युहन्ना किताब नाल्पाका
किताब नाल्पाका
इदोइ रेम्काबानाल इसुको चात्या, जब्दियाको चान युहन्नासो लेखेका एइ। युहन्ना इदोइ किताबता इसुहेङ परमेस्वरको असिम कथनको आकारता तिङपाका हि। इङकोङ कथन द्याङ जेङतेङ केलाइको माझाता बासा हि। इदोइ रेम्काबानालको किताब हाइ तिङपाखे पानु, इसु ख्रिस्ट दोङ परमेस्वरसो कबोल पाका छुटकारापिका रो परमेस्वरको चान एइ। वाता ताअ्का खान्धुरसो द्याङगेलाइ असिम ज्यान निनाको दोअ्का लाल्सा पातेङ इदोइ किताब लेखेका एइ (२०:३१)।
इदोइ किताबको लाङ आसिता बखान पाका भेनेङभेनेङ भारभुसाइका कामगेलाइहोइ इसु दोङ परमेस्वरको चान रो परमेस्वरसो कबोल पाका छुटकारा पिका एइ दोअ्तेङ तिङपाखे। इसु ख्रिस्टसो पाका भारभुसाइका कामगेलाइ कालाउ इङको र्हुता पाका बहस रो नातिजासो द्याङगेलाइ हेसापा वाता खान्धुर पातेङ वाको अनुगामि जेङहि दोअ्का काथा तिङपाका हि। बो हेअ्मि चाहिँ हेसापा मदभेद पातेङ वाता खान्धुरि पालि नामन्जुरि पाहि दोअ्का काथा बुङ तिङपाका हि। याको दोसाङ ताइको चात्यागेलाइदोफा इसुको भेर्पाको सेवा कोलाउ ताइमि कुरुसता सिकाखान्तेङ लाम्फा ताइको चात्यागेलाइहेङ हेसापा आट पिहि दोअ्का बाखान बुङ इदोइ किताबता निङखे। इदोइ किताबको न्हुअ् आसिता इसुहेङ रिम्का, मुदालागाइका, कुरुसता सिका, सिकासो सिन्हुतेङल्होका रो इङकोन्हुअ्सो वाको चात्यागेलाइको आगाता आरोङ तिङन्हाका काथा बाखान पाका हि।
इसु ख्रिस्टसो निङका असिम ज्यानचाहिँ एलोङ बानाल एइ दोअ्का काथाहेङ युहन्ना बल पिका हि। इसुहेङ दामा, सत रो ज्यानको आकारता साअ्कालाइ इङको बानालहेङ एला दोङ ज्यानता निङलि द्वावा। द्याङगेलाइ दिनाङ ज्यानता भोगितेङ हिका काथागेलाइ जिसिकाङः चि, तोले, जोल्का, भेरा रो घोका, अङगुरको सिङ रो सेका भाइका थोकगेलाइ हेसापा परमेस्वरको सतहेङ गेपालि लेनदेन जेङका हि दोअ्का काथा युहन्ना झोको बो हिदिङ किताबता पाका मातिङखे। इदोइ किताबहेङ मान रो लाल्सापातेङ पर्हेलि गोयाङ।
पोतोका बिसइ नामेसि
लाम्फर्तिको आमुख १:१-१८
चिभुअ्लि पिका युहन्ना रो इसुको चात्यागेलाइ १:१९-५१
द्याङगेलाइको माझाता इसुको उपकार २:१-१२:५०
इसु यरुसलेमता दोपाका न्हुअ् दिनागेलाइ १३:१-१९:४२
इसु सिकासो सिन्हुका रो देखाल पिका २०:१-३१
दोका: इसु आरोङ गालिलता देखाल पिका २१:१-२५
હાલમાં પસંદ કરેલ:
युहन्ना किताब नाल्पाका: DHIM
Highlight
શેર કરો
નકલ કરો
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.