GÉNESIS 5
5
Iteipan ixhuihua Adán
(1 Cr. 1:1-4)
1Ya ni inintoca iteipan ixhuihua Adán:
Quema Toteco Dios quinchijqui masehualme, quinchijchijqui quej ya itachiyalis. 2Quinchijchijqui tacame huan sihuame huan ipan nopa tonali quema quinchijqui, quintiochijqui huan quintocaxti “masehualme”.
3Huan quema Adán quipixqui 130 xihuit, tacatqui icone cati elqui quej ya huan san se inintachiyalis huan quitocaxti Set. 4Huan quema ya tacajtoya Set, Adán noja itztoya seyoc 800 xihuit huan quinpixqui más iconehua, tacame huan sihuame. 5Huan mijqui Adán quema quipixqui 930 xihuit.
6Huan Set quipiyayaya 105 xihuit quema tacatqui icone, Enós. 7Teipa Set noja itztoya seyoc 807 xihuit huan noja quinpixqui sequinoc iconehua, tacame huan sihuame. 8Huan mijqui Set quema quipixqui 912 xihuit.
9Huan Enós quipiyayaya 90 xihuit quema tacatqui icone, Cainán. 10Teipa Enós noja itztoya seyoc 815 xihuit huan noja quinpixqui más iconehua, tacame huan sihuame. 11Huan Enós mijqui quema quipixqui 905 xihuit.
12Huan Cainán quipiyayaya 70 xihuit quema tacatqui icone, Mahalaleel. 13Teipa Cainán itztoya seyoc 840 xihuit huan noja quinpixqui más iconehua, tacame huan sihuame. 14Huan Cainán mijqui quema quipixqui 910 xihuit.
15Huan Mahalaleel quipiyayaya 65 xihuit quema tacatqui icone, Jared. 16Teipa Mahalaleel itztoya seyoc 830 xihuit huan noja quinpixqui más iconehua, tacame huan sihuame. 17Huan mijqui Mahalaleel quema quipixqui 895 xihuit.
18Huan Jared quipiyayaya 162 xihuit quema tacatqui icone, Enoc. 19Teipa, Jared itztoya seyoc 800 xihuit más huan noja quinpixqui más iconehua, tacame huan sihuame. 20Huajca Jared quiaxiti 962 xihuit huan huajca mijqui.
21Huan Enoc quipiyayaya 65 xihuit quema tacatqui icone, Matusalén. 22Huan Enoc nochipa quichijqui ipaquilis Toteco Dios. Huan teipa quema Matusalén ya tacajtoya, Enoc itztoya seyoc 300 xihuit más huan noja quinpixqui sequinoc iconehua, tacame huan sihuame. 23Huajca ica nochi Enoc quiaxiti 365 xihuit. 24Huan pampa Enoc nochipa nejnentoya quej Toteco Dios ipaquilis, se tonali polijqui pampa Toteco Dios quihuicac.
25Huan Matusalén quipiyayaya 187 xihuit quema tacatqui icone cati quitocaxti Lamec. 26Huan teipa Matusalén itztoya seyoc 782 xihuit más huan noja quinpixqui más iconehua, tacame huan sihuame. 27Huajca ica nochi Matusalén quiaxiti 969 xihuit huan huajca mijqui.
28Lamec quipiyayaya 182 xihuit quema tacatqui icone, 29huan quitocaxti Noé. (Noé quinequi quiijtos Techyoltalis.) Quej nopa quitocaxti pampa quiijto: “TOTECO quitelchijqui ni tali, huan monequi titequitise tahuel chicahuac para titaeliltise, pero ni conet techyoltalis.”
30Huan teipa quema Noé ya tacajtoya, Lamec noja itztoya seyoc 595 xihuit huan noja quinpixqui más iconehua, tacame huan sihuame. 31Huajca Lamec quiaxiti 777 xihuit huan huajca mijqui.
32Huan Noé quipiyayaya 500 xihuit quema tacatque iconehua, Sem, Cam huan Jafet.
હાલમાં પસંદ કરેલ:
GÉNESIS 5: nchC
Highlight
શેર કરો
નકલ કરો
Want to have your highlights saved across all your devices? Sign up or sign in
© 2005, Wycliffe Bible Translators, Inc. All rights reserved.