.
20Kinuna kenkuana dagiti Judio, “Ania? Bangonem met laeng iti uneg ti tallo nga aldaw? Nabangon daytoy a Templo iti uneg ti uppat a pulo ket innem a tawen!”
21Ngem ti templo a sasawen ni Jesus isu ti bagina. 22Isut' gapuna nga idi napagungaren ni Jesus, nalagip dagiti adalanna a sinaona daytoy. Ket namatida iti Nasantoan a Surat ken iti insao ni Jesus.
Ammo ni Jesus ti Amin a Tao
23Idi adda ni Jesus idiay Jerusalem bayat ti Fiesta ti Paskua, adu ti namati kenkuana idi nakitada dagiti milagro nga inaramidna. 24Ngem saanna nga intalek kadakuada ti bagina, agsipud ta ammona ti amin a tattao. 25Saanna a masapul ti siasinoman a mangibaga kenkuana maipapan iti tao ta ammona a mismo ti panunot ken kababalin ti tao.
હાલમાં પસંદ કરેલ:
San Juan 2: RIPV
Highlight
શેર કરો
નકલ કરો
Want to have your highlights saved across all your devices? Sign up or sign in
© 1996 Philippine Bible Society
